- Юй кюйдю да, кюйюз чыкъды, ортасындан тюйюш чыкъды.
- Адам къаллай бир ишленмесе, аллай бир кесин уллу кёреди.
- Аджалсыз ёлюм болмаз.
- Джюз элде джюз ёгюзюм болгъандан эсе, джюз джууугъум болсун.
- Окъуусуз билим – джокъ, билимсиз кюнюнг – джокъ.
- Джылар джаш, атасыны сакъалы бла ойнар.
- Адамны аманы адамны бети бла ойнар.
- Къан бла кирген, джан бла чыгъар.
- Иги джашны ышаны – аз сёлешиб, кёб тынгылар.
- Къонакъ аз олтурур, кёб сынар.
- Ауругъанны сау билмез, ач къарынны токъ билмез.
- Уллу къазанда бишген эт, чий къалмаз.
- Сютден ауузу кюйген, суугъа юфгюре эди.
- Танг атмайма десе да, кюн къоярыкъ тюйюлдю.
- Тойгъандан сора, ашны сёкме.
- Тилчиден кери бол.
- Кирсизни – саны таза, халалны – къаны таза.
- Келгинчи, къонакъ уялыр, келгенден сора, къонакъбай уялыр.
- Ачлыкъ отха секиртир.
- Эл элде бирер малынг болгъандан эсе, бирер тенгинг болсун.
- Биреуге аманлыкъны тилеме да, кесинге ашхылыкъны тиле.
- Телиге акъыл салгъандан эсе, ёлгеннге джан салырса.
- От этилмеген джерден тютюн чыкъмайды.
- Ата Джуртуму башы болмасам да, босагъасында ташы болайым.
- Ойнай билмеген, уруб къачар.
- Къолу уллу – асыу, аягъы уллу – джарсыу.
- Кюл тюбюндеги от кёрюнмейди.
- Чомартха хар кюн да байрамды.
- Акъыллы эркиши атын махтар, акъылсыз эркиши къатынын махтар.
- Тилде сюек болмаса да, сюек сындырыр.
- Огъурлуну сёзю – суу, огъурсузну сёзю – уу.
- Кёб джашагъан – кёб билир.
- «Ма», - дегенни билмесенг, «бер», - дегенни билмезсе.
- Сёз къанатсыз учар.
- Ашхы тенг джолгъа салыр, аман тенг джолдан тайдырыр.
- Кенгеш болса, уруш болмаз.
- Чарсда алчыны эл кёреди.
- Ишленмеген джаш – джюгенсиз ат, ишленмеген къыз – тузсуз хант.
- Ичимден чыкъды хата, къайры барайым сата?
- Къарнынг тойгъунчу аша да, белинг талгъынчы ишле.
- Джашлыкъ этмеген, башлыкъ этмез.
- Кёл ашады да, кеси ашады.
- Ётюрюк хапар аякъ тюбю бла джюрюйдю.
- Кесине оноу эте билмеген, халкъына да эте билмез.
- Окъумагъан сокъурду, сокъур ташха абыныр!
- Билеги кючлю, бирни джыгъар, билими кючлю, мингни джыгъар.
- Ёгюзню мюйюзюнден тутадыла, адамны сёзюнден тутадыла.
- Кёлсюзден сёзсюз тууар.
- Адебни адебсизден юрен.
- Ургъан суудан башынгы сакъла.
Профиль
|
|
|
|||