Эльбрусоид :: Форум :: Къара чачлы

Кёл – къызбай, къол – батыр.
Мал кёб болса, джууукъ кёб болур.
Адамны сыфатына къарама, сёзюне къара.
Гырджын – тепсини тамадасы.
Эски джаугъа ышанма.
Татлы сёз – балдан татлы.
Байны къызы баймакъ болса да, юйде къалмаз!
Намыс сатылыб алынмайды.
Джарашыу сюйген – джалынчакъ.
Татлы тилде – сёз ариу, чемер къолда – иш ариу.
Алма терегинден кери кетмез.
Тилде сюек болмаса да, сюек сындырыр.
Керек ташны ауурлугъу джокъ.
Кирсизни – саны таза, халалны – къаны таза.
Тёрдеги кюлсе, эшикдеги ышарыр.
Тыш элде солтан болгъандан эсе, кесинги элде олтан болгъан игиди!
Бир онгсуз адам адет чыгъарды, деб эштирик тюлсе.
Къыз чыгъаргъан – къызыл къымжа.
Урама да – ёледи, сатама да – келеди.
Джетген къыз джерли эшекни танымаз.
Тау башында, тау болмаз, джангыз терек, бау болмаз.
Ишге юренсин къоллары, халкъ бла болсун джоллары.
Джигер – джаннга къыйынлыкъ.
Айран тёгюлсе, джугъусу къалыр.
Тёзгеннге, джабылгъан эшик ачылыр.
Рысхы – сют юсюнде кёмюк кибикди.
Эте билген, этген этеди, эте билмеген, юретген этеди!
Тынгылагъан тынгы бузар.
Ханы къызы буюгъа-буюгъа киштик болду.
Бек анасы джыламаз.
Тамчы таш тешер.
Таш бла ургъанны, аш бла ур.
Айтхан – тынч, этген – къыйын.
Агъач – джерни чырайы, кийим – эрни чырайы.
Ачлыкъда тары гырджын халыуадан татлы.
Ачыу алгъа келсе, акъыл артха къалады.
Юйлю уругъа ит чабмаз.
Ашхы – джыяр, аман – джояр.
Джиби бир къат джетмей эди да, эки къат тарта эди.
Тура эдим джата, къайдан чыкъды хата?
Ата джурт – алтын бешик.
Уллу къазанда бишген эт, чий къалмаз.
Уллу къашыкъ эрин джыртар.
Къаллай салам берсенг, аллай джууаб алырса.
Кесинге джетмегенни, кёб сёлешме.
Чакъырылмагъан къонакъ къачан кетерин сормаз.
Кёз – сюйген джерде, къол – ауругъан джерде.
Чалманны аллы къалай башланса, арты да алай барады.
Сормай – алма, чакъырылмай – барма.
Сагъыш – къартлыкъгъа сюйюмчю.

Логин:
Пароль:
	Запомнить меня на этом компьютере

Забыли свой пароль?
Регистрация