- Къартны бурнун сюрт да, оноугъа тут.
- Эки къатын алгъанны къулагъы тынгнгаймаз.
- Аманнга игилик этсенг, юйюнге сау бармазса.
- Джеринден айырылгъан – джети джылар, джуртундан айырылгъан – ёлгюнчю джылар.
- Байлыкъ адамны сокъур этер.
- Харам къарнашдан, халал тенг ашхы.
- Рысхысына кёре, джаш ёсер, къышлыгъына кёре, мал ёсер.
- Накъырданы арты керти болур.
- Ишлегенде эринме, ишде чолакъ кёрюнме.
- Тамчы таш тешер.
- Ким бла джюрюсенг, аны кёзю бла кёрюнюрсе.
- Юйюнгден чыкъдынг – кюнюнгден чыкъдынг.
- Тулпарлыкъ, билекден тюл – джюрекден.
- Джашынгы кесинг юретмесенг, джашау юретир.
- Халкъны джырын джырласанг, халкъ санга эжиу этер.
- Ишленмеген джаш – джюгенсиз ат, ишленмеген къыз – тузсуз хант.
- Арыгъан къош чамчы болур.
- Адамгъа аман кюн соруб келмейди.
- Байлыкъ болгъан джерде, тынчлыкъ джокъду.
- Ат да турмайды бир териде.
- Тили узунну, намысы – къысха.
- Хата – гитчеден.
- Хар зат кесини орнуна иги.
- Биреуге кёлтюрген таягъынг, кесинги башынга урур.
- Ачны эсинде – аш.
- Къралынгы – душмандан, башынгы от бла суудан сакъла.
- Къобан да къуру да къобханлай турмайды, адам да къуру да патчахлай турмайды.
- Кёб джат да, бек чаб.
- Эри аманны, къатыны – аман.
- Гитче джилтин уллу элни джандырыр.
- Айраннга суу къош, телиге джол бош.
- Къанны къан бла джуума, аманны аман бла къуума.
- Башынга джетмегенни сорма.
- Ашхы сёз таш тешер.
- Иги адам абынса да, джангылмаз.
- Ишлерге уял да, ашаргъа табма.
- Кёкдеги болмаса, джердегин кёрмейди.
- Билмезни кёзю кёрмез, этмезни къулагъы эшитмез.
- Тешик этген тынчды, аны джамагъан къыйынды.
- Ач къарным, тынч къулагъым.
- Сабыр джетер муратха, сабырсыз къалыр уятха.
- Юреннген ауруу къалмаз.
- Ёлмесенг да, къарт дамы болмазса?
- Эрни эр этерик да, къара джер этерик да, тиширыуду.
- Байны къызы баймакъ болса да, юйде къалмаз!
- Сёз сёзню айтдырыр.
- Тойчу джашха къарама, къойчу джашха къара.
- Къыз чыгъаргъан – къызыл къымжа.
- Телиге от эт десенг, юйюнге от салыр.
- Ашхы атаны – джашы ашхы, ашхы ананы – къызы ашхы.
Профиль
|
|
|
|||