- Ариу джол аджал келтирмез.
- Ашхы сёз таш тешер.
- Адебни адебсизден юрен.
- Билген билмегенни юретген адетди.
- Сагъыш – къартлыкъгъа сюйюмчю.
- Акъыллы – эл иеси, тели – эл баласы.
- Тойгъа барсанг, тоюб бар, эски тонунгу къоюб бар.
- Тюзлюк шохлукъну бегитир.
- Эки къатын алгъан – эки ташны ортасына башын салгъан.
- Алгъанда – джууукъ, бергенде – джау.
- Къарнынг ауруса, ауузунгу тый
- Ашхы болсанг, атынг чыгъар, аман болсанг, джанынг чыгъар.
- Юйюнг бла джау болгъандан эсе, элинг бла джау бол.
- Тамчы таш тешер.
- Кёзню ачылгъаны – иги, ауузну джабылгъаны – иги.
- Джыйырма къойну юч джыйырма эбзе кюте эди.
- Эртде тургъан джылкъычыны эркек аты тай табар.
- Джашда акъыл джокъ, къартда къарыу джокъ.
- Къулакъдан эсе, кёзге ышан.
- Биреуге аманлыкъ этиб, кесинге игилик табмазса.
- Сёлеш деб шай берген, тохта деб, сом берген.
- Бюгюн дуния кибик, тамбла ахыратды.
- Тойгъан антын унутур.
- Абынмазлыкъ аякъ джокъ, джангылмазлыкъ джаякъ джокъ.
- Аш кетер да бет къалыр.
- Узун джолну барсанг, бюгюн келирсе, къысха джолну барсанг, тамбла келирсе.
- Ашда – бёрю, ишде – ёлю.
- Босагъагъа джууукъ орун болса, ашыгъыб тёрге озма.
- Накъырда – кертини келечиси.
- Мал кёб болса, джууукъ кёб болур.
- Ариу сёз джыланны орнундан чыгъарыр.
- Къарт болгъан джерде, берекет болур, сабий болгъан джерде, оюн болур.
- Джахил болса анасы, не билликди баласы?
- Ауругъан – джашаудан умутчу.
- Ишин билген, аны сыйын чыгъарады.
- Атадан ёксюз – бир ёксюз, анадан ёксюз – эки ёксюз.
- Олтуруб кёрюнмей эди да, ёрге туруб кёрюне эди.
- Къарнынг бла ёч алма.
- Ётюрюкню къуйругъу – бир тутум.
- Малны кют, джерни тюрт.
- Болджал ишни бёрю ашар.
- Къонакъ аман болса, къонакъбай джунчур
- Джарлыны эшигин махтагъан джабар.
- Чалманны аллы къалай башланса, арты да алай барады.
- Адамны сабийин сюйген джюреги, бычакъча, джитиди.
- Байлыкъдан саулукъ ашхыды.
- Ёксюзню тилеги къабыл болур.
- Байлыкъ болгъан джерде, тынчлыкъ джокъду.
- Биреу ашаб къутулур, биреу джалаб тутулур.
- Ашарыкъда сайлагъаннга – чий гырджын.
Профиль
|
|
|
|||