- Эшекни не къадар тюйсенг да, ат болмаз.
- Нарт сёз – тилни бети.
- Ургъан суудан башынгы сакъла.
- Джылыгъа джылан илешир.
- Тил – миллетни джаны.
- Акъыл неден да кючлюдю.
- Эринчекни аурууу – кёб.
- Хоншуну тауугъу къаз кёрюнюр, келини къыз кёрюнюр.
- Ариу сёзде ауруу джокъ.
- Ата Джуртуму башы болмасам да, босагъасында ташы болайым.
- Ана къойну – балагъа джандет.
- Иги адамны бир сёзю эки болмаз.
- Кесине оноу эте билмеген, халкъына да эте билмез.
- Сакъламагъан затынга джолукъсанг, не бек къууанаса, не бек ачыйса.
- Хар адамгъа кеси миннген тау кибик.
- Чабар ат – джетген къыз.
- Аман хансны – урлугъу кёб.
- Ата Джуртун танымагъан, атасын да танымаз.
- Азыкълы ат арымаз, къатыны аман джарымаз.
- Джолда аягъынга сакъ бол, ушакъда тилинге сакъ бол.
- Узун джолну барсанг, бюгюн келирсе, къысха джолну барсанг, тамбла келирсе.
- Хата – гитчеден.
- Къарт айтханны этмеген, къартаймаз.
- Атлыны кёрсе, джаяуну буту талыр.
- Накъырда – кертини келечиси.
- Суу ичген шауданынга тюкюрме.
- Халкъгъа джарагъан, джарлы къалмаз.
- Ётюрюкчюню шагъаты – къатында.
- Эл ауузу – элек, анга ийнаннган – халек.
- Кюлме джашха – келир башха.
- Эки къатын алгъан – эки ташны ортасына башын салгъан.
- Юреннген ауруу къалмаз.
- Окъ къызбайны джокълайды.
- Келинин тута билмеген, къул этер, къызын тута билмеген, тул этер.
- Джарлы джети элни сёзюн этер.
- Сабий кёргенин унутмаз.
- Кёкдеги болмаса, джердегин кёрмейди.
- Экеу тутушса, биреу джыгъылыр.
- Акъыл сабырлыкъ берир.
- Биреуге кёлтюрген таягъынг, кесинги башынга урур.
- Игиге айтсанг – билир, аманнга айтсанг – кюлюр.
- Джахил болса анасы, не билликди баласы?
- Кесине гебен этелмеген, биреуге черен эте эди.
- Ёгюзню мюйюзлери ауурлукъ этмейдиле.
- Къатын байлыкъны сюер, эр саулукъну сюер.
- Кёпюр салгъан кеси ётер, уру къазгъан кеси кетер.
- Къарнынг тойгъунчу аша да, белинг талгъынчы ишле.
- Билим ат болуб да чабар, къуш болуб да учар.
- Эки ойлашыб, бир сёлешген.
- Таукел адам тау тешер.
Профиль
|
|
|
|||