- Ёксюзню къалачы уллу кёрюнюр.
- Онгсузну – джакъла, тенгликни – сакъла.
- Уллу къазанда бишген эт, чий къалмаз.
- Айырылмаз джууугъунга, унутмаз сёзню айтма.
- Сабийликде юретмесенг, уллу болса – тюзелмез.
- Келинин тута билмеген, къул этер, къызын тута билмеген, тул этер.
- Ойнай билмеген, уруб къачар.
- Ургъан суудан башынгы сакъла.
- Эринчекни аурууу – кёб.
- Эрни эр этерик да, къара джер этерик да, тиширыуду.
- Хаухну атма, ёнгкючню сатма.
- Эл бла кёргенинг эрелей.
- Джарлы эскисин джамаса, къууаныр.
- Къулакъдан эсе, кёзге ышан.
- Джылкъыдан – ат чыгъар, тукъумдан – джаш чыгъар.
- Джаш болсун, къыз болсун, акъылы, саны тюз болсун.
- Хар сёзню орну барды.
- Зар адамны насыбы болмаз.
- Илму – джашауну джолу.
- Ышармагъан – кюлмез, кюлмеген – къууанчны билмез.
- Джашлыкъ этмеген, башлыкъ этмез.
- Келинни – келгинчи, бёркню кийгинчи кёр.
- Мураты болгъанны джюрек тебюую башхады.
- Aдам боллукъ, сыфатындан белгили.
- Таукелге нюр джауар.
- Айныгъанлы алты кюн, тогъайгъанлы тогъуз кюн.
- Джогъун бар этген, барын бал этген.
- Алтыннга тот къонмаз.
- Магъанасыз сёз – тауушсуз сыбызгъы.
- Ханы къызы буюгъа-буюгъа киштик болду.
- Адебсиз адам – джюгенсиз ат.
- Байны къызы баймакъ болса да, юйде къалмаз!
- Къайгъыны сюйген, къайгъы табар.
- Билимсиз иш бармаз.
- Билмейме деген – бир сёз
- Тюкюрюк баш джармаз, налат кёз чыгъармаз!
- Къалгъан ишге къар джауар.
- Узун джолну барсанг, бюгюн келирсе, къысха джолну барсанг, тамбла келирсе.
- Джюрекден джюрекге джол барды.
- Адамны аманы адамны бети бла ойнар.
- Эки къатын алгъан – эки ташны ортасына башын салгъан.
- Ётюрюкню башын керти кесер.
- Тилчиден кери бол.
- Чабакъсыз кёлге къармакъ салгъанлыкъгъа, чабакъ тутмазса.
- Билимден уллу байлыкъ джокъду.
- Ач отунчуну ачыуу – бурнунда.
- Сёз къанатсыз учар.
- Къарнынг бла ёч алма.
- Чомартны къолу берекет.
- Элиб деген, элге болушур.
Профиль
|
|
|
|||