- Акъыллы эркиши атын махтар, акъылсыз эркиши къатынын махтар.
- Сибиртки да сыйлы болду, кюрек да кюнлю болду.
- Кёкдеги болмаса, джердегин кёрмейди.
- Хаухну атма, ёнгкючню сатма.
- Таула не мийик болсала да, аууш табылыр.
- Бермеген къол, алмайды.
- Башынга джетмегенни сорма.
- Тойгъан джерден туугъан джер игиди.
- Къолу уллу – асыу, аягъы уллу – джарсыу.
- Тешигини къатында, чычхан да батыр болур.
- Кесинг сынамагъан затны, адамгъа буюрма.
- Джылыгъа джылан илешир.
- Атлыны кёрсе, джаяуну буту талыр.
- Билим ат болуб да чабар, къуш болуб да учар.
- Алтыннга тот къонмаз.
- Ач отунчуну ачыуу – бурнунда.
- Къыйынлы джети элни къайгъысын этер.
- Экеулен сёлеше тура эселе, орталарына барыб кирме.
- Тенги кёбню джау алмаз, акъылы кёбню дау алмаз.
- Хар ишни да аллы къыйынды.
- Элге къуллукъ этмеген, элге ие болмаз.
- Джукъу тёшек сайламайды.
- Соргъан айыб тюлдю, билмеген айыбды.
- «Ёгюз, джаргъа джууукъ барма, меннге джюк боллукъса», - дегенди эшек.
- Ата – билек, ана – джюрек!
- Къаллай салам берсенг, аллай джууаб алырса.
- Юй кюйдю да, кюйюз чыкъды, ортасындан тюйюш чыкъды.
- Акъылсызны джууукъгъа алма, акъыллыны кенгнге салма.
- Аджашханны ызындагъы кёреди, джангылгъанны джанындагъы биледи.
- Акъыл неден да кючлюдю.
- Экиндини кеч къылсанг, чабыб джетер ашхам.
- Иги – алгъыш этер, аман – къаргъыш этер.
- Тил – миллетни джаны.
- Гугурук къычырмаса да, тангны атары къалмаз.
- Сабийни джумушха джибер да, ызындан бар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Арыгъан къош чамчы болур.
- Шапа кёб болса, аш татымсыз болур.
- Адеб базарда сатылмаз.
- Адеб этмеген, адеб кёрмез.
- Кеси юйюмде мен да ханма.
- Аман хансны – урлугъу кёб.
- Илму – джашауну джолу.
- Айран ичген – къутулду, джугъусун джалагъан – тутулду.
- Джырына кёре эжиую.
- Ашын ашагъанынгы, башын да сыйла.
- Джол бла сёзню къыйыры джокъ.
- Къызбайны юйюне дери сюрсенг, батыр болур.
- Адамны аманы адамны бети бла ойнар.
- Тойну къарнашы – харс, джырны къарнашы – эжиу.
Профиль
|
|
|
|||