- Окъ къызбайны джокълайды.
- Билим насыб берир, билим джолну керир.
- Аджашхан тёгерек айланыр.
- Тулпарлыкъ, билекден тюл – джюрекден.
- Дуния мал дунияда къалады.
- Ана къойну – балагъа джандет.
- Чомартны къолу берекет.
- Ашына кёре табагъы, балына кёре къалагъы.
- Акъыллы – эл иеси, тели – эл баласы.
- Ойнай билмеген, уруб къачар.
- Таукелге нюр джауар.
- Ариу сёз аурууунгу алыр.
- Ашлыкъны арба юйге келтирир, чана базаргъа элтир.
- Aдам боллукъ, сыфатындан белгили.
- Кюн кёрмеген, кюн кёрсе, кюндюз чыракъ джандырыр.
- Иши джокъну, сыйы джокъ.
- Эшекни не къадар тюйсенг да, ат болмаз.
- Къартха ушагъан джаш – акъыллы, джашха ушагъан къарт – тели.
- Билмейме деген – бир сёз
- Кюн – узун, ёмюр – къысха.
- Эшекге миннген – биринчи айыб, андан джыгъылгъан – экинчи айыб.
- Къарт бла баш аша, джаш бла аякъ аша.
- Алим болгъандан эсе, адам болгъан къыйынды.
- Татлы тилде – сёз ариу, чемер къолда – иш ариу.
- Байны оноуу, джарлыгъа джарамаз.
- Эллинг бла джау болсанг да, юйюнг бла джау болма.
- Кютгени беш эчки, сызгъыргъаны уа, джерни джарады.
- Юй ишлеген балта эшикде къалыр.
- Сёз къанатсыз учар.
- Ашда уялгъан – мухар, ишде уялгъан – хомух.
- Айыбны суу бла джууалмазса.
- Этни да ашады, бетни да ашады.
- Билимсиз иш бармаз.
- Ишленмеклик адамлыкъды.
- Тойгъан джерге джети къайт.
- Ач да бол, токъ да бол – намысынга бек бол.
- Джырына кёре эжиую.
- Баланы адам этген анады.
- Тик ёргени, тик энгишгеси да болады.
- Чакъырылмагъан къонакъ тёрге атламаз.
- Къыйынлы джети элге оноу этер.
- Ашхы – джыяр, аман – джояр.
- Ауругъан – джашаудан умутчу.
- Чоюнну башы ачыкъ болса, итге уят керекди.
- Уллу атлама – абынырса, уллу къабма – къарылырса.
- Таякъ этден ётер, тил сюекден ётер.
- Эки ойлашыб, бир сёлешген.
- Тамырсыз терекге таянма – джыгъылырса.
- Атадан ёксюз – бир ёксюз, анадан ёксюз – эки ёксюз.
- Къонакъны къачан кетерин сорма, къачан келлигин сор.
Профиль
|
|
|
|||