- Окъдан джара эртде-кеч болса да бителир, сёз джара, ёмюрге къалыр.
- Билим насыб берир, билим джолну керир.
- Нарт сёз къарт болмаз.
- Эте билген, этген этеди, эте билмеген, юретген этеди!
- Ауругъаннга – кийик саулукъ, джетген къызгъа – чилле джаулукъ.
- Къууут – джелге, берне – бошха.
- Ач къалгъандан, кеч къалгъан къолай.
- Адамгъа аман кюн соруб келмейди.
- Окъумагъан сокъурду, сокъур ташха абыныр!
- Кёлю джокъну – джолу джокъ.
- Эл бла кёргенинг эрелей.
- Тюкюрюк баш джармаз, налат кёз чыгъармаз!
- Айырылгъанланы айю ашар, бёлюннгенлени бёрю ашар.
- Зарда марда джокъ.
- Оюмсуз атлагъан, аджалсыз ёлюр.
- Тил – миллетни джаны.
- Биреуге кёлтюрген таягъынг, кесинги башынга урур.
- Ашхы атаны – джашы ашхы, ашхы ананы – къызы ашхы.
- Мухар, кеси тойса да, кёзю тоймаз.
- Эр сокъур болсун, къатын тилсиз болсун.
- Ашаса, ашамаса да, бёрюню ауузу – къан.
- Къар – келтирди, суу – элтди.
- Чыкълы кюнде чыкъмагъан, чыкъса къуру кирмеген.
- Таукел адам тау тешер.
- Ётюрюкден тюбю джокъ, кёлтюрюрге джиби джокъ.
- Джюрекден джюрекге джол барды.
- Окъуу – билимни ачхычы, окъуу – дунияны бачхычы.
- Хунаны тюбюн къазсанг, юсюнге ауар.
- Кийим тукъум сордурур.
- Чомарт къонакъ юй иесин сыйлар.
- Аллахха ийнаннган кишини, Аллах онгдурур ишин.
- Иги адамны бир сёзю эки болмаз.
- Адебни адебсизден юрен.
- Сёз сёзню айтдырыр.
- Кёпюр салгъан кеси ётер, уру къазгъан кеси кетер.
- Акъыл къартда, джашда тюйюлдю – башдады.
- Гугук кесини атын айтыб къычыргъанча, мен, мен деб нек тураса?
- Кимни – тили, тиши онглу, кимни – къолу, иши онглу.
- Ашыкъгъанны этеги бутуна чырмалыр.
- Кийимни бичсенг, кенг бич, тар этген къыйын тюлдю.
- Билмезни кёзю кёрмез, этмезни къулагъы эшитмез.
- Ёлген аслан – сау чычхан.
- Байдан умут эте, джарлыдан ёгюз багъасы къорады.
- Айран ичген – къутулду, джугъусун джалагъан – тутулду.
- Айныгъанлы алты кюн, тогъайгъанлы тогъуз кюн.
- Намыс сатылыб алынмайды.
- Элде адам къалмаса, ит тахтагъа минер.
- Аякъларынгы джууургъанынга кёре узат.
- Къарын къуру болса, джюрек уру болур.
- Ашатыргъа иш – ашхы, ишлетирге аш – ашхы.
Профиль
|
Гинджичик
 Эльбрусоид
Cообщений: 180
Баллов: 144
Регистрация: 29.02.2012
Последний визит: 02.06.2014 16:33:04
|
|
||||||
|
|
|
||||||