- Ушамагъан – джукъмаз.
- Зарда марда джокъ.
- Элде адам къалмаса, ит тахтагъа минер.
- Чомартны къолун джокълукъ байлар.
- Айранын берсенг, челегин да къызгъанма.
- Сыфатында болмагъаны, суратында болмаз.
- Хаухну атма, ёнгкючню сатма.
- Ойнаб айтсанг да, эслеб айт.
- Кёб къычыргъандан – къоркъма, тынч олтургъандан – къоркъ.
- Джангыз торгъай джырламаз.
- Бек ашыкъгъан меннге джетсин, дегенди аракъы.
- Биреуге аманлыкъ этиб, кесинге игилик табмазса.
- Тюз сёз баргъан сууну тыяр.
- Чабакъсыз кёлге къармакъ салгъанлыкъгъа, чабакъ тутмазса.
- Ауругъанны сау билмез, ач къарынны токъ билмез.
- Чоюнну башы ачыкъ болса, итге уят керекди.
- Билген билмегенни юретген адетди.
- Ишлемеген – тишлемез.
- Мал кёб болса, джууукъ кёб болур.
- Рысхы – сют юсюнде кёмюк кибикди.
- Уллу суу бла уллу ауруудан башынгы сакъла.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Чабакъгъа акъыл, табагъа тюшсе келеди.
- Келинни – келгинчи, бёркню кийгинчи кёр.
- Биреу къой излей, биреу той излей.
- Джыйырма къойну юч джыйырма эбзе кюте эди.
- Сибиртки да сыйлы болду, кюрек да кюнлю болду.
- Къонакъ аман болса, къонакъбай джунчур
- Ачыу алгъа келсе, акъыл артха къалады.
- Мухарны эси – ашарыкъда.
- Ашыкъгъанны этеги бутуна чырмалыр.
- Терслик кетер, тюзлюк джетер.
- Адамгъа аман кюн соруб келмейди.
- Чомарт бергенин айтмаз.
- Акъыллы айтыр эди, акъылсыз къоймайды.
- Къуллукъчума, деб махтанма, къуллукъ – хаух джамчыды!
- Айтылгъан буйрукъ, сёгюлмез
- Чомартха хар кюн да байрамды.
- Кёб ант этген, кёб ётюрюк айтыр.
- Эл ауузу – элия.
- Ёлюр джаннга, ёкюл джокъ.
- Берекет берсин деген джерде, берекет болур.
- Тойгъандан сора, ашны сёкме.
- Халкъгъа джарагъан, джарлы къалмаз.
- Тёрде – темир таякълы, къаяда – чыпчыкъ аякълы.
- Аджал соруб келмез, келсе, къайтыб кетмез.
- Тёзгеннге, джабылгъан эшик ачылыр.
- Адам боллукъ, атламындан белгили болур.
- Ойнай-ойнай кёз чыгъар.
- Нарт сёз – тилни бети.
Профиль
|
|
|
|||