Эльбрусоид :: Форум :: Karachay lady from Mountains

Адамны аманы адамны бети бла ойнар.
Къумурсхала джыйылсала, пилни да джыгъадыла.
Акъыл неден да кючлюдю.
Аманнга алтын чыдамаз.
Атлыны ашхысы, ат тизгининден билинир
Хаухну атма, ёнгкючню сатма.
«Ёгюз, джаргъа джууукъ барма, меннге джюк боллукъса», - дегенди эшек.
Окъугъанны бети джарыкъ.
Таш бла ургъанны, аш бла ур.
Сагъышы джокъ – джукъучу, акъылы джокъ – къаугъачы.
Ауузу бла къуш тута айланады.
Эр абынмай, эл танымаз.
Азыгъы аз, алгъа къабар, аты аман, алгъа чабар.
Кечеси – аяз, кюню – къыш, джарлы къаргъагъа бир аш тюш!
Тил – миллетни джаны.
Башланнган иш битер, къымылдагъан тиш тюшер.
Термилгенинги табмазса, кюлгенинге тюберсе.
Ариуну – ауруу кёб.
Бюгюн дуния кибик, тамбла ахыратды.
Иги – алгъыш этер, аман – къаргъыш этер.
Бойнуму джети джерден кессенг да, мен ол ишни этеллик тюлме.
Чабакъгъа акъыл, табагъа тюшсе келеди.
Кёлю джокъну – джолу джокъ.
Ушамагъан – джукъмаз.
Мал ёлсе, сюек къалыр, адам ёлсе, иши къалыр.
Тилсиз миллет джокъ болур.
Къыйынлы джети элни къайгъысын этер.
Сакъалы текени да бар, мыйыгъы киштикни да бар.
Эски джаугъа ышанма.
Этни да ашады, бетни да ашады.
Ашыкъгъанны этеги бутуна чырмалыр.
Айтылгъан сёз ызына къайтмаз.
Ат да турмайды бир териде.
Дууулдаса – бал чибин, къонса – къара чибин.
Адамны бетине къарама, адетине къара.
Ойнай билмеген, оюн бузар.
Элге къуллукъ этмеген, элге ие болмаз.
Тура эдим джата, къайдан чыкъды хата?
Чомартны къолун джокълукъ байлар.
Кюлме джашха – келир башха.
Башда акъыл болмаса, эки аякъгъа кюч джетер.
Онгсузну – джакъла, тенгликни – сакъла.
Юреннген ауруу къалмаз.
Ёксюзню тилеги къабыл болур.
Адамны адамлыгъы къыйынлыкъда айгъакъланады.
Кесинге джетмегенни, кёб сёлешме.
Чомартны къолу берекет.
Сёз – кюмюш, джыр – алтын.
Иши джокъну, сыйы джокъ.
Чалманны аллы къалай башланса, арты да алай барады.

Логин:
Пароль:
	Запомнить меня на этом компьютере

Забыли свой пароль?
Регистрация