Эльбрусоид :: Форум

Ашхы атаны – джашы ашхы, ашхы ананы – къызы ашхы.
Аз айтсам, кёб ангылагъыз.
Ишлерге уял да, ашаргъа табма.
Бек анасы джыламаз.
Юй ишлеген балта эшикде къалыр.
Джаш къарыу бла кючлю, къарт акъыл бла кючлю.
Сютню башын джалагъан къутулур, тюбюн ичген тутулур.
Шапа кёб болса, аш татымсыз болур.
Эм уллу байлыкъ – джан саулукъ.
Хар ишни да аллы къыйынды.
Джырчы ёлсе, джыры къалыр.
Рысхы – насыбха къор.
Накъырда – кертини келечиси.
Чабакъ башындан чирийди.
Гугурук къычырмаса да, тангны атары къалмаз.
Тили узунну, намысы – къысха.
Келлик заман – къартлыкъ келтирир, кетген заман – джашлыкъ ёлтюрюр.
Магъанасыз сёз – тауушсуз сыбызгъы.
Адам къыйынлыгъын кёлтюрюр, зауукълугъун кёлтюрмез.
Этни да ашады, бетни да ашады.
Ишленмеклик адамлыкъды.
Къазанда болса, чолпугъа чыгъар.
Иги бла джюрюсенг, джетерсе муратынга, аман бла джюрюсенг, къалырса уятха.
Къоркъакъны кёзю экили кёрюр.
Таукел адам тау тешер.
Къазанны башы ачыкъ болса, итге уят керекди.
Киштикге къанат битсе, чыпчыкъ къалмаз эди.
Экеулен сёлеше тура эселе, орталарына барыб кирме.
Кёзюнде тереги болгъан, чёбю болгъаннга кюле эди.
Ариу сёз джыланны орнундан чыгъарыр.
Кёл ашады да, кеси ашады.
Чомарт къолда мал къалмаз.
Ётюрюкчюню шагъаты – къатында.
Ёксюзню къалачы уллу кёрюнюр.
Ишлегенден, къарагъан уста.
Эки къатын алгъанны къулагъы тынгнгаймаз.
Нафысынгы айтханын этме, намысынгы айтханын эт.
Огъурлуну сёзю – суу, огъурсузну сёзю – уу.
Ата джурт – алтын бешик.
Ач къалгъандан, кеч къалгъан къолай.
Кирсизни – саны таза, халалны – къаны таза.
Къартны сыйын кёрмеген, къартлыгъында сыйлы болмаз.
Халкъны джырын джырласанг, халкъ санга эжиу этер.
Эркиши – от, тиширыу – суу.
Тюзлюк тас болмайды.
Эки итни арасына сюек атма, эки адамны арасында сёз чыгъарма.
Нарт сёз къарт болмаз.
Арбаз сайлама да, хоншу сайла.
Сабийни джумушха джибер да, ызындан бар.
Ач, тоймам, дейди, тойгъан, ач болмам, дейди.

Логин:
Пароль:
	Запомнить меня на этом компьютере

Забыли свой пароль?
Регистрация