Эльбрусоид :: Форум

Ана къолу ачытмаз.
Тилсиз миллет джокъ болур.
Ишни ахырын ойламай, аллын башлама.
Чомарт джарлы болмаз.
Таш ата билмеген, башына урур.
Орну джокъну – сыйы джокъ.
Ач къалгъандан, кеч къалгъан къолай.
Иги адамны бир сёзю эки болмаз.
Дуния малгъа сатылма, кесингден телиге къатылма.
Джетген къыз джерли эшекни танымаз.
Джарлы тюеге минсе да, ит къабар.
Чабакъгъа акъыл, табагъа тюшсе келеди.
Намыс сатылыб алынмайды.
Таула не мийик болсала да, аууш табылыр.
Тин – байлыгъынг, терен саулугъунг.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Къанны къан бла джуума, аманны аман бла къуума.
Атадан ёксюз – бир ёксюз, анадан ёксюз – эки ёксюз.
Эм уллу байлыкъ – джан саулукъ.
Мал кёб болса, джууукъ кёб болур.
Халкъгъа джарагъан, джарлы къалмаз.
Эрни эр этерик да, къара джер этерик да, тиширыуду.
Кёбге таш атма.
Къызгъанчдан ычхыныр, мухардан ычхынмаз.
Аман киши кеси юйюнде – къонакъ.
Бозаны арты дауур болур.
Къобан да къуру да къобханлай турмайды, адам да къуру да патчахлай турмайды.
Адам сёзюнден белгили.
Олтуруб кёрюнмей эди да, ёрге туруб кёрюне эди.
Арбаз сайлама да, хоншу сайла.
Элиб деген, элге болушур.
Экеулен сёлеше тура эселе, орталарына барыб кирме.
Мураты болгъанны джюрек тебюую башхады.
Сууда джау джокъ, кёб сёзде магъана джокъ.
Башы джабылгъан челекге, кир тюшмез.
Къалгъан ишге къар джауар.
Джеринден айырылгъан – джети джылар, джуртундан айырылгъан – ёлгюнчю джылар.
Кесинг сынамагъан затны, адамгъа буюрма.
Ишлегенден, къарагъан уста.
Татлы тилде – сёз ариу, чемер къолда – иш ариу.
Насыб бютеу халкъны юлюшюдю.
Ойнай-ойнай кёз чыгъар.
Аманнга алтын чыдамаз.
Эртде тургъан джылкъычыны эркек аты тай табар.
Биреуге кёлтюрген таягъынг, кесинги башынга урур.
Чыбыкълыкъда бюгюлмеген, къазыкълыкъда бюгюлмей эди.
Эшекни не къадар тюйсенг да, ат болмаз.
Киштикге къанат битсе, чыпчыкъ къалмаз эди.
Баш – акъыл ючюн, акъылман – халкъ ючюн.
Аджашханны ызындагъы кёреди, джангылгъанны джанындагъы биледи.

Логин:
Пароль:
	Запомнить меня на этом компьютере

Забыли свой пароль?
Регистрация