- Гугук кесини атын айтыб къычыргъанча, мен, мен деб нек тураса?
- Айырылгъанланы айю ашар, бёлюннгенлени бёрю ашар.
- Къатын байлыкъны сюер, эр саулукъну сюер.
- Билмезни кёзю кёрмез, этмезни къулагъы эшитмез.
- Дуния мал дунияда къалады.
- Сагъыш – къартлыкъгъа сюйюмчю.
- Акъыллы – эл иеси, тели – эл баласы.
- Къарын къуру болса, джюрек уру болур.
- Уллу сёзде уят джокъ.
- Ишленмеген джаш – джюгенсиз ат, ишленмеген къыз – тузсуз хант.
- Чабакъ башындан чирийди.
- Аджал соруб келмез, келсе, къайтыб кетмез.
- Баш – акъыл ючюн, акъылман – халкъ ючюн.
- Халкъны юйю – туугъан джери.
- Чомарт къонакъ юй иесин сыйлар.
- Биреуге аманлыкъны тилеме да, кесинге ашхылыкъны тиле.
- Эшекге миннген – биринчи айыб, андан джыгъылгъан – экинчи айыб.
- Сууда джау джокъ, кёб сёзде магъана джокъ.
- Иги адамны бир сёзю эки болмаз.
- Чёбню кёлтюрсенг, тюбюнден сёз чыгъар.
- Аз сёлешген, къайгъысыз турур.
- Ишге юренсин къоллары, халкъ бла болсун джоллары.
- Джолунга кёре – джюрюшюнг, джагъанга кёре – юлюшюнг.
- Ишлерге уял да, ашаргъа табма.
- Мен да «сен», дейме, сен да «кесим», дейсе.
- Кютгени беш эчки, сызгъыргъаны уа, джерни джарады.
- Ханнга да келеди хариблик.
- Билмейме деген – бир сёз
- Адамны сыфатына къарама, сёзюне къара.
- Ариу сёз – къылычдан джити.
- Баланы адам этген анады.
- Ата – баланы уясы.
- Кесине оноу эте билмеген, халкъына да эте билмез.
- Адам боллукъ, атламындан белгили болур.
- Тамырсыз терекге таянма – джыгъылырса.
- Бичгенде ашыкъма, тикгенде ашыкъ.
- Ариу сёз – джаннга азыкъ, аман сёз – башха къазыкъ.
- Ашыкъгъан cуу, тенгизге джетмез.
- Чомарт джарлы болмаз.
- Сибиртки да сыйлы болду, кюрек да кюнлю болду.
- Адебсиз адам – джюгенсиз ат.
- Бир онгсуз адам адет чыгъарды, деб эштирик тюлсе.
- Миллетни бойну – базыкъ, аны бла кюрешген – джазыкъ.
- Этни бети бла шорпасы.
- Окъугъанны бети джарыкъ.
- Ауругъан – джашаудан умутчу.
- Ариу сёз аурууунгу алыр.
- Игини сыйлагъан адетди.
- Сютню башын джалагъан къутулур, тюбюн ичген тутулур.
- Чыкълы кюнде чыкъмагъан, чыкъса къуру кирмеген.
Профиль
|
|
|
|||