- Ишни аллы бла къууанма да, арты бла къууан.
- Накъырда – кертини келечиси.
- Чабакъ башындан чирийди.
- Билмейме деген – бир сёз
- Ёнгкюч къууана барыр, джылай келир.
- Акъыллы айтыр эди, акъылсыз къоймайды.
- Джырчы джырчыгъа – къарнаш.
- Эртде тургъан бла эртде юйленнген сокъуранмаз.
- Айыбны суу бла джууалмазса.
- Джарлыны эшигин махтагъан джабар.
- Келгинчи, къонакъ уялыр, келгенден сора, къонакъбай уялыр.
- Аш кетер да бет къалыр.
- Башланнган иш битер, къымылдагъан тиш тюшер.
- Босагъагъа джууукъ орун болса, ашыгъыб тёрге озма.
- Джети тилни билген джети кишиди.
- Тик ёргени, тик энгишгеси да болады.
- Айтылгъан сёз ызына къайтмаз.
- Къумурсхала джыйылсала, пилни да джыгъадыла.
- Эки къатын алгъанны къулагъы тынгнгаймаз.
- Aдам боллукъ, сыфатындан белгили.
- Къыз келсе, джумуш эте келеди, къатын келсе, ушакъ эте келеди.
- Адеби болмагъан къыз – тузсуз хант.
- Азыкълы ат арымаз, къатыны аман джарымаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Булут кёкге джарашыу, уят бетге джарашыу.
- Иги адам абынса да, джангылмаз.
- Байны къызы баймакъ болса да, юйде къалмаз!
- Мухар, кеси тойса да, кёзю тоймаз.
- Адамны сыфатына къарама, сёзюне къара.
- Акъыллы башны – тили къысха.
- Окъугъан – асыу, окъумагъан – джарсыу.
- Ёзденликни джайгъан – джокълукъ.
- Адамны джюреги нени кёрюрге сюйсе, кёзю да аны кёрюрге ёч болады.
- Бермеген къол, алмайды.
- Мал ёлсе, сюек къалыр, адам ёлсе, иши къалыр.
- Намыс сатылыб алынмайды.
- Иги болса, тамадама – махтау, аман болса, меннге – айыб.
- Ачлыкъда тары гырджын халыуадан татлы.
- Халкъны джырын джырласанг, халкъ санга эжиу этер.
- Алгъанда – джууукъ, бергенде – джау.
- Юйюнгден чыкъдынг – кюнюнгден чыкъдынг.
- Дуния малгъа сатылма, кесингден телиге къатылма.
- Къартны бурнун сюрт да, оноугъа тут.
- Адам сёзге тынгыла, акъыл сёзню ангыла.
- Къарт айтханны этмеген, къартаймаз.
- Урама да – ёледи, сатама да – келеди.
- Биреу ашаб къутулур, биреу джалаб тутулур.
- Къыз чыгъаргъан – къызыл къымжа.
- Эски джаугъа ышанма.
- Нарт сёз – тилни бети.
Профиль
|
|
|
|||