Эльбрусоид :: Форум

Къарыусузгъа кюлме, онгсузгъа тийме.
Сютден ауузу кюйген, суугъа юфгюре эди.
Байлыкъ болгъан джерде, тынчлыкъ джокъду.
Аманны къуугъан, аманлыкъ табар.
Тюзню ётмеги тюзде къалса да, тас болмаз.
Окъумагъан сокъурду, сокъур ташха абыныр!
Джылкъыдан – ат чыгъар, тукъумдан – джаш чыгъар.
Къонагъынгы артмагъын алма да, алгъышын ал.
Тай асырагъан, атха минер.
Ишленмеген джаш – джюгенсиз ат, ишленмеген къыз – тузсуз хант.
Тенгинг джокъ эсе – изле, бар эсе – сакъла!
Ач бёрюге мекям джокъ.
Татлы сёз – балдан татлы.
Арбаз къынгырды да, ийнек сауалмайма.
Тамырсыз терекге таянма – джыгъылырса.
Сёлеш деб шай берген, тохта деб, сом берген.
Гитче джилтин уллу элни джандырыр.
Мураты болгъанны джюрек тебюую башхады.
Тил – миллетни джаны.
Эки къатын алгъан – эки ташны ортасына башын салгъан.
Ёпкелегенни ашы татлы болады.
Къатын байлыкъны сюер, эр саулукъну сюер.
Илму – джашауну джолу.
Хансыз джомакъ болмаз.
Къыйынлы джети элге оноу этер.
Адеб этмеген, адеб кёрмез.
Иги – алгъыш этер, аман – къаргъыш этер.
«Ёгюз, джаргъа джууукъ барма, меннге джюк боллукъса», - дегенди эшек.
Джашда акъыл джокъ, къартда къарыу джокъ.
Агъач халкъгъа алтынды, иссиликге салкъынды.
Чомартны къолу берекет.
Сибиртки да сыйлы болду, кюрек да кюнлю болду.
Джети тилни билген джети кишиди.
Къызын тута билмеген, тул этер, джашын тута билмеген, къул этер.
Аманнга да, игиге да оноусуз къатышма.
Тёгюлген тюгел джыйылмайды.
Иги джашны ышаны – аз сёлешиб, кёб тынгылар.
Биреуге аманлыкъны тилеме да, кесинге ашхылыкъны тиле.
Билеги кючлю, бирни джыгъар, билими кючлю, мингни джыгъар.
Джаханимни кёрмей, джандетге кёл салмазса.
Адам боллукъ, атламындан белгили болур.
Аллахдан тилесенг, кёб тиле.
Иги бла джюрюсенг, джетерсе муратынга, аман бла джюрюсенг, къалырса уятха.
Ишлегенден, къарагъан уста.
Ауругъанны сау билмез, ач къарынны токъ билмез.
Азыгъы аз, алгъа къабар, аты аман, алгъа чабар.
Къарт айтханны этмеген, къартаймаз.
Джырына кёре эжиую.
Къонагъы джокъну – шоху джокъ.
Эр абынмай, эл танымаз.

Логин:
Пароль:
	Запомнить меня на этом компьютере

Забыли свой пароль?
Регистрация