- Бал – татлы, балдан да бала – татлы.
- Ёгюзню мюйюзлери ауурлукъ этмейдиле.
- Юре билмеген ит, къонакъ келтирир.
- Таула не мийик болсала да, аууш табылыр.
- Кютгени беш эчки, сызгъыргъаны уа, джерни джарады.
- Джаралыны джастыгъында сау ёлюр.
- Ауругъаннга – кийик саулукъ, джетген къызгъа – чилле джаулукъ.
- Джырына кёре эжиую.
- Тойгъа барсанг, тоюб бар, эски тонунгу къоюб бар.
- Къарт болгъан джерде, берекет болур, сабий болгъан джерде, оюн болур.
- Тил джюрекге джол ишлейди.
- Къонакъны къачан кетерин сорма, къачан келлигин сор.
- Акъыл аздырмаз, билим тоздурмаз.
- Рысхы – насыбха къор.
- Тамырсыз терекге таянма – джыгъылырса.
- Намысы джокъну – дуниясы джокъ.
- Хаухну атма, ёнгкючню сатма.
- Кёзден кетген, кёлден да кетеди.
- Ач – эснер, ат – кишнер.
- Акъыллы эркиши атын махтар, акъылсыз эркиши къатынын махтар.
- Къыз тиширыу кеси юйюнде да къонакъды.
- Кесинге джетмегенни, кёб сёлешме.
- Ана къойну – балагъа джандет.
- Бек ашыкъгъан меннге джетсин, дегенди аракъы.
- Ач бёрюге мекям джокъ.
- Эрни эр этерик да, къара джер этерик да, тиширыуду.
- Джахил болса анасы, не билликди баласы?
- Ёлмесенг да, къарт дамы болмазса?
- Алтыннга тот къонмаз.
- Сакъламагъан затынга джолукъсанг, не бек къууанаса, не бек ачыйса.
- Ата – билек, ана – джюрек!
- Джогъун бар этген, барын бал этген.
- Сагъыш – къартлыкъгъа сюйюмчю.
- Ашда уялгъан – мухар, ишде уялгъан – хомух.
- Бети – къучакълар, джюреги – бычакълар.
- Сёз – кюмюш, джыр – алтын.
- Акъдан къара болмаз.
- Джангыз терек къынгыр ёсер.
- Къаллай салам берсенг, аллай джууаб алырса.
- Ишни аллы бла къууанма да, арты бла къууан.
- Хар ишни да аллы къыйынды.
- Джетген къыз джерли эшекни танымаз.
- Чомартны къолу берекет.
- Чабар ат – джетген къыз.
- Накъырданы арты керти болур.
- Суу кетер, таш къалыр.
- Иги – алгъыш этер, аман – къаргъыш этер.
- Эл ауузу – элек, анга ийнаннган – халек.
- Хар адамгъа кеси миннген тау кибик.
- Аз айтсам, кёб ангылагъыз.
Профиль
|
|
|
|||