- Ётюрюк хапар аякъ тюбю бла джюрюйдю.
- Дууулдаса – бал чибин, къонса – къара чибин.
- Къазанчы аман болса, къазаны къайнамаз.
- Бети къызарыучу адамны, джюреги харам болмаз.
- Халкъны джырын джырласанг, халкъ санга эжиу этер.
- Мал ёлсе, сюек къалыр, адам ёлсе, иши къалыр.
- Кюл тюбюндеги от кёрюнмейди.
- Къайгъы тюбю – тенгиз.
- Адам къыйынлыгъын кёлтюрюр, зауукълугъун кёлтюрмез.
- Оюмсуз атлагъан, аджалсыз ёлюр.
- Окъугъанны бети джарыкъ.
- Чомартха хар кюн да байрамды.
- Итли къонакъ джарашмаз.
- Хансыз джомакъ болмаз.
- Ашлыкъ – бюртюкден, джюн – тюкден.
- Ашына кёре табагъы, балына кёре къалагъы.
- Душманны тышы – акъ, ичи – къара.
- Ёзденликни джайгъан – джокълукъ.
- Акъыл къартда, джашда тюйюлдю – башдады.
- Айыбны суу бла джууалмазса.
- От этилмеген джерден тютюн чыкъмайды.
- Кийиминг бла танылма, адамлыкъ бла таныл.
- Тынгылагъан тынгы бузар.
- Кийимни бичсенг, кенг бич, тар этген къыйын тюлдю.
- Мухар, кеси тойса да, кёзю тоймаз.
- Къайгъыны сюйген, къайгъы табар.
- Къызын тута билмеген, тул этер, джашын тута билмеген, къул этер.
- Гугурук къычырмаса да, тангны атары къалмаз.
- Ат да турмайды бир териде.
- Сибиртки да сыйлы болду, кюрек да кюнлю болду.
- Джюрек кёзден алгъа кёрюр.
- От кюйдюрген, сау болса да, тот кюйдюрген, сау болмаз.
- Мени джылытмагъан кюн, меннге тиймесин!
- Тамбла алтындан бюгюн багъыр ашхы.
- Къолу уллу – асыу, аягъы уллу – джарсыу.
- Игини сыйлагъан адетди.
- Билмейме деген – бир сёз
- Азыкъ аз болса, эртде орун сал.
- Нёгер болсанг, тенг бол, тенг болмасанг, кенг бол.
- Татлы тилде – сёз ариу, чемер къолда – иш ариу.
- Кирсизни – саны таза, халалны – къаны таза.
- Урунуу – насыбны анасы.
- Алма терегинден кери кетмез.
- Къыз келсе, джумуш эте келеди, къатын келсе, ушакъ эте келеди.
- Илму – джашауну джолу.
- Ётюрюкден тюбю джокъ, кёлтюрюрге джиби джокъ.
- Байдан умут эте, джарлыдан ёгюз багъасы къорады.
- Сууда джау джокъ, кёб сёзде магъана джокъ.
- Бети – къучакълар, джюреги – бычакълар.
- Къулакъдан эсе, кёзге ышан.
Профиль
|
|
|
|||