- Билеги кючлю, бирни джыгъар, билими кючлю, мингни джыгъар.
- Тюкюрюк баш джармаз, налат кёз чыгъармаз!
- Окъугъан озар, окъумагъан тозар.
- Аз сёлеш, кёб ишле.
- Аз сёлешген, къайгъысыз турур.
- Айтылгъан сёз ызына къайтмаз.
- Къарт болгъан джерде, берекет болур, сабий болгъан джерде, оюн болур.
- Къарнынг тойгъунчу аша да, белинг талгъынчы ишле.
- Махтаннган къыз, тойда джукълар.
- Терек ауса, отунчу – кёб.
- Арыгъан къош чамчы болур.
- Азыгъы аз, алгъа къабар, аты аман, алгъа чабар.
- Дженгил джетерикме деб, узун джолну къоюб, къысхасын барма.
- Эл элде бирер малынг болгъандан эсе, бирер тенгинг болсун.
- Къуллукъчума, деб махтанма, къуллукъ – хаух джамчыды!
- Биреуге кёлтюрген таягъынг, кесинги башынга урур.
- Аманнга алтын чыдамаз.
- Биреу къой излей, биреу той излей.
- Кёзю сокъурдан – къоркъма, кёлю сокъурдан – къоркъ.
- Адебни адебсизден юрен.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ётюрюк хапар аякъ тюбю бла джюрюйдю.
- Чабакъгъа акъыл, табагъа тюшсе келеди.
- Къонакъ аз олтурур, кёб сынар.
- Акъыл бла адеб эгизледиле.
- Адамны сыфатына къарама, сёзюне къара.
- Чакъырылмагъан джерге барма, чакъырылгъан джерден къалма.
- Байлыкъ болгъан джерде, тынчлыкъ джокъду.
- Ачлыкъ отха секиртир.
- Азыкъ аз болса, эртде орун сал.
- Джарлыны тону джаз битер.
- Эки къатын алгъанны къулагъы тынгнгаймаз.
- Рысхы – сют юсюнде кёмюк кибикди.
- Джюрекге ариу – кёзге да ариу.
- Чыкълы кюнде чыкъмагъан, чыкъса къуру кирмеген.
- Байдан умут эте, джарлыдан ёгюз багъасы къорады.
- Адамны адамлыгъы къыйынлыкъда айгъакъланады.
- Илму – джашауну джолу.
- Акъыллы – эл иеси, тели – эл баласы.
- Рысхы – насыбха къор.
- Аш иеси бла татлыды.
- Ат да турмайды бир териде.
- Къатын къылыкъсыз, эр тынчлыкъсыз.
- Тил бла келеди джыр да.
- Арбаз сайлама да, хоншу сайла.
- Эртде тургъан джылкъычыны эркек аты тай табар.
- Адамны артындан къара сабан сюрме.
- Ауругъан – джашаудан умутчу.
- Ариуну – ауруу кёб.
- Джашынгы кесинг юретмесенг, джашау юретир.
Профиль
|
|
|
|||