- Келгинчи, къонакъ уялыр, келгенден сора, къонакъбай уялыр.
- Айыбны суу бла джууалмазса.
- Aдам боллукъ, сыфатындан белгили.
- Тенгинг джокъ эсе – изле, бар эсе – сакъла!
- Ашатыргъа иш – ашхы, ишлетирге аш – ашхы.
- Къазанны башы ачыкъ болса, итге уят керекди.
- Джырына кёре эжиую.
- Тилчиден кери бол.
- Адеби болмагъан къыз – тузсуз хант.
- Уясында не кёрсе, учханында аны этер.
- Эл тойса, тоймагъан, эл къойса, къоймагъан.
- Алтыда кюлмеген, алтмышда кюлмез.
- Игини сыйлагъан адетди.
- Телиге акъыл салгъандан эсе, ёлгеннге джан салырса.
- Адамны джюреги нени кёрюрге сюйсе, кёзю да аны кёрюрге ёч болады.
- Тил – кесген бычакъ, сёз – атылгъан окъ.
- Босагъа таш юйге кирмей эди, тыбыр таш эшикге чыкъмай эди.
- Урама да – ёледи, сатама да – келеди.
- Кёл ашады да, кеси ашады.
- Ашхы атаны – джашы ашхы, ашхы ананы – къызы ашхы.
- Акъыллы башны – тили къысха.
- Керек ташны ауурлугъу джокъ.
- Туз, гырджын аша, тюзлюк бла джаша.
- Хар адамгъа кеси миннген тау кибик.
- Нёгерсизни джолу узун.
- Тойгъанлыкъ къойгъа джарашады.
- Хар зат кесини орнуна иги.
- Акъыллы – эл иеси, тели – эл баласы.
- Юй кюйдю да, кюйюз чыкъды, ортасындан тюйюш чыкъды.
- Сормай – алма, чакъырылмай – барма.
- Душманны тышы – акъ, ичи – къара.
- Нарт сёз – тилни бети.
- Джылыгъа джылан илешир.
- Баланы адам этген анады.
- Къоркъакъны кёзю экили кёрюр.
- Кёбге таш атма.
- Ачлыкъда тары гырджын халыуадан татлы.
- Ёнгкюч къууана барыр, джылай келир.
- Таш бла ургъанны, аш бла ур.
- Иги джашны ышаны – аз сёлешиб, кёб тынгылар.
- Къыз чыгъаргъан – къызыл къымжа.
- Уллу сёзде уят джокъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Къарт болгъан джерде, берекет болур, сабий болгъан джерде, оюн болур.
- Арбаз сайлама да, хоншу сайла.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Махтаннган къыз, тойда джукълар.
- Джаш болсун, къыз болсун, акъылы, саны тюз болсун.
- Байлыкъ тауусулур, билим тауусулмаз.
- Байлыкъ болгъан джерде, тынчлыкъ джокъду.
Профиль
|
|
|
|||