- Насыблы элин сюер, насыбсыз кесин сюер.
- Джылар джаш, атасыны сакъалы бла ойнар.
- Биреуге аманлыкъ этиб, кесинге игилик табмазса.
- Эр сокъур болсун, къатын тилсиз болсун.
- Байлыкъдан саулукъ ашхыды.
- Эртде тургъан джылкъычыны эркек аты тай табар.
- Къонакъ аман болса, къонакъбай джунчур
- Тойну къарнашы – харс, джырны къарнашы – эжиу.
- Аман адам этегингден тутса, кес да къач.
- Намысы джокъну – дуниясы джокъ.
- Чёбню кёлтюрсенг, тюбюнден сёз чыгъар.
- Къайтырыкъ эшигинги, къаты уруб чыкъма.
- Телини эшигин, махтау джабар.
- Тюзню ётмеги тюзде къалса да, тас болмаз.
- Урама да – ёледи, сатама да – келеди.
- Борчунг бар эсе, хурджунунга ойлаб узал.
- Эрине къаргъыш этген къатын, эрнин къабар.
- Айранны сюйген, ийнек тутар.
- Джаралыны джастыгъында сау ёлюр.
- Аджал соруб келмез, келсе, къайтыб кетмез.
- Башланнган иш битер, къымылдагъан тиш тюшер.
- Ачылгъан эт джабылыр, кёрген кёз унутмаз.
- Къарнынг ауруса, ауузунгу тый
- Джигер – джаннга къыйынлыкъ.
- Юйюнгден чыкъдынг – кюнюнгден чыкъдынг.
- Босагъа таш юйге кирмей эди, тыбыр таш эшикге чыкъмай эди.
- Керилген да, ургъан кибикди.
- Тулпарлыкъ, билекден тюл – джюрекден.
- Ойнай билмеген, оюн бузар.
- Мухар, кеси тойса да, кёзю тоймаз.
- Азыгъы аз, алгъа къабар, аты аман, алгъа чабар.
- Игини сыйлагъан адетди.
- Тура эдим джата, къайдан чыкъды хата?
- Шайтан алдады, тюзлюк къаргъады.
- Арбаз къынгырды да, ийнек сауалмайма.
- Таш ата билмеген, башына урур.
- Ариу сёз джыланны орнундан чыгъарыр.
- Туз, гырджын аша, тюзлюк бла джаша.
- Орну джокъну – сыйы джокъ.
- Билимден уллу байлыкъ джокъду.
- Чалманны аллы къалай башланса, арты да алай барады.
- Иги сёз – джаннга азыкъ, аман сёз башха – къазыкъ.
- Джюрекден джюрекге джол барды.
- Таукел тауну аудурур.
- Чабар ат – джетген къыз.
- Сууда джау джокъ, кёб сёзде магъана джокъ.
- Сакъ юйюне сау барыр.
- Ёлген аслан – сау чычхан.
- Азыкълы ат арымаз, къатыны аман джарымаз.
- Башда акъыл болмаса, эки аякъгъа кюч джетер.
Профиль
|
|
|
|||