- Бал – татлы, балдан да бала – татлы.
- Башы джабылгъан челекге, кир тюшмез.
- Тёзген – тёш ашар!
- Шапа кёб болса, аш татымсыз болур.
- Дженгил джетерикме деб, узун джолну къоюб, къысхасын барма.
- Тамчы таш тешер.
- Уллу сёлешме да, уллу къаб.
- Эки итни арасына сюек атма, эки адамны арасында сёз чыгъарма.
- Джюрекден джюрекге джол барды.
- Баш болса, бёрк табылыр.
- Урама да – ёледи, сатама да – келеди.
- Алтыда кюлмеген, алтмышда кюлмез.
- Бозаны арты дауур болур.
- Хар сёзню орну барды.
- Юй ишлеген балта эшикде къалыр.
- Окъдан джара эртде-кеч болса да бителир, сёз джара, ёмюрге къалыр.
- Аман къатын алгъан, арыр, иги къатын алгъан джарыр.
- Окъ къызбайны джокълайды.
- Билмейме деген – бир сёз
- Эркишиге тары кебек танг кёрюнюр.
- Мени джылытмагъан кюн, меннге тиймесин!
- Аллахха ийнаннган кишини, Аллах онгдурур ишин.
- Азыкълы ат арымаз, къатыны аман джарымаз.
- Адамны аманы адамны бети бла ойнар.
- Аман эсирсе, юйюн ояр.
- Юй кюйдю да, кюйюз чыкъды, ортасындан тюйюш чыкъды.
- Джукъу тёшек сайламайды.
- Сагъышы джокъ – джукъучу, акъылы джокъ – къаугъачы.
- Джарлыны эшигин махтагъан джабар.
- Сёлеш деб шай берген, тохта деб, сом берген.
- Телиге от эт десенг, юйюнге от салыр.
- Окъугъан – асыу, окъумагъан – джарсыу.
- Алгъанда – джууукъ, бергенде – джау.
- Чёбню кёлтюрсенг, тюбюнден сёз чыгъар.
- Къозулугъунда тоймагъан, къойлугъунда тоймаз.
- Ашхы адам – халкъ байлыгъы, ашхы джер – джашау байлыгъы.
- Къууут – джелге, берне – бошха.
- Чакъырылгъанны аты, чакъырылмагъанны багъасы болур.
- Аман адамны тепсинге олтуртсанг, къызынгы тилер.
- Кечеси – аяз, кюню – къыш, джарлы къаргъагъа бир аш тюш!
- Эринчекни эр алмаз, эр алса да, кёл салмаз, кёл салса да, кёб бармаз!
- Кимни – тили, тиши онглу, кимни – къолу, иши онглу.
- Элге къуллукъ этмеген, элге ие болмаз.
- Уясында не кёрсе, учханында аны этер.
- Таш ата билмеген, башына урур.
- Джашлыкъ этмеген, башлыкъ этмез.
- Джюрекге ариу – кёзге да ариу.
- Бал ашаргъа сюе эсенг, чибин ургъаннга тёз.
- Таукелге нюр джауар.
- Иги сёз – джаннга азыкъ, аман сёз башха – къазыкъ.
Профиль
|
|
|
|||