Эльбрусоид :: Форум

Кёб джашагъан – кёб билир.
Чакъырылмагъан къонакъ къачан кетерин сормаз.
Агъач – джерни чырайы, кийим – эрни чырайы.
Бал – татлы, балдан да бала – татлы.
Биреуню эскиси биреуге джангы болмайды.
Хар адамгъа кеси миннген тау кибик.
Къанны къан бла джуума, аманны аман бла къуума.
Ойнаб айтсанг да, эслеб айт.
Таш ата билмеген, башына урур.
Билгенни къолу къарны джандырыр.
Ёгюзню мюйюзюнден тутадыла, адамны сёзюнден тутадыла.
Уллу суу бла уллу ауруудан башынгы сакъла.
Байны оноуу, джарлыгъа джарамаз.
Ариу – кёзге, акъыл – джюрекге.
Ариуну – ауруу кёб.
Аман киши кеси юйюнде – къонакъ.
Мал ёлсе, сюек къалыр, адам ёлсе, иши къалыр.
Байны къызы баймакъ болса да, юйде къалмаз!
Этек чакъмакълары баш джаргъан, сёлешген сёзлери таш джаргъан.
Къарны аманнга къазан такъдырма, къолу аманнга от джакъдырма.
Къарнынг къанлынга кийирир.
Кирсизни – саны таза, халалны – къаны таза.
Адамны аты башхача, акъылы да башхады.
Уруну арты – къуру.
Аман адам этегингден тутса, кес да къач.
Къызбайны юйюне дери сюрсенг, батыр болур.
Къыйынлы джети элни къайгъысын этер.
Ауузу аманнга «иги», деме.
Уллу сёлешме да, уллу къаб.
Чакъырылмагъан джерге барма, чакъырылгъан джерден къалма.
Тамырсыз терекге таянма – джыгъылырса.
Билим – акъылны чырагъы.
Акъыллы башны – тили къысха.
Окъумагъан сокъурду, сокъур ташха абыныр!
Чабакъ башындан чирийди.
Итли къонакъ джарашмаз.
Мухарны эси – ашарыкъда.
Джети тилни билген джети кишиди.
Ач къалгъандан, кеч къалгъан къолай.
Шекер бла туз – бир болмаз, ушамагъан – юй болмаз.
Тойну къарнашы – харс, джырны къарнашы – эжиу.
Ышармагъан – кюлмез, кюлмеген – къууанчны билмез.
Къазанны башы ачыкъ болса, итге уят керекди.
Мадар болса, къадар болур.
Тёрде – темир таякълы, къаяда – чыпчыкъ аякълы.
Эринчекни аурууу – кёб.
Махтаннган къыз, тойда джукълар.
Таукел адам тау тешер.
Кёз – сюйген джерде, къол – ауругъан джерде.
Шапа кёб болса, аш татымсыз болур.

Логин:
Пароль:
	Запомнить меня на этом компьютере

Забыли свой пароль?
Регистрация