- Ичимден чыкъды хата, къайры барайым сата?
- Аман адам элни бир-бирине джау этер.
- Адеб базарда сатылмаз.
- Къулакъдан эсе, кёзге ышан.
- Билмейме деген – бир сёз
- Бет бетге къараса, бет да джерге къарар.
- Ашаса, ашамаса да, бёрюню ауузу – къан.
- Къайгъыны сюйген, къайгъы табар.
- Чомарт джарлы болмаз.
- Юреннген ауруу къалмаз.
- Бети къызарыучу адамны, джюреги харам болмаз.
- Дууулдаса – бал чибин, къонса – къара чибин.
- Сёлеш деб шай берген, тохта деб, сом берген.
- Ач къалгъандан, кеч къалгъан къолай.
- Аш берме да, къаш бер.
- Азыкъ аз болса, эртде орун сал.
- «Ёгюз, джаргъа джууукъ барма, меннге джюк боллукъса», - дегенди эшек.
- Накъырданы арты керти болур.
- Джылар джаш, атасыны сакъалы бла ойнар.
- Ургъан суудан башынгы сакъла.
- Рысхы – насыбха къор.
- Къарнынг тойгъунчу аша да, белинг талгъынчы ишле.
- Ата джурт – алтын бешик.
- Джумушакъ сёз къаты таякъны сындырыр.
- Биреуню тёрюнден, кесинги эшик артынг игиди.
- Тойгъан антын унутур.
- Джюрек кёзден алгъа кёрюр.
- Адамны аманы адамны бети бла ойнар.
- Айраннга суу къош, телиге джол бош.
- Уллу къашыкъ эрин джыртар.
- Тенгинг джокъ эсе – изле, бар эсе – сакъла!
- Тулпарлыкъ, билекден тюл – джюрекден.
- Айранын берсенг, челегин да къызгъанма.
- Юре билмеген ит, къонакъ келтирир.
- Ишлегенден, къарагъан уста.
- Соргъан айыб тюлдю, билмеген айыбды.
- Гыдай эчки суугъа къараб, мюйюзле кёрмесе, джашма алкъын, дегенди.
- Бюгюн дуния кибик, тамбла ахыратды.
- Керек ташны ауурлугъу джокъ.
- Алтыда кюлмеген, алтмышда кюлмез.
- Зар адамны насыбы болмаз.
- Ёлген аслан – сау чычхан.
- Къарт бла баш аша, джаш бла аякъ аша.
- Чакъырылмагъан къонакъ тёрге атламаз.
- Тынгылагъан тынгы бузар.
- Къарнынг бла ёч алма.
- Джаралыны джастыгъында сау ёлюр.
- Сыфатында болмагъаны, суратында болмаз.
- Аууз сакълагъан – джан сакълар.
- Къыз чыгъаргъан – къызыл къымжа.
Профиль
|
|
|
|||