Эльбрусоид :: Форум

Телиге акъыл салгъандан эсе, ёлгеннге джан салырса.
Къызны минг тилер, бир алыр.
Джыйырма къойну юч джыйырма эбзе кюте эди.
Элге къуллукъ этмеген, элге ие болмаз.
Тил – кесген бычакъ, сёз – атылгъан окъ.
Чакъырылмагъан джерге барма, чакъырылгъан джерден къалма.
Уруну арты – къуру.
Ёгюзню мюйюзюнден тутадыла, адамны сёзюнден тутадыла.
Ариу сёзде ауруу джокъ.
Тиширыусуз юй – отсуз от джагъа.
Уллу къазанда бишген эт, чий къалмаз.
Джети тилни билген джети кишиди.
Чомартха Тейри да борчлуду.
Ашыкъгъанны этеги бутуна чырмалыр.
Къая джолда джортма, ачыкъ сёзден къоркъма.
Чабакъсыз кёлге къармакъ салгъанлыкъгъа, чабакъ тутмазса.
Аякъларынгы джууургъанынга кёре узат.
Оюмсуз атлагъан, аджалсыз ёлюр.
Таякъ этден ётер, тил сюекден ётер.
Экеулен сёлеше тура эселе, орталарына барыб кирме.
Окъдан джара эртде-кеч болса да бителир, сёз джара, ёмюрге къалыр.
Ханы къызы буюгъа-буюгъа киштик болду.
Къалгъан ишге къар джауар.
Артына баргъанны, къатына барма.
Къызын тута билмеген, тул этер, джашын тута билмеген, къул этер.
Эм ашхы къайын ана мамукъ бла башынгы тешер.
Азыкълы ат арымаз, къатыны аман джарымаз.
Узун джолну барсанг, бюгюн келирсе, къысха джолну барсанг, тамбла келирсе.
Урама да – ёледи, сатама да – келеди.
Биреу ашаб къутулур, биреу джалаб тутулур.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Ачлыкъда тары гырджын халыуадан татлы.
Чомарт джарлы болмаз.
Зарда марда джокъ.
Келлик заман – къартлыкъ келтирир, кетген заман – джашлыкъ ёлтюрюр.
Мени джылытмагъан кюн, меннге тиймесин!
Адам къыйынлыгъын кёлтюрюр, зауукълугъун кёлтюрмез.
Онгсузну – джакъла, тенгликни – сакъла.
Харам къарнашдан, халал тенг ашхы.
Нёгерсизни джолу узун.
Къан бла кирген, джан бла чыгъар.
Биреуге кёлтюрген таягъынг, кесинги башынга урур.
Ишлемеген – тишлемез.
Гугук кесини атын айтыб къычыргъанча, мен, мен деб нек тураса?
Алгъанда – джууукъ, бергенде – джау.
Ашын ашагъанынгы, башын да сыйла.
Сибиртки да сыйлы болду, кюрек да кюнлю болду.
Берекет берсин деген джерде, берекет болур.
Хоншуну тауугъу къаз кёрюнюр, келини къыз кёрюнюр.
Адебни адебсизден юрен.

Логин:
Пароль:
	Запомнить меня на этом компьютере

Забыли свой пароль?
Регистрация