- Адеб базарда сатылмаз.
- Тёрдеги кюлсе, эшикдеги ышарыр.
- Таш бла ургъанны, аш бла ур.
- Садакъачыны джаны – къапчыгъында.
- Джашлыкъ этмеген, башлыкъ этмез.
- Къонакъ хазыр болгъанлыкъгъа, къонакъбай хазыр тюлдю.
- Тил – миллетни джаны.
- Чёбню кёлтюрсенг, тюбюнден сёз чыгъар.
- Къазанда болса, чолпугъа чыгъар.
- Чакъырылгъанны аты, чакъырылмагъанны багъасы болур.
- Ышармагъан – кюлмез, кюлмеген – къууанчны билмез.
- Этни да ашады, бетни да ашады.
- Адамгъа аман кюн соруб келмейди.
- Рысхы джалгъанды: келген да этер, кетген да этер.
- Ёксюзню тилеги къабыл болур.
- Ёлген эшек бёрюден къоркъмайды.
- Айранны сюйген, ийнек тутар.
- Байлыкъдан саулукъ ашхыды.
- Ауругъаннга – кийик саулукъ, джетген къызгъа – чилле джаулукъ.
- Мал тутхан – май джалар.
- Итли къонакъ джарашмаз.
- Къыз чыгъаргъан – къызыл къымжа.
- Чыбыкълыкъда бюгюлмеген, къазыкълыкъда бюгюлмей эди.
- Къар – келтирди, суу – элтди.
- Эл бла кёргенинг эрелей.
- Хаухну атма, ёнгкючню сатма.
- Къарт айтханны этмеген, къартаймаз.
- Сёлеш деб шай берген, тохта деб, сом берген.
- Къазанны башы ачыкъ болса, итге уят керекди.
- Сангырау къулакъ эл бузар.
- Акъыл аздырмаз, билим тоздурмаз.
- Билимден уллу байлыкъ джокъду.
- Эр абынмай, эл танымаз.
- Аджалсыз ёлюм болмаз.
- Къошда джокъгъа – юлюш джокъ.
- Тай асырагъан, атха минер.
- Шапа кёб болса, аш татымсыз болур.
- Таукел тауну аудурур.
- Ашыкъгъан cуу, тенгизге джетмез.
- Сакъалы текени да бар, мыйыгъы киштикни да бар.
- Узун джолну барсанг, бюгюн келирсе, къысха джолну барсанг, тамбла келирсе.
- Бойнуму джети джерден кессенг да, мен ол ишни этеллик тюлме.
- Аманны тукъумуна къарама, игини тукъумун сорма.
- Ачыкъ джюрекге джол – ачыкъ.
- Аджаллыгъа окъсуз шкок атылыр.
- Ашхы сёз таш тешер.
- Аджашхан тёгерек айланыр.
- Джиби бир къат джетмей эди да, эки къат тарта эди.
- Алим болгъандан эсе, адам болгъан къыйынды.
- Джуртун къоругъан озар.
Профиль
|
|
|
|||