- Аш кетер да бет къалыр.
- Аякъларынгы джууургъанынга кёре узат.
- Иги сеники эсе да, сюйген кесимикин этеме.
- Ата Джуртча джер болмаз, туугъан элча эл болмаз.
- Окъумагъан сокъурду, сокъур ташха абыныр!
- Джумушакъ сёз къаты таякъны сындырыр.
- Дуния мал дунияда къалады.
- Джюрекге ариу – кёзге да ариу.
- Тау башында, тау болмаз, джангыз терек, бау болмаз.
- Биреуню къыйынлыгъы бла кесинге джол ишлеме.
- Ариуну – ауруу кёб.
- Иесиз малны бёрю ашар.
- Чакъырылмай келген къонакъ сыйланмай кетер.
- Тойну къарнашы – харс, джырны къарнашы – эжиу.
- Этим кетсе да, сюегим къалыр.
- Гырджын – тепсини тамадасы.
- Аманны тукъумуна къарама, игини тукъумун сорма.
- Агъач – джерни чырайы, кийим – эрни чырайы.
- Байлыкъ келсе, акъыл кетер.
- Тойгъан антын унутур.
- Ишге юренсин къоллары, халкъ бла болсун джоллары.
- Эски джаугъа ышанма.
- «Ма», - дегенни билмесенг, «бер», - дегенни билмезсе.
- Сабийни джумушха джибер да, ызындан бар.
- Тойгъанлыкъ къойгъа джарашады.
- Кёбге таш атма.
- Мал тутхан – май джалар.
- Джаным-тиним – окъуу, билим.
- Мен да «сен», дейме, сен да «кесим», дейсе.
- Билгенни къолу къарны джандырыр.
- Тюзлюк шохлукъну бегитир.
- Ариу джол аджал келтирмез.
- Шекер бла туз – бир болмаз, ушамагъан – юй болмаз.
- Сютден ауузу кюйген, суугъа юфгюре эди.
- Джангыз торгъай джырламаз.
- Ушамагъан – джукъмаз.
- Рысхы джалгъанды: келген да этер, кетген да этер.
- Аманны къуугъан, аманлыкъ табар.
- Уясында не кёрсе, учханында аны этер.
- Тойгъандан сора, ашны сёкме.
- Къолу уллу – асыу, аягъы уллу – джарсыу.
- Кёлю джокъну – джолу джокъ.
- Ачлыкъда тары гырджын халыуадан татлы.
- Тили узунну, намысы – къысха.
- Эринчекге кюн узун.
- Джырына кёре эжиую.
- Къошда джокъгъа – юлюш джокъ.
- Хата – гитчеден.
- Къазанчы аман болса, къазаны къайнамаз.
- Иги сёз – джаннга азыкъ, аман сёз башха – къазыкъ.
Профиль
|
Алибек Токов
 Эльбрусоид
Cообщений: 65
Баллов: 52
Регистрация: 08.06.2013
Последний визит: 11.10.2015 15:15:35
|
|
||||||||
|
|
|
||||||||