Эльбрусоид :: Форум

Джарлыны эшигин махтагъан джабар.
Магъанасыз сёз – тауушсуз сыбызгъы.
Дженгил джетерикме деб, узун джолну къоюб, къысхасын барма.
Ханы къызы буюгъа-буюгъа киштик болду.
Накъырда – кертини келечиси.
Эл бла кёргенинг эрелей.
Эл ауузу – элия.
Ауузу бла къуш тута айланады.
Эл тойса, тоймагъан, эл къойса, къоймагъан.
Юреннген ауруу къалмаз.
Эл ауузу – элек, анга ийнаннган – халек.
Байны оноуу, джарлыгъа джарамаз.
Ашлыкъны арба юйге келтирир, чана базаргъа элтир.
Рысхы джалгъанды: келген да этер, кетген да этер.
Элни кючю – эмеген.
Элиб деген, элге болушур.
Ойнаб айтсанг да, эслеб айт.
Сууда джау джокъ, кёб сёзде магъана джокъ.
Сабийни джумушха джибер да, ызындан бар.
Тойну къарнашы – харс, джырны къарнашы – эжиу.
Адамгъа аман кюн соруб келмейди.
Тиширыусуз юй – отсуз от джагъа.
Аджашхан тёгерек айланыр.
Ач къарынны, токъ билмез
Аз сёлешген, къайгъысыз турур.
Окъ къызбайны джокълайды.
Къонакъны къачан кетерин сорма, къачан келлигин сор.
Аш иеси бла татлыды.
Ашхы болсанг, атынг чыгъар, аман болсанг, джанынг чыгъар.
Алма терегинден кери кетмез.
Эл элде бирер малынг болгъандан эсе, бирер тенгинг болсун.
Ач отунчуну ачыуу – бурнунда.
Джюрекден джюрекге джол барды.
Айырылмаз джууугъунга, унутмаз сёзню айтма.
Кютгени беш эчки, сызгъыргъаны уа, джерни джарады.
Къарнынг ауруса, ауузунгу тый
Бети бедерден, намыс сакълама.
Иги адам абынса да, джангылмаз.
Ёлюр джаннга, ёкюл джокъ.
Чёбню кёлтюрсенг, тюбюнден сёз чыгъар.
Мени джылытмагъан кюн, меннге тиймесин!
Къанны къан бла джуума, аманны аман бла къуума.
Аман адамны тепсинге олтуртсанг, къызынгы тилер.
Окъуусуз билим – джокъ, билимсиз кюнюнг – джокъ.
Кёлю джокъну – джолу джокъ.
Керек ташны ауурлугъу джокъ.
Игиге айтсанг – билир, аманнга айтсанг – кюлюр.
Таукел адам тау тешер.
Аманны къуугъан, аманлыкъ табар.
Ач да бол, токъ да бол – намысынга бек бол.

Логин:
Пароль:
	Запомнить меня на этом компьютере

Забыли свой пароль?
Регистрация