- Акъыл неден да кючлюдю.
- Нёгерсизни джолу узун.
- Артына баргъанны, къатына барма.
- Биреуню тёрюнден, кесинги эшик артынг игиди.
- Ойнай билмеген, оюн бузар.
- Киштикге къанат битсе, чыпчыкъ къалмаз эди.
- Юре билмеген ит, къонакъ келтирир.
- Татлы сёз – балдан татлы.
- Аш берме да, къаш бер.
- Юйлю уругъа ит чабмаз.
- Джолунга кёре – джюрюшюнг, джагъанга кёре – юлюшюнг.
- Эли джокъну – кёлю джокъ.
- Ач келгенни – тойдур, кеч келгенни – къондур.
- Эринчекге кюн узун.
- Билими азны – ауузунда кирит.
- Атынг аманнга чыкъгъандан эсе, джанынг тамагъынгдан чыкъсын.
- Ётюрюкчюню шагъаты – къатында.
- Тил бла келеди джыр да.
- Орундукъ тюбюнде атылсам да, орта джиликме, де да айлан.
- Къарнынг ауруса, ауузунгу тый
- Кёбню кёрген – кёб билир.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ана къолу ачытмаз.
- Джаш къарыу бла кючлю, къарт акъыл бла кючлю.
- Эл ауузу – элия.
- Къонакъ хазыр болгъанлыкъгъа, къонакъбай хазыр тюлдю.
- Сёз къанатсыз учар.
- Ышармагъан – кюлмез, кюлмеген – къууанчны билмез.
- Башланнган иш битер, къымылдагъан тиш тюшер.
- Ашлыкъны арба юйге келтирир, чана базаргъа элтир.
- Мал тутхан – май джалар.
- Джангыз терек къынгыр ёсер.
- Къарнынг бла ёч алма.
- Экеулен сёлеше тура эселе, орталарына барыб кирме.
- Эр сокъур болсун, къатын тилсиз болсун.
- Асхат ашлыкъ сата, юйдегиси ачдан къата.
- Байлыкъ адамны сокъур этер.
- Намыс сатылыб алынмайды.
- Джыланны къуйругъундан басарынг келсе, аны башы болгъанын унутма.
- Сёз садакъдан кючлюдю.
- Ойнай-ойнай кёз чыгъар.
- Таукел адам тау тешер.
- Биреуню къыйынлыгъы бла кесинге джол ишлеме.
- Айныгъанлы алты кюн, тогъайгъанлы тогъуз кюн.
- Тик ёргени, тик энгишгеси да болады.
- Ашхы болсанг, атынг чыгъар, аман болсанг, джанынг чыгъар.
- Аманнга игилик этсенг, юйюнге сау бармазса.
- Джол бла сёзню къыйыры джокъ.
- Телини эшигин, махтау джабар.
- Малны кют, джерни тюрт.
Профиль
|
|
|
|||