- Хаухну атма, ёнгкючню сатма.
- Чакъырылмагъан къонакъ къачан кетерин сормаз.
- Ашхы адам – халкъ байлыгъы, ашхы джер – джашау байлыгъы.
- Дженгил джетерикме деб, узун джолну къоюб, къысхасын барма.
- Билмейме деген – бир сёз
- Ауругъанны сау билмез, ач къарынны токъ билмез.
- Бал чибинни ургъаны – ачы, балы – татлы.
- Акъдан къара болмаз.
- Джашда акъыл джокъ, къартда къарыу джокъ.
- Атынг аманнга чыкъгъандан эсе, джанынг тамагъынгдан чыкъсын.
- Сютден ауузу кюйген, суугъа юфгюре эди.
- Биреуню эскиси биреуге джангы болмайды.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ат басханны джер билед.
- Юй кюйдю да, кюйюз чыкъды, ортасындан тюйюш чыкъды.
- Ач уят къоймаз.
- Чомартны къолу берекет.
- Азыкъ аз болса, эртде орун сал.
- Борчунг бар эсе, хурджунунга ойлаб узал.
- Бал ашаргъа сюе эсенг, чибин ургъаннга тёз.
- Тик ёргени, тик энгишгеси да болады.
- Ёгюзню мюйюзлери ауурлукъ этмейдиле.
- Джюрек кёзден алгъа кёрюр.
- Къарнынг тойгъунчу аша да, белинг талгъынчы ишле.
- Аууздан келген, къолдан келсе, ким да патчах болур эди.
- Тамырсыз терекге таянма – джыгъылырса.
- Рысхы – сют юсюнде кёмюк кибикди.
- Джол бла сёзню къыйыры джокъ.
- Эки элинги тыйсанг, джети элде махталырса.
- Бир онгсуз адам адет чыгъарды, деб эштирик тюлсе.
- Кёлсюзден сёзсюз тууар.
- Джырчы джырчыгъа – къарнаш.
- Къонагъы джокъну – шоху джокъ.
- Агъач халкъгъа алтынды, иссиликге салкъынды.
- Аман киши кеси юйюнде – къонакъ.
- Акъыллы айтыр эди, акъылсыз къоймайды.
- Ётген ёмюр – акъгъан суу.
- Къатыны харакетли болса, эри къымсыз болур.
- Кёбден умут этиб, аздан къуру къалма.
- Къолу уллу – асыу, аягъы уллу – джарсыу.
- Чомарт джарлы болмаз.
- Таула не мийик болсала да, аууш табылыр.
- Джаханимни кёрмей, джандетге кёл салмазса.
- Сютню башын джалагъан къутулур, тюбюн ичген тутулур.
- Ач къалгъандан, кеч къалгъан къолай.
- Юре билмеген ит, къонакъ келтирир.
- Бойнуму джети джерден кессенг да, мен ол ишни этеллик тюлме.
- Кёпюр салгъан кеси ётер, уру къазгъан кеси кетер.
- Эл ауузу – элек, анга ийнаннган – халек.
- Тау башында, тау болмаз, джангыз терек, бау болмаз.
Профиль
|
|
|
|||