- Ариуну – ауруу кёб.
- Ариу сёз – къылычдан джити.
- Биреуге кёлтюрген таягъынг, кесинги башынга урур.
- Мадар болса, къадар болур.
- Джогъун бар этген, барын бал этген.
- Джыйырма къойну юч джыйырма эбзе кюте эди.
- Арпа, будай – ащды, алтын, кюмюш а – ташды.
- Уллу сёзде уят джокъ.
- Тойгъандан сора, ашны сёкме.
- Бетинги сатма, малынгы сат.
- Нарт сёз къарт болмаз.
- Айырылмаз джууугъунга, унутмаз сёзню айтма.
- Ёлмесенг да, къарт дамы болмазса?
- Бал ашаргъа сюе эсенг, чибин ургъаннга тёз.
- Мураты болгъанны джюрек тебюую башхады.
- Байдан умут эте, джарлыдан ёгюз багъасы къорады.
- Окъ къызбайны джокълайды.
- Асхат ашлыкъ сата, юйдегиси ачдан къата.
- Мухарны эси – ашарыкъда.
- Бети – къучакълар, джюреги – бычакълар.
- Арбаз къынгырды да, ийнек сауалмайма.
- Уллу атлама – абынырса, уллу къабма – къарылырса.
- Тил – миллетни джаны.
- Суу да къайтады чыкъгъан джерине.
- Джигер – джаннга къыйынлыкъ.
- Сабийни джумушха джибер да, ызындан бар.
- Ашда – бёрю, ишде – ёлю.
- Иесиз малны бёрю ашар.
- Адеб базарда сатылмаз.
- Сагъыш – къартлыкъгъа сюйюмчю.
- Къарын къуру болса, джюрек уру болур.
- Билимли ёлмез, билимсиз кёрмез.
- Кеси юйюмде мен да ханма.
- Таукел тауну аудурур.
- Акъыллы башны – тили къысха.
- Тёрде – темир таякълы, къаяда – чыпчыкъ аякълы.
- Ётюрюк хапар аякъ тюбю бла джюрюйдю.
- Джангызны оту джарыкъ джанмаз!
- Аз айтсам, кёб ангылагъыз.
- Къыз тиширыу кеси юйюнде да къонакъды.
- Артына баргъанны, къатына барма.
- Халкъгъа джарагъан, джарлы къалмаз.
- Ач уят къоймаз.
- Тин – байлыгъынг, терен саулугъунг.
- Суу кетер, таш къалыр.
- Эки къатын алгъанны къулагъы тынгнгаймаз.
- Уруну арты – къуру.
- Ханы къызы буюгъа-буюгъа киштик болду.
- Ашаса, ашамаса да, бёрюню ауузу – къан.
- Аманнга алтын чыдамаз.
Профиль
|
asiandria
 Эльбрусоид
Cообщений: 574
Баллов: 459
Регистрация: 20.10.2012
Последний визит: 07.08.2019 00:58:31
|
|
||||||||
|
|
|
||||||||