- Аллахха ийнаннган кишини, Аллах онгдурур ишин.
- Ата Джуртуму башы болмасам да, босагъасында ташы болайым.
- Аманны эки битли тону болур, бирин сеннге кийдирир, бирин кеси киер.
- Сёлеш деб шай берген, тохта деб, сом берген.
- Юй кюйдю да, кюйюз чыкъды, ортасындан тюйюш чыкъды.
- Мал кёб болса, джууукъ кёб болур.
- Аууздан келген, къолдан келсе, ким да патчах болур эди.
- Бетинги сатма, малынгы сат.
- Айраннга суу къош, телиге джол бош.
- Окъумагъан сокъурду, сокъур ташха абыныр!
- Нафысынгы айтханын этме, намысынгы айтханын эт.
- Ата – билек, ана – джюрек!
- Азыкълы ат арымаз, къатыны аман джарымаз.
- Ханнга да келеди хариблик.
- Кесинге джетмегенни, кёб сёлешме.
- Эки итни арасына сюек атма, эки адамны арасында сёз чыгъарма.
- Джигер – джаннга къыйынлыкъ.
- Къартха ушагъан джаш – акъыллы, джашха ушагъан къарт – тели.
- Сабий болмагъан джерде, мёлек болмаз.
- Джангызны оту джарыкъ джанмаз!
- Ашхылыкъ джерде джатмайды, аманлыкъ суугъа батмайды.
- Намыс болмагъан джерде, насыб болмаз.
- Ашаса, ашамаса да, бёрюню ауузу – къан.
- Зар адамны насыбы болмаз.
- Къозулугъунда тоймагъан, къойлугъунда тоймаз.
- Эл тойса, тоймагъан, эл къойса, къоймагъан.
- Чабакъсыз кёлге къармакъ салгъанлыкъгъа, чабакъ тутмазса.
- Айтхан сёзюне табылгъан.
- Уллу сёлешме да, уллу къаб.
- Гыдай эчки суугъа къараб, мюйюзле кёрмесе, джашма алкъын, дегенди.
- Уруну арты – къуру.
- Телиге от эт десенг, юйюнге от салыр.
- Эртде тургъан бла эртде юйленнген сокъуранмаз.
- Иги адамны бир сёзю эки болмаз.
- Элде адам къалмаса, ит тахтагъа минер.
- Билмейме деген – бир сёз
- Адам къыйынлыгъын кёлтюрюр, зауукълугъун кёлтюрмез.
- Ойнай билмеген, уруб къачар.
- Сескекли кесин билдирир.
- Чоюнну башы ачыкъ болса, итге уят керекди.
- Аманнга да, игиге да оноусуз къатышма.
- Байма, деб да, къууанма, джарлыма, деб да, джылама.
- Адамны бетине къарама, адетине къара.
- Кёзню ачылгъаны – иги, ауузну джабылгъаны – иги.
- Ариу сёз – джаннга азыкъ, аман сёз – башха къазыкъ.
- Къарын къуру болса, джюрек уру болур.
- Къралынгы – душмандан, башынгы от бла суудан сакъла.
- Ётюрюкден тюбю джокъ, кёлтюрюрге джиби джокъ.
- Сууда джау джокъ, кёб сёзде магъана джокъ.
- Къобан да къуру да къобханлай турмайды, адам да къуру да патчахлай турмайды.
Профиль
|
asiandria
 Эльбрусоид
Cообщений: 574
Баллов: 459
Регистрация: 20.10.2012
Последний визит: 07.08.2019 00:58:31
|
|
||||||||
|
|
|
||||||||