- Таш бла ургъанны, аш бла ур.
- Къоркъакъны кёзю экили кёрюр.
- Адебни адебсизден юрен.
- Хатерли къул болур.
- Хар зат кесини орнуна иги.
- Танг атмайма десе да, кюн къоярыкъ тюйюлдю.
- Джиби бир къат джетмей эди да, эки къат тарта эди.
- Кёз – сюйген джерде, къол – ауругъан джерде.
- Эки къатын алгъанны къулагъы тынгнгаймаз.
- Эринчекге кюн узун.
- Ётюрюк хапар аякъ тюбю бла джюрюйдю.
- Ишни аллы бла къууанма да, арты бла къууан.
- Аууздан келген, къолдан келсе, ким да патчах болур эди.
- Тас болгъан бычакъны сабы – алтын.
- Ётюрюкден тюбю джокъ, кёлтюрюрге джиби джокъ.
- Кийимни бичсенг, кенг бич, тар этген къыйын тюлдю.
- Душманны тышы – акъ, ичи – къара.
- Тёрени джагъы джокъ.
- Акъыл сабырлыкъ берир.
- Тюзлюк шохлукъну бегитир.
- Кёбге таш атма.
- Аллахдан тилесенг, кёб тиле.
- Дуния аламаты сен эсенг да, игиме деб айтма.
- Акъдан къара болмаз.
- Элиб деген, элге болушур.
- Биреуню тёрюнден, кесинги эшик артынг игиди.
- Насыблы элин сюер, насыбсыз кесин сюер.
- Кёкдеги болмаса, джердегин кёрмейди.
- Адебсиз адам – джюгенсиз ат.
- Хар сёзню орну барды.
- Алтыда кюлмеген, алтмышда кюлмез.
- Билим къая тешер.
- Джашынгы кесинг юретмесенг, джашау юретир.
- Намыс болмагъан джерде, насыб болмаз.
- Джигер – джаннга къыйынлыкъ.
- Кийимни бир кюнню аясанг, минг кюннге джарар.
- Аман адам этегингден тутса, кес да къач.
- Джаш болсун, къыз болсун, акъылы, саны тюз болсун.
- Билими азны – ауузунда кирит.
- Къонакъ болсанг, ийнакъ бол.
- Ауругъанны сау билмез, ач къарынны токъ билмез.
- Халкъгъа джарагъан, джарлы къалмаз.
- Ачыу алгъа келсе, акъыл артха къалады.
- Хар адамгъа кеси миннген тау кибик.
- Бек анасы джыламаз.
- Аджалсыз ёлюм болмаз.
- Уллу айтханны этмеген – уллаймаз.
- Джумушакъ терекни къурт ашар.
- Биреу ашаб къутулур, биреу джалаб тутулур.
- Эм ашхы къайын ана мамукъ бла башынгы тешер.
Профиль
|
mmathedu
 Эльбрусоид
Cообщений: 309
Баллов: 247
Регистрация: 22.07.2012
Последний визит: 11.08.2019 15:04:38
|
|
||||||
|
|
|
||||||