- Къуру гыбыт бек дыгъырдар.
- Арыгъан къош чамчы болур.
- Душманны тышы – акъ, ичи – къара.
- Эркиши – от, тиширыу – суу.
- Тай асырагъан, атха минер.
- Къарыусузгъа кюлме, онгсузгъа тийме.
- Билим ат болуб да чабар, къуш болуб да учар.
- Кийиминг бла танылма, адамлыкъ бла таныл.
- Эм уллу байлыкъ – джан саулукъ.
- Къарт бла баш аша, джаш бла аякъ аша.
- Бек анасы джыламаз.
- Тилчиден кери бол.
- Эр сокъур болсун, къатын тилсиз болсун.
- Тёрдеги кюлсе, эшикдеги ышарыр.
- Чабакъгъа акъыл, табагъа тюшсе келеди.
- Джан саулукъ бермей, сан саулукъ бермезсе.
- Адамны адамлыгъы къыйынлыкъда айгъакъланады.
- Ариу сёз аурууунгу алыр.
- Битмегеннге сакъал – танг.
- Рысхы джалгъанды: келген да этер, кетген да этер.
- Ётюрюкню башын керти кесер.
- Сибиртки да сыйлы болду, кюрек да кюнлю болду.
- Ата – баланы уясы.
- Рысхы – сют юсюнде кёмюк кибикди.
- Кенгеш болса, уруш болмаз.
- Дуния аламаты сен эсенг да, игиме деб айтма.
- Къарны аманнга къазан такъдырма, къолу аманнга от джакъдырма.
- Айран ичген – къутулду, джугъусун джалагъан – тутулду.
- Хата – гитчеден.
- От этилмеген джерден тютюн чыкъмайды.
- Эл ауузу – элия.
- Аджал соруб келмез, келсе, къайтыб кетмез.
- Бети бедерден, намыс сакълама.
- Орну джокъну – сыйы джокъ.
- Уллу сёлешме да, уллу къаб.
- Адамны сабийин сюйген джюреги, бычакъча, джитиди.
- Зар адам ашынгы ашар, кесинги сатар.
- Элиб деген, элге болушур.
- Соргъан айыб тюлдю, билмеген айыбды.
- Кёрмегеннге кебек – танг, битмегеннге сакъал – танг.
- Ишге юренсин къоллары, халкъ бла болсун джоллары.
- Тойгъанлыкъ къойгъа джарашады.
- Джангызны оту джарыкъ джанмаз!
- Къарнынг тойгъунчу аша да, белинг талгъынчы ишле.
- Эринчекни эр алмаз, эр алса да, кёл салмаз, кёл салса да, кёб бармаз!
- Ата Джуртун танымагъан, атасын да танымаз.
- Адамгъа аман кюн соруб келмейди.
- Джарлы джети элни сёзюн этер.
- Джангыз терек къынгыр ёсер.
- Насыб бютеу халкъны юлюшюдю.
Профиль
|
|
|
|||