- Тешигини къатында, чычхан да батыр болур.
- Ач къарным, тынч къулагъым.
- Ата Джуртун танымагъан, атасын да танымаз.
- Гугурук къычырмаса да, тангны атары къалмаз.
- Ариу – кёзге, акъыл – джюрекге.
- Уллу айтханны этмеген – уллаймаз.
- Тойгъан джерге джети къайт.
- Джахил болса анасы, не билликди баласы?
- Ётген ёмюр – акъгъан суу.
- Аман адам элни бир-бирине джау этер.
- Къарны аманнга къазан такъдырма, къолу аманнга от джакъдырма.
- Ариу сёз – къылычдан джити.
- Махтаннган къыз, тойда джукълар.
- Тойгъа барсанг, тоюб бар, эски тонунгу къоюб бар.
- Айраннга суу къош, телиге джол бош.
- Эки ойлашыб, бир сёлешген.
- Сабийликде юретмесенг, уллу болса – тюзелмез.
- Юреннген ауруу къалмаз.
- Чакъырылмагъан къонакъ къачан кетерин сормаз.
- Джашлыкъ этмеген, башлыкъ этмез.
- Ишленмеклик адамлыкъды.
- Къатын къылыкъсыз, эр тынчлыкъсыз.
- Окъугъан озар, окъумагъан тозар.
- Эшекни не къадар тюйсенг да, ат болмаз.
- Ёгюзню мюйюзлери ауурлукъ этмейдиле.
- Чакъырылгъанны аты, чакъырылмагъанны багъасы болур.
- Тамырсыз терекге таянма – джыгъылырса.
- Мадар болса, къадар болур.
- Иги джашны ышаны – аз сёлешиб, кёб тынгылар.
- Айтхан – тынч, этген – къыйын.
- Иесиз малны бёрю ашар.
- Джарлыны эшигин махтагъан джабар.
- Тенги кёбню джау алмаз, акъылы кёбню дау алмаз.
- Къулакъдан эсе, кёзге ышан.
- Телиге от эт десенг, юйюнге от салыр.
- Сютню башын джалагъан къутулур, тюбюн ичген тутулур.
- Тойгъанлыкъ къойгъа джарашады.
- Чомартны къолун джокълукъ байлар.
- Аякъларынгы джууургъанынга кёре узат.
- Къаллай салам берсенг, аллай джууаб алырса.
- Аман къатын алгъан, арыр, иги къатын алгъан джарыр.
- Джетген къыз джерли эшекни танымаз.
- Тойгъандан сора, ашны сёкме.
- Джигер – джаннга къыйынлыкъ.
- Ауругъанны сау билмез, ач къарынны токъ билмез.
- Сёз садакъдан кючлюдю.
- Арбаз сайлама да, хоншу сайла.
- Уллу къазанда бишген эт, чий къалмаз.
- Биреуню эскиси биреуге джангы болмайды.
- Ариу сёзде ауруу джокъ.
Профиль
|
|
|
|||