- Сёз садакъдан кючлюдю.
- Джаным-тиним – окъуу, билим.
- Ауузу бла къуш тута айланады.
- Азыгъы аз, алгъа къабар, аты аман, алгъа чабар.
- Бастасын ашагъан, хантусун да ичер.
- Джерни букъусу кёкге къонмаз.
- Ачлыкъ отха секиртир.
- Байлыкъ тауусулур, билим тауусулмаз.
- Адамгъа аман кюн соруб келмейди.
- Аякъларынгы джууургъанынга кёре узат.
- Эки къатын алгъанны къулагъы тынгнгаймаз.
- Ишлерге уял да, ашаргъа табма.
- Ичимден чыкъды хата, къайры барайым сата?
- Бермеген къол, алмайды.
- Ариу сёз аурууунгу алыр.
- Сёз къанатсыз учар.
- Кёз – сюйген джерде, къол – ауругъан джерде.
- Ёлюк кебинсиз къалмаз.
- Телиге акъыл салгъандан эсе, ёлгеннге джан салырса.
- Акъыллы эркиши атын махтар, акъылсыз эркиши къатынын махтар.
- Ач къарынны, токъ билмез
- Сютден ауузу кюйген, суугъа юфгюре эди.
- Джаш къарыу бла кючлю, къарт акъыл бла кючлю.
- Ёмюрлюк шохлукъну джел элтмез.
- Гитче джилтин уллу элни джандырыр.
- Ишге юренсин къоллары, халкъ бла болсун джоллары.
- Эл тойса, тоймагъан, эл къойса, къоймагъан.
- Джангыз торгъай джырламаз.
- Сибиртки да сыйлы болду, кюрек да кюнлю болду.
- Ашхы адам – халкъ байлыгъы, ашхы джер – джашау байлыгъы.
- Этни бети бла шорпасы.
- Малны кют, джерни тюрт.
- Чабакъ башындан чирийди.
- Эл бла кёргенинг эрелей.
- Байлыкъ болгъан джерде, тынчлыкъ джокъду.
- Къонагъынгы артмагъын алма да, алгъышын ал.
- Сакъалы текени да бар, мыйыгъы киштикни да бар.
- Чакъырылмагъан къонакъ тёрге атламаз.
- Къая джолда джортма, ачыкъ сёзден къоркъма.
- Джарлы эскисин джамаса, къууаныр.
- Джогъун бар этген, барын бал этген.
- Махтаннган къыз, тойда джукълар.
- Эл элде бирер малынг болгъандан эсе, бирер тенгинг болсун.
- Ач да бол, токъ да бол – намысынга бек бол.
- Тилсиз миллет джокъ болур.
- Ач бёрюге мекям джокъ.
- Чакъырылгъанны аты, чакъырылмагъанны багъасы болур.
- Къызбайны юйюне дери сюрсенг, батыр болур.
- Эл ауузу – элия.
- Ишлемеген – тишлемез.
Профиль
|
Alania
 Эльбрусоид
Cообщений: 111
Баллов: 88
Регистрация: 22.03.2012
Последний визит: 07.06.2020 17:00:18
|
|
||||||||
|
|
|
||||||||