- Атадан ёксюз – бир ёксюз, анадан ёксюз – эки ёксюз.
- Аз сёлешген, къайгъысыз турур.
- Адамны артындан къара сабан сюрме.
- Адеб джокъда, намыс джокъ.
- Эл ауузу – элек, анга ийнаннган – халек.
- Сёз садакъдан кючлюдю.
- Эр абынмай, эл танымаз.
- Къолунгдан къуймакъ ашатсанг да, атаны борчундан къутулмазса.
- Джыгъылгъанны сырты джерден тоймаз.
- Къатыны харакетли болса, эри къымсыз болур.
- Чакъырылмагъан къонакъ къачан кетерин сормаз.
- Ёксюзню тилеги къабыл болур.
- Къартны сыйын кёрмеген, къартлыгъында сыйлы болмаз.
- Ашхы тенг джолгъа салыр, аман тенг джолдан тайдырыр.
- Таякъ этден ётер, тил сюекден ётер.
- Джылкъыдан – ат чыгъар, тукъумдан – джаш чыгъар.
- Экиндини кеч къылсанг, чабыб джетер ашхам.
- Тёрде – темир таякълы, къаяда – чыпчыкъ аякълы.
- Илму – джашауну джолу.
- Кюн кёрмеген, кюн кёрсе, кюндюз чыракъ джандырыр.
- Башынга джетмегенни сорма.
- Эринчекни аурууу – кёб.
- Джюз элде джюз ёгюзюм болгъандан эсе, джюз джууугъум болсун.
- Чакъырылмагъан къонакъ тёрге атламаз.
- Ёгюзню мюйюзлери ауурлукъ этмейдиле.
- Акъыллы – эл иеси, тели – эл баласы.
- Ариу сёзде ауруу джокъ.
- Ишни ахырын ойламай, аллын башлама.
- Джол бла сёзню къыйыры джокъ.
- Юй кюйдю да, кюйюз чыкъды, ортасындан тюйюш чыкъды.
- Аман киши кеси юйюнде – къонакъ.
- Къыйынлы джети элни къайгъысын этер.
- Къуру гыбыт бек дыгъырдар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къызгъанчдан ычхыныр, мухардан ычхынмаз.
- Ачны эсинде – аш.
- Джаным-тиним – окъуу, билим.
- Гырджын – тепсини тамадасы.
- Бастасын ашагъан, хантусун да ичер.
- Тик ёргени, тик энгишгеси да болады.
- Айран ичген – къутулду, джугъусун джалагъан – тутулду.
- Чомарт джарлы болмаз.
- Сютню башын джалагъан къутулур, тюбюн ичген тутулур.
- Къозулугъунда тоймагъан, къойлугъунда тоймаз.
- Халкъны джырын джырласанг, халкъ санга эжиу этер.
- Тамырсыз терекге таянма – джыгъылырса.
- Зар адам ашынгы ашар, кесинги сатар.
- Кёлсюзден сёзсюз тууар.
- Керти сёзге тёре джокъ.
- Къазанны башы ачыкъ болса, итге уят керекди.
Профиль
|
|
|
|||