- Ауругъаннга – кийик саулукъ, джетген къызгъа – чилле джаулукъ.
- Айран ичген – къутулду, джугъусун джалагъан – тутулду.
- Мени джылытмагъан кюн, меннге тиймесин!
- Юйлю уругъа ит чабмаз.
- Тойчу джашха къарама, къойчу джашха къара.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Келинин тута билмеген, къул этер, къызын тута билмеген, тул этер.
- Миллетни бойну – базыкъ, аны бла кюрешген – джазыкъ.
- Кёз – сюйген джерде, къол – ауругъан джерде.
- Байма, деб да, къууанма, джарлыма, деб да, джылама.
- Кюлме джашха – келир башха.
- Тюз сёз баргъан сууну тыяр.
- Къонакъны къачан кетерин сорма, къачан келлигин сор.
- Акъыл аздырмаз, билим тоздурмаз.
- Чабакъгъа акъыл, табагъа тюшсе келеди.
- Тыш элде солтан болгъандан эсе, кесинги элде олтан болгъан игиди!
- Магъанасыз сёз – тауушсуз сыбызгъы.
- Экеулен сёлеше тура эселе, орталарына барыб кирме.
- Къонагъы джокъну – шоху джокъ.
- Агъач халкъгъа алтынды, иссиликге салкъынды.
- Тюзлюк тас болмайды.
- Аджашхан тёгерек айланыр.
- Кёзюнде тереги болгъан, чёбю болгъаннга кюле эди.
- Къарнынг ауруса, ауузунгу тый
- Тас болгъан бычакъны сабы – алтын.
- Сакъалы текени да бар, мыйыгъы киштикни да бар.
- Ауузу аманнга «иги», деме.
- Ётген ёмюр – акъгъан суу.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ёксюзню тилеги къабыл болур.
- Ашатыргъа иш – ашхы, ишлетирге аш – ашхы.
- Къан бла кирген, джан бла чыгъар.
- Ауругъанны сау билмез, ач къарынны токъ билмез.
- Кёлсюзден сёзсюз тууар.
- Хар ишни да аллы къыйынды.
- Къууут – джелге, берне – бошха.
- Джарлыны тону джаз битер.
- Кесинг сынамагъан затны, адамгъа буюрма.
- Кесине гебен этелмеген, биреуге черен эте эди.
- Джыгъылгъанны сырты джерден тоймаз.
- Ачыу алгъа келсе, акъыл артха къалады.
- Таукелге нюр джауар.
- Халкъны юйю – туугъан джери.
- Къартны бурнун сюрт да, оноугъа тут.
- Мал тутхан – май джалар.
- Ойнай билмеген, оюн бузар.
- Тиширыусуз юй – отсуз от джагъа.
- Адамны артындан къара сабан сюрме.
- Къалгъан ишге къар джауар.
- Къонакъ кёб келюучю юйню, къазаны отдан тюшмез.
Профиль
|
|
|
|||