- Ауурну тюбю бла, дженгилни башы бла джюрюген.
- Къызбайны юйюне дери сюрсенг, батыр болур.
- Телиге от эт десенг, юйюнге от салыр.
- Ата Джуртча джер болмаз, туугъан элча эл болмаз.
- Сакъ юйюне сау барыр.
- Билгенни къолу къарны джандырыр.
- Аллахха ийнаннган кишини, Аллах онгдурур ишин.
- Тамбла алтындан бюгюн багъыр ашхы.
- Аллахдан тилесенг, кёб тиле.
- Джарлы эскисин джамаса, къууаныр.
- Тёрде – темир таякълы, къаяда – чыпчыкъ аякълы.
- Таш бла ургъанны, аш бла ур.
- Ана къолу ачытмаз.
- Баланы адам этген анады.
- Ханы къызы буюгъа-буюгъа киштик болду.
- Эски джаугъа ышанма.
- Агъач – джерни чырайы, кийим – эрни чырайы.
- Элге къуллукъ этмеген, элге ие болмаз.
- Къайгъы тюбю – тенгиз.
- Тили узунну, намысы – къысха.
- Ачлыкъда тары гырджын халыуадан татлы.
- Кийиминг бла танылма, адамлыкъ бла таныл.
- Алма терегинден кери кетмез.
- Юйлю уругъа ит чабмаз.
- Ойнай-ойнай кёз чыгъар.
- Аманны эки битли тону болур, бирин сеннге кийдирир, бирин кеси киер.
- Къарын къуру болса, джюрек уру болур.
- Ач бёрюге мекям джокъ.
- Юйюнгден чыкъдынг – кюнюнгден чыкъдынг.
- Элни кючю – эмеген.
- Эркишиге тары кебек танг кёрюнюр.
- Къайгъыны сюйген, къайгъы табар.
- Тай асырагъан, атха минер.
- Ашхы тенг джолгъа салыр, аман тенг джолдан тайдырыр.
- Къонакъ болсанг, ийнакъ бол.
- Адамны адамлыгъы къыйынлыкъда айгъакъланады.
- Чыбыкълыкъда бюгюлмеген, къазыкълыкъда бюгюлмей эди.
- Ач къарынны, токъ билмез
- Артына баргъанны, къатына барма.
- Суугъа – таянма, джаугъа – ийнанма.
- Эл ауузу – элия.
- Акъыллы эркиши атын махтар, акъылсыз эркиши къатынын махтар.
- Адамны бетине къарама, адетине къара.
- Азыгъы аз, алгъа къабар, аты аман, алгъа чабар.
- Джарлы тюеге минсе да, ит къабар.
- Кесинг сынамагъан затны, адамгъа буюрма.
- Айранын берсенг, челегин да къызгъанма.
- Аман хансны – урлугъу кёб.
- Тели турса – той бузар.
- Тилчи бир сагъатха айлыкъ хата этер.
Профиль
|
|
|
|||