- Кесинге джетмегенни, кёб сёлешме.
- Кёбню кёрген – кёб билир.
- Иги джашны ышаны – аз сёлешиб, кёб тынгылар.
- Игиге айтсанг – билир, аманнга айтсанг – кюлюр.
- Элиб деген, элге болушур.
- Юй кюйдю да, кюйюз чыкъды, ортасындан тюйюш чыкъды.
- Тойну къарнашы – харс, джырны къарнашы – эжиу.
- Сормай – алма, чакъырылмай – барма.
- Айранын берсенг, челегин да къызгъанма.
- Эллинг бла джау болсанг да, юйюнг бла джау болма.
- Кирсизни – саны таза, халалны – къаны таза.
- Тюзню ётмеги тюзде къалса да, тас болмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Уллу сёзде уят джокъ.
- Алтыннга тот къонмаз.
- Ач уят къоймаз.
- Ач бёрюге мекям джокъ.
- Сёз сёзню айтдырыр.
- Башда акъыл болмаса, эки аякъгъа кюч джетер.
- Шекер бла туз – бир болмаз, ушамагъан – юй болмаз.
- Ишленмеген джаш – джюгенсиз ат, ишленмеген къыз – тузсуз хант.
- Ашыкъгъан cуу, тенгизге джетмез.
- Асхат ашлыкъ сата, юйдегиси ачдан къата.
- Ана кёлю – балада, бала кёлю – талада.
- Къарт айтханны этмеген, къартаймаз.
- Илму – джашауну джолу.
- Джахил болса анасы, не билликди баласы?
- Сабыр джетер муратха, сабырсыз къалыр уятха.
- Нарт сёз – тилни бети.
- Башы джабылгъан челекге, кир тюшмез.
- Намыс сатылыб алынмайды.
- Аман къатын сабий табса, бий болур…
- Ёзденликни кёбю ётюрюк.
- Келинин тута билмеген, къул этер, къызын тута билмеген, тул этер.
- Иги сеники эсе да, сюйген кесимикин этеме.
- Акъыл къартда, джашда тюйюлдю – башдады.
- Татлы сёз – балдан татлы.
- Элни кючю – эмеген.
- Туз, гырджын аша, тюзлюк бла джаша.
- Керек ташны ауурлугъу джокъ.
- Адам къыйынлыгъын кёлтюрюр, зауукълугъун кёлтюрмез.
- Бир абыннган – минг сюрюнюр.
- Чомарт къолда мал къалмаз.
- Къарны аманнга къазан такъдырма, къолу аманнга от джакъдырма.
- Олтуруб кёрюнмей эди да, ёрге туруб кёрюне эди.
- Кёз – сюйген джерде, къол – ауругъан джерде.
- Айранны сюйген, ийнек тутар.
- Шайтан алдады, тюзлюк къаргъады.
- Бойнуму джети джерден кессенг да, мен ол ишни этеллик тюлме.
- Джырчы джырчыгъа – къарнаш.
Профиль
|
|
|
|||