- Чарсда алчыны эл кёреди.
- Сибиртки да сыйлы болду, кюрек да кюнлю болду.
- Къарнынг тойгъунчу аша да, белинг талгъынчы ишле.
- Аш кетер да бет къалыр.
- Бермеген къол, алмайды.
- Ашхы болсанг, атынг чыгъар, аман болсанг, джанынг чыгъар.
- Билими азны – ауузунда кирит.
- Ачылгъан эт джабылыр, кёрген кёз унутмаз.
- Къарыусузгъа кюлме, онгсузгъа тийме.
- Ким бла джюрюсенг, аны кёзю бла кёрюнюрсе.
- «Ма», - дегенни билмесенг, «бер», - дегенни билмезсе.
- Ичимден чыкъды хата, къайры барайым сата?
- Элни кючю – эмеген.
- Окъуусуз билим – джокъ, билимсиз кюнюнг – джокъ.
- Айтхан сёзюне табылгъан.
- Ишленмеклик адамлыкъды.
- Иги сеники эсе да, сюйген кесимикин этеме.
- Гугук кесини атын айтыб къычыргъанча, мен, мен деб нек тураса?
- Къарт бла баш аша, джаш бла аякъ аша.
- Ана – юйню кюн джарыгъы.
- Чомарт джарлы болмаз.
- Телиге от эт десенг, юйюнге от салыр.
- Къобан да къуру да къобханлай турмайды, адам да къуру да патчахлай турмайды.
- Джырына кёре эжиую.
- Аман адам элни бир-бирине джау этер.
- Ёгюзню мюйюзлери ауурлукъ этмейдиле.
- Аман хансны – урлугъу кёб.
- Аз сёлеш, кёб ишле.
- Байдан умут эте, джарлыдан ёгюз багъасы къорады.
- Малны кют, джерни тюрт.
- Уллу сёлешме да, уллу къаб.
- Келлик заман – къартлыкъ келтирир, кетген заман – джашлыкъ ёлтюрюр.
- Байны оноуу, джарлыгъа джарамаз.
- Берекет берсин деген джерде, берекет болур.
- Эл бла кёргенинг эрелей.
- Къралынгы – душмандан, башынгы от бла суудан сакъла.
- Аман къатын алгъан, арыр, иги къатын алгъан джарыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Биреуге аманлыкъ этиб, кесинге игилик табмазса.
- Игини сыйлагъан адетди.
- Къуллукъчума, деб махтанма, къуллукъ – хаух джамчыды!
- Халкъны джырын джырласанг, халкъ санга эжиу этер.
- Эртде тургъан бла эртде юйленнген сокъуранмаз.
- Кёз – сюйген джерде, къол – ауругъан джерде.
- Чомарт бергенин айтмаз.
- Накъырда – кертини келечиси.
- Керек ташны ауурлугъу джокъ.
- Суу ичген шауданынга тюкюрме.
- Алтыннга тот къонмаз.
- Джырчы джырчыгъа – къарнаш.
Профиль
|
|
|
|||