- Бойнуму джети джерден кессенг да, мен ол ишни этеллик тюлме.
- Бек ашыкъгъан меннге джетсин, дегенди аракъы.
- Киштикге къанат битсе, чыпчыкъ къалмаз эди.
- Айтылгъан буйрукъ, сёгюлмез
- Тёрде – темир таякълы, къаяда – чыпчыкъ аякълы.
- Аш иеси бла татлыды.
- Акъдан къара болмаз.
- Шапа кёб болса, аш татымсыз болур.
- Келлик заман – къартлыкъ келтирир, кетген заман – джашлыкъ ёлтюрюр.
- Иги сеники эсе да, сюйген кесимикин этеме.
- Аманны тукъумуна къарама, игини тукъумун сорма.
- Аз сёлешген, къайгъысыз турур.
- Сёз – кюмюш, джыр – алтын.
- Тешик этген тынчды, аны джамагъан къыйынды.
- Эринчекни эр алмаз, эр алса да, кёл салмаз, кёл салса да, кёб бармаз!
- Тилсиз миллет джокъ болур.
- Къошда джокъгъа – юлюш джокъ.
- Ёнгкюч къууана барыр, джылай келир.
- Тенгинг джокъ эсе – изле, бар эсе – сакъла!
- Мухардан ач ычхынмаз.
- Элде адам къалмаса, ит тахтагъа минер.
- Къолунгдан къуймакъ ашатсанг да, атаны борчундан къутулмазса.
- Къралынгы – душмандан, башынгы от бла суудан сакъла.
- Ач, тоймам, дейди, тойгъан, ач болмам, дейди.
- Джогъун бар этген, барын бал этген.
- Эркишини аманы тиширыуну джылатыр.
- Тау башында, тау болмаз, джангыз терек, бау болмаз.
- Джаным-тиним – окъуу, билим.
- Тик ёргени, тик энгишгеси да болады.
- Адамны адамлыгъы къыйынлыкъда айгъакъланады.
- Мени джылытмагъан кюн, меннге тиймесин!
- Ашатыргъа иш – ашхы, ишлетирге аш – ашхы.
- Бети бедерден, намыс сакълама.
- Къызбайны юйюне дери сюрсенг, батыр болур.
- Билеги кючлю, бирни джыгъар, билими кючлю, мингни джыгъар.
- Сабийликде юретмесенг, уллу болса – тюзелмез.
- Хоншуну тауугъу къаз кёрюнюр, келини къыз кёрюнюр.
- Ёмюрлюк шохлукъну джел элтмез.
- Тойгъа барсанг, тоюб бар, эски тонунгу къоюб бар.
- Айыбны суу бла джууалмазса.
- Къазанны башы ачыкъ болса, итге уят керекди.
- Тели турса – той бузар.
- Ишленмеклик адамлыкъды.
- Джюрекден джюрекге джол барды.
- Тёзген – тёш ашар!
- Ашын ашагъанынгы, башын да сыйла.
- Акъыллы эркиши атын махтар, акъылсыз эркиши къатынын махтар.
- Къарын къуру болса, джюрек уру болур.
- Бермеген къол, алмайды.
- Къонакъ кёб келюучю юйню, къазаны отдан тюшмез.
Профиль
|
|
|
|||