- Мен да «сен», дейме, сен да «кесим», дейсе.
- Ёксюзню къалачы уллу кёрюнюр.
- Намыс сатылыб алынмайды.
- Джолда аягъынга сакъ бол, ушакъда тилинге сакъ бол.
- Айтхан сёзюне табылгъан.
- Айтхан – тынч, этген – къыйын.
- Адеби болмагъан къыз – тузсуз хант.
- Окъуусуз билим – джокъ, билимсиз кюнюнг – джокъ.
- Ёнгкюч къууана барыр, джылай келир.
- Керек ташны ауурлугъу джокъ.
- Оюмсуз атлагъан, аджалсыз ёлюр.
- Келинин тута билмеген, къул этер, къызын тута билмеген, тул этер.
- Джашны джигитлиги сорулур, къызны джигерлиги сорулур.
- Джукъу тёшек сайламайды.
- Накъырданы арты керти болур.
- Окъ къызбайны джокълайды.
- Айтханы чапыракъдан ётмеген.
- Эл тойса, тоймагъан, эл къойса, къоймагъан.
- Хансыз джомакъ болмаз.
- Ишлерге уял да, ашаргъа табма.
- Ёлюк кебинсиз къалмаз.
- Ариу – кёзге, акъыл – джюрекге.
- Джангыз торгъай джырламаз.
- Къазанда болса, чолпугъа чыгъар.
- Ургъан суудан башынгы сакъла.
- Къобан да къуру да къобханлай турмайды, адам да къуру да патчахлай турмайды.
- Таш ата билмеген, башына урур.
- Ата – билек, ана – джюрек!
- Адеб этмеген, адеб кёрмез.
- Къызны минг тилер, бир алыр.
- Таякъ этден ётер, тил сюекден ётер.
- Ачлыкъ отха секиртир.
- Зар адам ашынгы ашар, кесинги сатар.
- Эр сокъур болсун, къатын тилсиз болсун.
- Джарлы джети элни сёзюн этер.
- Кимни – тили, тиши онглу, кимни – къолу, иши онглу.
- Тюз сёз баргъан сууну тыяр.
- Абынмазлыкъ аякъ джокъ, джангылмазлыкъ джаякъ джокъ.
- Туз, гырджын аша, тюзлюк бла джаша.
- Алим болгъандан эсе, адам болгъан къыйынды.
- Бермеген къол, алмайды.
- Ёлген эшек бёрюден къоркъмайды.
- Тынгылагъан тынгы бузар.
- Ачылгъан эт джабылыр, кёрген кёз унутмаз.
- Сабий болмагъан джерде, мёлек болмаз.
- Мухар, кеси тойса да, кёзю тоймаз.
- Ашлыкъны арба юйге келтирир, чана базаргъа элтир.
- Ана – юйню кюн джарыгъы.
- Битмегеннге сакъал – танг.
- Къыз тиширыу кеси юйюнде да къонакъды.
Профиль
|
|
|
|||