- Аджашхан тёгерек айланыр.
- Сёз сёзню айтдырыр.
- Эте билген, этген этеди, эте билмеген, юретген этеди!
- Къызгъанчдан ычхыныр, мухардан ычхынмаз.
- Ачлыкъ отха секиртир.
- Айран тёгюлсе, джугъусу къалыр.
- Чыбыкълыкъда бюгюлмеген, къазыкълыкъда бюгюлмей эди.
- Ариу сёзде ауруу джокъ.
- Экиндини кеч къылсанг, чабыб джетер ашхам.
- Эки къатын алгъан – эки ташны ортасына башын салгъан.
- Аллахдан тилесенг, кёб тиле.
- Аманнга алтын чыдамаз.
- Къалгъан ишге къар джауар.
- Аман адамны тепсинге олтуртсанг, къызынгы тилер.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кёпюр салгъан кеси ётер, уру къазгъан кеси кетер.
- Тыш элде солтан болгъандан эсе, кесинги элде олтан болгъан игиди!
- Аш хазыр болса, иш харам болур.
- Суугъа – чабакъ, къаягъа – ыргъакъ.
- Абынмазлыкъ аякъ джокъ, джангылмазлыкъ джаякъ джокъ.
- Къайгъы тюбю – тенгиз.
- Адам къыйынлыгъын кёлтюрюр, зауукълугъун кёлтюрмез.
- Кийиминг бла танылма, адамлыкъ бла таныл.
- Ёлген эшек бёрюден къоркъмайды.
- Баш – акъыл ючюн, акъылман – халкъ ючюн.
- Джаханимни кёрмей, джандетге кёл салмазса.
- Ишлемеген – тишлемез.
- Ашха уста, юйюнде болсун
- Къатыны харакетли болса, эри къымсыз болур.
- Ач да бол, токъ да бол – намысынга бек бол.
- Ариу – кёзге, акъыл – джюрекге.
- Къууут – джелге, берне – бошха.
- Олтуруб кёрюнмей эди да, ёрге туруб кёрюне эди.
- Джарлы эскисин джамаса, къууаныр.
- Джаралыны джастыгъында сау ёлюр.
- Юй кюйдю да, кюйюз чыкъды, ортасындан тюйюш чыкъды.
- Биреуге кёлтюрген таягъынг, кесинги башынга урур.
- Джеринден айырылгъан – джети джылар, джуртундан айырылгъан – ёлгюнчю джылар.
- Берекет берсин деген джерде, берекет болур.
- Эки итни арасына сюек атма, эки адамны арасында сёз чыгъарма.
- Тёзген – тёш ашар!
- Башда акъыл болмаса, эки аякъгъа кюч джетер.
- Къонагъынгы артмагъын алма да, алгъышын ал.
- Джолунга кёре – джюрюшюнг, джагъанга кёре – юлюшюнг.
- Телини эшигин, махтау джабар.
- Билими азны – ауузунда кирит.
- Билимли ёлмез, билимсиз кёрмез.
- Ат басханны джер билед.
- Уллу суу бла уллу ауруудан башынгы сакъла.
- Мени джылытмагъан кюн, меннге тиймесин!
Профиль
|
РСС
 Эльбрусоид
Cообщений: 1399
Баллов: 1120
Регистрация: 10.02.2012
Последний визит: 18.08.2016 12:43:37
|
|
||||||||||||||
|
|
|
||||||||||||||