Эльбрусоид :: Форум

Тёгюлген тюгел джыйылмайды.
Тойгъан джерге джети къайт.
Байлыкъ тауусулур, билим тауусулмаз.
Къыз келсе, джумуш эте келеди, къатын келсе, ушакъ эте келеди.
Къарт айтханны этмеген, къартаймаз.
Ишин билген, аны сыйын чыгъарады.
Юреннген ауруу къалмаз.
Аман хансны – урлугъу кёб.
Юй ишлеген балта эшикде къалыр.
Иги бла джюрюсенг, джетерсе муратынга, аман бла джюрюсенг, къалырса уятха.
Термилгенинги табмазса, кюлгенинге тюберсе.
Ёлмесенг да, къарт дамы болмазса?
Къая джолда джортма, ачыкъ сёзден къоркъма.
Ач къарным, тынч къулагъым.
Суугъа – чабакъ, къаягъа – ыргъакъ.
Къарнынг тойгъунчу аша да, белинг талгъынчы ишле.
Игини сыйлагъан адетди.
Тёрдеги кюлсе, эшикдеги ышарыр.
Джумушакъ терекни къурт ашар.
Бети – къучакълар, джюреги – бычакълар.
Ач уят къоймаз.
Илму – джашауну джолу.
Иги болса, тамадама – махтау, аман болса, меннге – айыб.
Эллинг бла джау болсанг да, юйюнг бла джау болма.
Чакъырылмагъан къонакъ тёрге атламаз.
Эртде тургъан джылкъычыны эркек аты тай табар.
Джылар джаш, атасыны сакъалы бла ойнар.
Чакъырылмагъан къонакъ – орунсуз.
Джарашыу сюйген – джалынчакъ.
Тулпарлыкъ, билекден тюл – джюрекден.
Ёлген аслан – сау чычхан.
Чабакъсыз кёлге къармакъ салгъанлыкъгъа, чабакъ тутмазса.
Алим болгъандан эсе, адам болгъан къыйынды.
Тик ёргени, тик энгишгеси да болады.
Келинни – келгинчи, бёркню кийгинчи кёр.
Сууда джау джокъ, кёб сёзде магъана джокъ.
Тилчиден кери бол.
Ачыкъ джюрекге джол – ачыкъ.
Билимли ёлмез, билимсиз кёрмез.
Башы джабылгъан челекге, кир тюшмез.
Татлы тилде – сёз ариу, чемер къолда – иш ариу.
Ашхы адам – халкъ байлыгъы, ашхы джер – джашау байлыгъы.
Ач да бол, токъ да бол – намысынга бек бол.
Аш берме да, къаш бер.
Ашхы сёз таш тешер.
Бермеген къол, алмайды.
Чомарт къонакъ юй иесин сыйлар.
Хунаны тюбюн къазсанг, юсюнге ауар.
Иги – алгъыш этер, аман – къаргъыш этер.
Ёпкелегенни ашы татлы болады.

Логин:
Пароль:
	Запомнить меня на этом компьютере

Забыли свой пароль?
Регистрация