- Тойгъа барсанг, тоюб бар, эски тонунгу къоюб бар.
- Акъдан къара болмаз.
- Тойну къарнашы – харс, джырны къарнашы – эжиу.
- Тёзгеннге, джабылгъан эшик ачылыр.
- Байлыкъ адамны сокъур этер.
- Джерни букъусу кёкге къонмаз.
- Эм ашхы къайын ана мамукъ бла башынгы тешер.
- Джаханимни кёрмей, джандетге кёл салмазса.
- Тёрдеги кюлсе, эшикдеги ышарыр.
- Чакъырылмай келген къонакъ сыйланмай кетер.
- Ойнай-ойнай кёз чыгъар.
- Адамны сыфатына къарама, сёзюне къара.
- Этим кетсе да, сюегим къалыр.
- Окъдан джара эртде-кеч болса да бителир, сёз джара, ёмюрге къалыр.
- Ауурну тюбю бла, дженгилни башы бла джюрюген.
- Иги болса, тамадама – махтау, аман болса, меннге – айыб.
- Ёмюрлюк шохлукъну джел элтмез.
- Бети – къучакълар, джюреги – бычакълар.
- Уллу къазанда бишген эт, чий къалмаз.
- Къартны сыйын кёрмеген, къартлыгъында сыйлы болмаз.
- Эски джаугъа ышанма.
- Урама да – ёледи, сатама да – келеди.
- Къууут – джелге, берне – бошха.
- Къонакъны къачан кетерин сорма, къачан келлигин сор.
- Биреу къой излей, биреу той излей.
- Эрни эр этерик да, къара джер этерик да, тиширыуду.
- Арбаз сайлама да, хоншу сайла.
- Тойгъанлыкъ къойгъа джарашады.
- Биреу ашаб къутулур, биреу джалаб тутулур.
- Тёрде – темир таякълы, къаяда – чыпчыкъ аякълы.
- Ким бла джюрюсенг, аны кёзю бла кёрюнюрсе.
- Тойгъан антын унутур.
- Чакъырылмагъан къонакъ – орунсуз.
- Джигер – джаннга къыйынлыкъ.
- Ата Джуртун танымагъан, атасын да танымаз.
- Суу да къайтады чыкъгъан джерине.
- Аууздан келген, къолдан келсе, ким да патчах болур эди.
- Джюрек кёзден алгъа кёрюр.
- Байдан умут эте, джарлыдан ёгюз багъасы къорады.
- Джюрекден джюрекге джол барды.
- Баш – акъыл ючюн, акъылман – халкъ ючюн.
- Айтханы чапыракъдан ётмеген.
- Къыз чыгъаргъан – къызыл къымжа.
- Аурууну келиую тынч, кетиую – къыйын.
- Атадан ёксюз – бир ёксюз, анадан ёксюз – эки ёксюз.
- Тенгни тенглиги джашай барсанг билинир.
- Биреуге аманлыкъ этиб, кесинге игилик табмазса.
- Билмезни кёзю кёрмез, этмезни къулагъы эшитмез.
- Алтыда кюлмеген, алтмышда кюлмез.
- Юре билмеген ит, къонакъ келтирир.
Профиль
|
mmathedu
 Эльбрусоид
Cообщений: 309
Баллов: 247
Регистрация: 22.07.2012
Последний визит: 11.08.2019 15:04:38
|
|
||||||
|
|
|
||||||