Эльбрусоид :: Форум :: Гвидо Фокс

Ач бёрюге мекям джокъ.
Ёгюзню мюйюзюнден тутадыла, адамны сёзюнден тутадыла.
Айырылгъанланы айю ашар, бёлюннгенлени бёрю ашар.
Бети – къучакълар, джюреги – бычакълар.
Къарнынг къанлынга кийирир.
Билим къая тешер.
Кёлсюзден сёзсюз тууар.
Ариу сёзде ауруу джокъ.
Биреу къой излей, биреу той излей.
Адамны адамлыгъы къыйынлыкъда айгъакъланады.
Кёл – къызбай, къол – батыр.
Ауругъаннга – кийик саулукъ, джетген къызгъа – чилле джаулукъ.
Ханнга да келеди хариблик.
Ойнай-ойнай кёз чыгъар.
Татлы сёз – балдан татлы.
Ачлыкъда тары гырджын халыуадан татлы.
Сакъалы текени да бар, мыйыгъы киштикни да бар.
Рысхы джалгъанды: келген да этер, кетген да этер.
Дууулдаса – бал чибин, къонса – къара чибин.
Эрине къаргъыш этген къатын, эрнин къабар.
Таш ата билмеген, башына урур.
Чакъырылмагъан къонакъ къачан кетерин сормаз.
Джаш къарыу бла кючлю, къарт акъыл бла кючлю.
Уллу къашыкъ эрин джыртар.
Харам къарнашдан, халал тенг ашхы.
Киштикге къанат битсе, чыпчыкъ къалмаз эди.
Тешик этген тынчды, аны джамагъан къыйынды.
Таукел адам тау тешер.
Тил бла келеди джыр да.
Татлы тилде – сёз ариу, чемер къолда – иш ариу.
Байны оноуу, джарлыгъа джарамаз.
Иги – алгъыш этер, аман – къаргъыш этер.
Кюн кёрмеген, кюн кёрсе, кюндюз чыракъ джандырыр.
От этилмеген джерден тютюн чыкъмайды.
Джюз элде джюз ёгюзюм болгъандан эсе, джюз джууугъум болсун.
Акъыл аздырмаз, билим тоздурмаз.
Битмегеннге сакъал – танг.
Къанны къан бла джуума, аманны аман бла къуума.
Къызгъанчдан ычхыныр, мухардан ычхынмаз.
Ариу сёз – къылычдан джити.
Биреуню къыйынлыгъы бла кесинге джол ишлеме.
Къартха ушагъан джаш – акъыллы, джашха ушагъан къарт – тели.
Телини эшигин, махтау джабар.
Къарнынг тойгъунчу аша да, белинг талгъынчы ишле.
Терслик кетер, тюзлюк джетер.
Кесинге джетмегенни, кёб сёлешме.
Акъыл неден да кючлюдю.
Айранын берсенг, челегин да къызгъанма.
Уллу айтханны этмеген – уллаймаз.
Акъылсызны джууукъгъа алма, акъыллыны кенгнге салма.

Логин:
Пароль:
	Запомнить меня на этом компьютере

Забыли свой пароль?
Регистрация