- Нафысынгы айтханын этме, намысынгы айтханын эт.
- Ач уят къоймаз.
- Тойгъан джерден туугъан джер игиди.
- Иги болса, тамадама – махтау, аман болса, меннге – айыб.
- Ёлген эшек бёрюден къоркъмайды.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ашхы сёз таш тешер.
- Ишни ахырын ойламай, аллын башлама.
- Ач бёрюге мекям джокъ.
- Зарда марда джокъ.
- Тойгъа барсанг, тоюб бар, эски тонунгу къоюб бар.
- Орну джокъну – сыйы джокъ.
- Чарсда алчыны эл кёреди.
- Кёб къычыргъандан – къоркъма, тынч олтургъандан – къоркъ.
- Адам къаллай бир ишленмесе, аллай бир кесин уллу кёреди.
- Къыз тиширыу кеси юйюнде да къонакъды.
- Къайгъы тюбю – тенгиз.
- Тойну къарнашы – харс, джырны къарнашы – эжиу.
- Ачылгъан эт джабылыр, кёрген кёз унутмаз.
- Билеги кючлю, бирни джыгъар, билими кючлю, мингни джыгъар.
- Сютден ауузу кюйген, суугъа юфгюре эди.
- Арбаз къынгырды да, ийнек сауалмайма.
- Итли къонакъ джарашмаз.
- Чомарт джарлы болмаз.
- Ата джурт – алтын бешик.
- Ётюрюкню башын керти кесер.
- Оюмсуз атлагъан, аджалсыз ёлюр.
- Чабакъгъа акъыл, табагъа тюшсе келеди.
- Къоркъакъны кёзю экили кёрюр.
- Адамны бетине къарама, адетине къара.
- Суу ичген шауданынга тюкюрме.
- Юй ишлеген балта эшикде къалыр.
- Айырылмаз джууугъунга, унутмаз сёзню айтма.
- Элге къуллукъ этмеген, элге ие болмаз.
- Ариу джол аджал келтирмез.
- Джетген къыз джерли эшекни танымаз.
- Телиге акъыл салгъандан эсе, ёлгеннге джан салырса.
- Ойнай-ойнай кёз чыгъар.
- Насыб бютеу халкъны юлюшюдю.
- Тили узунну, намысы – къысха.
- Тынгылагъан тынгы бузар.
- Ариу сёз – джаннга азыкъ, аман сёз – башха къазыкъ.
- Биреуге аманлыкъ этиб, кесинге игилик табмазса.
- Таукел тауну аудурур.
- Къартха ушагъан джаш – акъыллы, джашха ушагъан къарт – тели.
- Ёгюзню мюйюзлери ауурлукъ этмейдиле.
- Кёл ашады да, кеси ашады.
- Джети тилни билген джети кишиди.
- Ёгюзню мюйюзюнден тутадыла, адамны сёзюнден тутадыла.
- Джылар джаш, атасыны сакъалы бла ойнар.
Профиль
|
|
|
|||