- Намысы болмагъанны, сыйы болмаз.
- Этни да ашады, бетни да ашады.
- Сууда джау джокъ, кёб сёзде магъана джокъ.
- Иги – алгъыш этер, аман – къаргъыш этер.
- Биреуге аманлыкъ этиб, кесинге игилик табмазса.
- Уллу сёлешме да, уллу къаб.
- Башы ишлегенни, ауузу да ишлер.
- Азыкъ аз болса, эртде орун сал.
- Кёлсюзден сёзсюз тууар.
- Абынмазлыкъ аякъ джокъ, джангылмазлыкъ джаякъ джокъ.
- Танг атмайма десе да, кюн къоярыкъ тюйюлдю.
- Къарнынг ауруса, ауузунгу тый
- Ариу джол аджал келтирмез.
- Эртде тургъан джылкъычыны эркек аты тай табар.
- Кеси юйюмде мен да ханма.
- Уллу атлама – абынырса, уллу къабма – къарылырса.
- Арба аугъандан сора, джол кёргюзтюучю кёб болур.
- Къозулугъунда тоймагъан, къойлугъунда тоймаз.
- Джолунга кёре – джюрюшюнг, джагъанга кёре – юлюшюнг.
- Джюрек кёзден алгъа кёрюр.
- Зарда марда джокъ.
- Чомартны къолун джокълукъ байлар.
- Чомартха хар кюн да байрамды.
- Къыз келсе, джумуш эте келеди, къатын келсе, ушакъ эте келеди.
- Къарт айтханны этмеген, къартаймаз.
- Таукел тауну аудурур.
- Тюзлюк тас болмайды.
- Къонагъынгы артмагъын алма да, алгъышын ал.
- Суугъа – чабакъ, къаягъа – ыргъакъ.
- Керилген да, ургъан кибикди.
- Илму – джашауну джолу.
- Аманнга игилик этсенг, юйюнге сау бармазса.
- Акъыллы эркиши атын махтар, акъылсыз эркиши къатынын махтар.
- Игиге айтсанг – билир, аманнга айтсанг – кюлюр.
- Юйлю уругъа ит чабмаз.
- Акъыл бла адеб эгизледиле.
- Эки ойлашыб, бир сёлешген.
- Халкъны юйю – туугъан джери.
- Чакъырылмагъан джерге барма, чакъырылгъан джерден къалма.
- Магъанасыз сёз – тауушсуз сыбызгъы.
- Бал – татлы, балдан да бала – татлы.
- Адамны аманы адамны бети бла ойнар.
- Борчунг бар эсе, хурджунунга ойлаб узал.
- Керти сёзге тёре джокъ.
- Кёл – къызбай, къол – батыр.
- Эринчекге кюн узун.
- Урунуу – насыбны анасы.
- Ачлыкъ отха секиртир.
- Ишин билген, аны сыйын чыгъарады.
- Суу да къайтады чыкъгъан джерине.
Профиль
|
эльбрусА
 Эльбрусоид
Cообщений: 234
Баллов: 187
Регистрация: 28.08.2012
Последний визит: 19.11.2015 01:31:29
|
|
||||||
|
|
|
||||||