- Къартны сыйын кёрмеген, къартлыгъында сыйлы болмаз.
- Эки итни арасына сюек атма, эки адамны арасында сёз чыгъарма.
- Аурууну келиую тынч, кетиую – къыйын.
- Накъырданы арты керти болур.
- Бал – татлы, балдан да бала – татлы.
- Адамны аманы адамны бети бла ойнар.
- Уллу къазанда бишген эт, чий къалмаз.
- Элде адам къалмаса, ит тахтагъа минер.
- Джыланны къуйругъундан басарынг келсе, аны башы болгъанын унутма.
- Аууздан келген, къолдан келсе, ким да патчах болур эди.
- Акъыллы эркиши атын махтар, акъылсыз эркиши къатынын махтар.
- Байны къызы баймакъ болса да, юйде къалмаз!
- Кёбню кёрген – кёб билир.
- Этек чакъмакълары баш джаргъан, сёлешген сёзлери таш джаргъан.
- Узун джолну барсанг, бюгюн келирсе, къысха джолну барсанг, тамбла келирсе.
- Тенгни тенглиги джашай барсанг билинир.
- Таш ата билмеген, башына урур.
- Ачлыкъ отха секиртир.
- Чомарт бергенин айтмаз.
- Тойгъан антын унутур.
- Ауурну тюбю бла, дженгилни башы бла джюрюген.
- Уясында не кёрсе, учханында аны этер.
- Таукел адам тау тешер.
- Шапа кёб болса, аш татымсыз болур.
- Кёлю джокъну – джолу джокъ.
- Кёз – сюйген джерде, къол – ауругъан джерде.
- Чакъырылгъанны аты, чакъырылмагъанны багъасы болур.
- Этни да ашады, бетни да ашады.
- Юй ишлеген балта эшикде къалыр.
- Кесине гебен этелмеген, биреуге черен эте эди.
- Акъыл къартда, джашда тюйюлдю – башдады.
- Тюз сёз баргъан сууну тыяр.
- Тилчи тилден къаныкъмаз.
- Чабакъ башындан чирийди.
- Сыфатында болмагъаны, суратында болмаз.
- Танг атмайма десе да, кюн къоярыкъ тюйюлдю.
- Сабийликде юретмесенг, уллу болса – тюзелмез.
- Баланы адам этген анады.
- Ач – эснер, ат – кишнер.
- Зар адам ашынгы ашар, кесинги сатар.
- Джаным-тиним – окъуу, билим.
- Къонакъны къачан кетерин сорма, къачан келлигин сор.
- Ишлегенден, къарагъан уста.
- Чакъырылмай келген къонакъ сыйланмай кетер.
- Адам сёзюнден белгили.
- Джангызны оту джарыкъ джанмаз!
- Акъдан къара болмаз.
- Эл ауузу – элек, анга ийнаннган – халек.
- Адамны артындан къара сабан сюрме.
- Сёз садакъдан кючлюдю.
Профиль
|
|
|
|||