Эльбрусоид :: Форум

Тил бла келеди джыр да.
Суугъа – таянма, джаугъа – ийнанма.
Асхат ашлыкъ сата, юйдегиси ачдан къата.
Акъдан къара болмаз.
Джиби бир къат джетмей эди да, эки къат тарта эди.
Эки элинги тыйсанг, джети элде махталырса.
Тыш элде солтан болгъандан эсе, кесинги элде олтан болгъан игиди!
Эте билген, этген этеди, эте билмеген, юретген этеди!
Ана къолу ачытмаз.
Адам къаллай бир ишленмесе, аллай бир кесин уллу кёреди.
Тойчу джашха къарама, къойчу джашха къара.
Аш иеси бла татлыды.
Къайгъы тюбю – тенгиз.
Аз сёлеш, кёб ишле.
Ашатыргъа иш – ашхы, ишлетирге аш – ашхы.
Туз, гырджын аша, тюзлюк бла джаша.
Экиндини кеч къылсанг, чабыб джетер ашхам.
Джолда аягъынга сакъ бол, ушакъда тилинге сакъ бол.
Кёб къычыргъандан – къоркъма, тынч олтургъандан – къоркъ.
Элге къуллукъ этмеген, элге ие болмаз.
Дуния малгъа сатылма, кесингден телиге къатылма.
Билеги кючлю, бирни джыгъар, билими кючлю, мингни джыгъар.
Мухар, кеси тойса да, кёзю тоймаз.
Ёлмесенг да, къарт дамы болмазса?
Адебни адебсизден юрен.
Къонакъ хазыр болгъанлыкъгъа, къонакъбай хазыр тюлдю.
Нёгерсизни джолу узун.
Къарт айтханны этмеген, къартаймаз.
Тили узунну, намысы – къысха.
Ойнаб айтсанг да, эслеб айт.
Аманнга алтын чыдамаз.
Джылар джаш, атасыны сакъалы бла ойнар.
Таукелге нюр джауар.
Къалгъан ишге къар джауар.
Бетинги сатма, малынгы сат.
Аз айтсам, кёб ангылагъыз.
Джангыз терек къынгыр ёсер.
Ашаса, ашамаса да, бёрюню ауузу – къан.
Кийим тукъум сордурур.
Къан бла кирген, джан бла чыгъар.
Арбаз къынгырды да, ийнек сауалмайма.
Кесине оноу эте билмеген, халкъына да эте билмез.
Нарт сёз къарт болмаз.
Уруну арты – къуру.
Аллахха ийнаннган кишини, Аллах онгдурур ишин.
Къартны бурнун сюрт да, оноугъа тут.
Уллу айтханны этмеген – уллаймаз.
Ачылгъан эт джабылыр, кёрген кёз унутмаз.
Адеб этмеген, адеб кёрмез.
Джетген къыз джерли эшекни танымаз.

Логин:
Пароль:
	Запомнить меня на этом компьютере

Забыли свой пароль?
Регистрация