Эльбрусоид :: Форум

Тилсиз миллет джокъ болур.
Бет бетге къараса, бет да джерге къарар.
Болджал ишни бёрю ашар.
Къонакъ болсанг, ийнакъ бол.
От этилмеген джерден тютюн чыкъмайды.
Акъыл аздырмаз, билим тоздурмаз.
Накъырданы арты керти болур.
Адеб базарда сатылмаз.
Тили узунну, намысы – къысха.
Чомартха хар кюн да байрамды.
Тенгни тенглиги джашай барсанг билинир.
Ушамагъан – джукъмаз.
Ишлегенден, къарагъан уста.
Къызны минг тилер, бир алыр.
Тенги кёбню джау алмаз, акъылы кёбню дау алмаз.
Къумурсхала джыйылсала, пилни да джыгъадыла.
Кеси юйюмде мен да ханма.
Кёзню ачылгъаны – иги, ауузну джабылгъаны – иги.
Тура эдим джата, къайдан чыкъды хата?
Окъугъанны бети джарыкъ.
Билим насыб берир, билим джолну керир.
Тёзгеннге, джабылгъан эшик ачылыр.
Джюрекге ариу – кёзге да ариу.
Атлыны ашхысы, ат тизгининден билинир
Эртде тургъан джылкъычыны эркек аты тай табар.
Орундукъ тюбюнде атылсам да, орта джиликме, де да айлан.
Адеби болмагъан къыз – тузсуз хант.
Атлыны кёрсе, джаяуну буту талыр.
Бозаны арты дауур болур.
Джиби бир къат джетмей эди да, эки къат тарта эди.
Азыкъ аз болса, эртде орун сал.
Тау башында, тау болмаз, джангыз терек, бау болмаз.
Арбаз сайлама да, хоншу сайла.
Булут кёкге джарашыу, уят бетге джарашыу.
Къошда джокъгъа – юлюш джокъ.
Къолу уллу – асыу, аягъы уллу – джарсыу.
Джарашыу сюйген – джалынчакъ.
Къобан да къуру да къобханлай турмайды, адам да къуру да патчахлай турмайды.
Этек чакъмакълары баш джаргъан, сёлешген сёзлери таш джаргъан.
Къонагъынгы артмагъын алма да, алгъышын ал.
Нарт сёз – тилни бети.
Тешигини къатында, чычхан да батыр болур.
Окъ къызбайны джокълайды.
Аманнга да, игиге да оноусуз къатышма.
Туз, гырджын аша, тюзлюк бла джаша.
Аш иеси бла татлыды.
Чарсда алчыны эл кёреди.
Соргъан айыб тюлдю, билмеген айыбды.
Къарын къуру болса, джюрек уру болур.
Ач къалгъандан, кеч къалгъан къолай.

Логин:
Пароль:
	Запомнить меня на этом компьютере

Забыли свой пароль?
Регистрация