- Тойгъа алгъа да барма, тойда артха да къалма.
- Ашын ашагъанынгы, башын да сыйла.
- Сёз сёзню айтдырыр.
- Сёз садакъдан кючлюдю.
- Олтуруб кёрюнмей эди да, ёрге туруб кёрюне эди.
- Сёлеш деб шай берген, тохта деб, сом берген.
- Джырына кёре эжиую.
- Чыкълы кюнде чыкъмагъан, чыкъса къуру кирмеген.
- Эр абынмай, эл танымаз.
- Къайгъыны сюйген, къайгъы табар.
- Сескекли кесин билдирир.
- Таукел къуру къалмаз.
- Нарт сёз къарт болмаз.
- Бал чибинни ургъаны – ачы, балы – татлы.
- Ишленмеклик адамлыкъды.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Хатерли къул болур.
- Джюрекден джюрекге джол барды.
- Джети тилни билген джети кишиди.
- Элге къуллукъ этмеген, элге ие болмаз.
- Тамчы таш тешер.
- Суугъа – чабакъ, къаягъа – ыргъакъ.
- Сабыр джетер муратха, сабырсыз къалыр уятха.
- Ашыкъгъанны этеги бутуна чырмалыр.
- Гитче джилтин уллу элни джандырыр.
- Чакъырылгъанны аты, чакъырылмагъанны багъасы болур.
- Окъдан джара эртде-кеч болса да бителир, сёз джара, ёмюрге къалыр.
- Иесиз малны бёрю ашар.
- Тилчи бир сагъатха айлыкъ хата этер.
- Бети къызарыучу адамны, джюреги харам болмаз.
- Юйюнгден чыкъдынг – кюнюнгден чыкъдынг.
- Башсыз урчукъ тюзюне айланмаз.
- Ачлыкъ отха секиртир.
- Кечеси – аяз, кюню – къыш, джарлы къаргъагъа бир аш тюш!
- Кёб джашагъан – кёб билир.
- Кийимни бир кюнню аясанг, минг кюннге джарар.
- Итли къонакъ джарашмаз.
- Къумурсхала джыйылсала, пилни да джыгъадыла.
- Ашыкъгъан cуу, тенгизге джетмез.
- Тик ёргени, тик энгишгеси да болады.
- Джашлыкъ этмеген, башлыкъ этмез.
- Адебсиз адам – джюгенсиз ат.
- Ёлюк кебинсиз къалмаз.
- Иги – алгъыш этер, аман – къаргъыш этер.
- Сибиртки да сыйлы болду, кюрек да кюнлю болду.
- Алим болгъандан эсе, адам болгъан къыйынды.
- Накъырда – кертини келечиси.
- Уруну арты – къуру.
- Джыланны къуйругъундан басарынг келсе, аны башы болгъанын унутма.
- Атынг аманнга чыкъгъандан эсе, джанынг тамагъынгдан чыкъсын.
Профиль
|
|
|
|||