- Къыз тиширыу кеси юйюнде да къонакъды.
- Кенгеш болса, уруш болмаз.
- Тойгъа барсанг, тоюб бар, эски тонунгу къоюб бар.
- Алгъанда – джууукъ, бергенде – джау.
- Айтхан – тынч, этген – къыйын.
- Къалгъан ишге къар джауар.
- Татлы тилде – сёз ариу, чемер къолда – иш ариу.
- Аш кетер да бет къалыр.
- Намыс сатылыб алынмайды.
- Ышармагъан – кюлмез, кюлмеген – къууанчны билмез.
- Ариу сёз джыланны орнундан чыгъарыр.
- Тай асырагъан, атха минер.
- Къан бла кирген, джан бла чыгъар.
- Джаным-тиним – окъуу, билим.
- Таш бла ургъанны, аш бла ур.
- Ёзденликни кёбю ётюрюк.
- Минг тенг да азды, бир джау да кёбдю.
- Тёзген – тёш ашар!
- Юй кюйдю да, кюйюз чыкъды, ортасындан тюйюш чыкъды.
- Ашхы болсанг, атынг чыгъар, аман болсанг, джанынг чыгъар.
- Ишленмеклик адамлыкъды.
- Харам къарнашдан, халал тенг ашхы.
- Кёзден кетген, кёлден да кетеди.
- Мал ёлсе, сюек къалыр, адам ёлсе, иши къалыр.
- Ханнга да келеди хариблик.
- Дууулдаса – бал чибин, къонса – къара чибин.
- Джумушакъ терекни къурт ашар.
- Айыбны суу бла джууалмазса.
- Ишлемеген – тишлемез.
- Ачылгъан эт джабылыр, кёрген кёз унутмаз.
- Нарт сёз – тилни бети.
- Игини сыйлагъан адетди.
- Аманнга алтын чыдамаз.
- Къошда джокъгъа – юлюш джокъ.
- Шайтан алдады, тюзлюк къаргъады.
- Джахил болса анасы, не билликди баласы?
- Тюзлюк шохлукъну бегитир.
- Чарсда алчыны эл кёреди.
- Тойгъанлыкъ къойгъа джарашады.
- Билимли ёлмез, билимсиз кёрмез.
- Нёгер болсанг, тенг бол, тенг болмасанг, кенг бол.
- Сёз – кюмюш, джыр – алтын.
- Ач къалгъандан, кеч къалгъан къолай.
- Битмегеннге сакъал – танг.
- Къатын байлыкъны сюер, эр саулукъну сюер.
- Келгинчи, къонакъ уялыр, келгенден сора, къонакъбай уялыр.
- Билген билмегенни юретген адетди.
- Хунаны тюбюн къазсанг, юсюнге ауар.
- От кюйдюрген, сау болса да, тот кюйдюрген, сау болмаз.
- Ана кёлю – балада, бала кёлю – талада.
Профиль
|
|
|
|||