- Намысы джокъну – дуниясы джокъ.
- Къызын тута билмеген, тул этер, джашын тута билмеген, къул этер.
- Байлыкъ тауусулур, билим тауусулмаз.
- Башланнган иш битер, къымылдагъан тиш тюшер.
- Арпа, будай – ащды, алтын, кюмюш а – ташды.
- Аман адам этегингден тутса, кес да къач.
- Бичгенде ашыкъма, тикгенде ашыкъ.
- Эртде тургъан бла эртде юйленнген сокъуранмаз.
- Акъыллы башны – тили къысха.
- Ашхы сёз таш тешер.
- Ата Джуртча джер болмаз, туугъан элча эл болмаз.
- Чакъырылмагъан къонакъ къачан кетерин сормаз.
- Эркишини аманы тиширыуну джылатыр.
- Булут кёкге джарашыу, уят бетге джарашыу.
- Таукел къуру къалмаз.
- Билмезни кёзю кёрмез, этмезни къулагъы эшитмез.
- Адам боллукъ, атламындан белгили болур.
- Халкъны джырын джырласанг, халкъ санга эжиу этер.
- Аманнга алтын чыдамаз.
- Байны оноуу, джарлыгъа джарамаз.
- Мал кёб болса, джууукъ кёб болур.
- Къызбайны юйюне дери сюрсенг, батыр болур.
- Ашына кёре табагъы, балына кёре къалагъы.
- Эл бла кёргенинг эрелей.
- Эски джаугъа ышанма.
- Хар адамгъа кеси миннген тау кибик.
- Къошда джокъгъа – юлюш джокъ.
- Билген билмегенни юретген адетди.
- Борчунг бар эсе, хурджунунга ойлаб узал.
- Игилик игилик бла сингдирилиучю затды.
- Къулакъдан эсе, кёзге ышан.
- Эркиши – от, тиширыу – суу.
- Ач къалгъандан, кеч къалгъан къолай.
- Аманны къуугъан, аманлыкъ табар.
- Уллу суу бла уллу ауруудан башынгы сакъла.
- Таякъ этден ётер, тил сюекден ётер.
- Аурууну келиую тынч, кетиую – къыйын.
- Джол бла сёзню къыйыры джокъ.
- Джауумдан сора, кюн кюйдюрюр, ётюрюкден сора, айыб кюйдюрюр.
- Магъанасыз сёз – тауушсуз сыбызгъы.
- Эки къатын алгъанны къулагъы тынгнгаймаз.
- Аш берме да, къаш бер.
- Ишленмеклик адамлыкъды.
- Бёрю да ач къалмасын, эчки да ашалмасын.
- Кюн кёрмеген, кюн кёрсе, кюндюз чыракъ джандырыр.
- Джигер – джаннга къыйынлыкъ.
- Хатерли къул болур.
- Къыз келсе, джумуш эте келеди, къатын келсе, ушакъ эте келеди.
- Окъумагъан сокъурду, сокъур ташха абыныр!
- Ётюрюкню къуйругъу – бир тутум.
Профиль
|
|
|
|||