- Аманны тукъумуна къарама, игини тукъумун сорма.
- Тин – байлыгъынг, терен саулугъунг.
- Аман адам элни бир-бирине джау этер.
- Уллу къазанда бишген эт, чий къалмаз.
- Ётюрюкню башын керти кесер.
- Акъыллы – эл иеси, тели – эл баласы.
- Этек чакъмакълары баш джаргъан, сёлешген сёзлери таш джаргъан.
- Джангызны оту джарыкъ джанмаз!
- Эки къатын алгъанны къулагъы тынгнгаймаз.
- Акъдан къара болмаз.
- Сакъ юйюне сау барыр.
- Юйюнгден чыкъдынг – кюнюнгден чыкъдынг.
- Биреу къой излей, биреу той излей.
- Билимден уллу байлыкъ джокъду.
- Агъач халкъгъа алтынды, иссиликге салкъынды.
- Кёбню кёрген – кёб билир.
- Таякъ этден ётер, тил сюекден ётер.
- Аман къатын сабий табса, бий болур…
- Татлы тилде – сёз ариу, чемер къолда – иш ариу.
- Тойгъандан сора, ашны сёкме.
- Акъыл аздырмаз, билим тоздурмаз.
- Ариу джол аджал келтирмез.
- Ёлюк кебинсиз къалмаз.
- Акъыллы башны – тили къысха.
- Кюлме джашха – келир башха.
- Тамырсыз терекге таянма – джыгъылырса.
- Ёксюзню тилеги къабыл болур.
- Ариу сёз джыланны орнундан чыгъарыр.
- Элни кючю – эмеген.
- Айран тёгюлсе, джугъусу къалыр.
- Ач, тоймам, дейди, тойгъан, ач болмам, дейди.
- Адамны бетине къарама, адетине къара.
- Адам сёзге тынгыла, акъыл сёзню ангыла.
- Байлыкъ болгъан джерде, тынчлыкъ джокъду.
- Аш иеси бла татлыды.
- Болджал ишни бёрю ашар.
- Къарт айтханны этмеген, къартаймаз.
- Босагъагъа джууукъ орун болса, ашыгъыб тёрге озма.
- Суугъа – чабакъ, къаягъа – ыргъакъ.
- Адамны артындан къара сабан сюрме.
- Къар – келтирди, суу – элтди.
- Гугурук къычырмаса да, тангны атары къалмаз.
- Ата Джуртун танымагъан, атасын да танымаз.
- Къарт бла баш аша, джаш бла аякъ аша.
- Узун джолну барсанг, бюгюн келирсе, къысха джолну барсанг, тамбла келирсе.
- Булут кёкге джарашыу, уят бетге джарашыу.
- Окъугъанны бети джарыкъ.
- Чомарт къонакъ юй иесин сыйлар.
- Чомартны къолун джокълукъ байлар.
- Ойнаб айтсанг да, эслеб айт.
Профиль
|
|
|
|||