- Булут кёкге джарашыу, уят бетге джарашыу.
- Ойнай-ойнай кёз чыгъар.
- Тил бла келеди джыр да.
- Аманны эки битли тону болур, бирин сеннге кийдирир, бирин кеси киер.
- Сютден ауузу кюйген, суугъа юфгюре эди.
- Арба аугъандан сора, джол кёргюзтюучю кёб болур.
- Эки итни арасына сюек атма, эки адамны арасында сёз чыгъарма.
- Джюрекден джюрекге джол барды.
- Бермеген къол, алмайды.
- Тешик этген тынчды, аны джамагъан къыйынды.
- Эр сокъур болсун, къатын тилсиз болсун.
- Дууулдаса – бал чибин, къонса – къара чибин.
- Бир абыннган – минг сюрюнюр.
- Кёлю джокъну – джолу джокъ.
- Келинин тута билмеген, къул этер, къызын тута билмеген, тул этер.
- Махтаннган къыз, тойда джукълар.
- Ата Джуртун танымагъан, атасын да танымаз.
- Кийимни бичсенг, кенг бич, тар этген къыйын тюлдю.
- Сёз садакъдан кючлюдю.
- Окъдан джара эртде-кеч болса да бителир, сёз джара, ёмюрге къалыр.
- Башынга джетмегенни сорма.
- Терек ауса, отунчу – кёб.
- Ёлген аслан – сау чычхан.
- Байны оноуу, джарлыгъа джарамаз.
- Харам къарнашдан, халал тенг ашхы.
- Ёгюзню мюйюзюнден тутадыла, адамны сёзюнден тутадыла.
- Рысхы – сют юсюнде кёмюк кибикди.
- Тенгни тенглиги джашай барсанг билинир.
- Адамны джюреги нени кёрюрге сюйсе, кёзю да аны кёрюрге ёч болады.
- Азыкъ аз болса, эртде орун сал.
- Сескекли кесин билдирир.
- Аз сёлешген, къайгъысыз турур.
- Тойгъан джерден туугъан джер игиди.
- Эрине къаргъыш этген къатын, эрнин къабар.
- Юй кюйдю да, кюйюз чыкъды, ортасындан тюйюш чыкъды.
- Джюрек кёзден алгъа кёрюр.
- Билимли ёлмез, билимсиз кёрмез.
- Сёз сёзню айтдырыр.
- Ёпкелегенни ашы татлы болады.
- Бек ашыкъгъан меннге джетсин, дегенди аракъы.
- Къарт бла баш аша, джаш бла аякъ аша.
- Босагъагъа джууукъ орун болса, ашыгъыб тёрге озма.
- Окъуусуз билим – джокъ, билимсиз кюнюнг – джокъ.
- Ишлегенден, къарагъан уста.
- Ёлген эшек бёрюден къоркъмайды.
- Мал кёб болса, джууукъ кёб болур.
- Чомарт къонакъ юй иесин сыйлар.
- Чакъырылгъанны аты, чакъырылмагъанны багъасы болур.
- Ёзденликни кёбю ётюрюк.
- Хантына кёре тузу, юйюне кёре къызы.
Профиль
|
|
|
|||