Эльбрусоид :: Форум

Ётюрюк хапар аякъ тюбю бла джюрюйдю.
Къарт айтханны этмеген, къартаймаз.
Чомарт къонакъ юй иесин сыйлар.
Къалгъан ишге къар джауар.
Тюкюрюк баш джармаз, налат кёз чыгъармаз!
Болджал ишни бёрю ашар.
Тил – кесген бычакъ, сёз – атылгъан окъ.
Сибиртки да сыйлы болду, кюрек да кюнлю болду.
Ётюрюкню башын керти кесер.
От кюйдюрген, сау болса да, тот кюйдюрген, сау болмаз.
Айран ичген – къутулду, джугъусун джалагъан – тутулду.
Окъугъан озар, окъумагъан тозар.
Джюз элде джюз ёгюзюм болгъандан эсе, джюз джууугъум болсун.
Нёгер болсанг, тенг бол, тенг болмасанг, кенг бол.
Къартны сыйын кёрмеген, къартлыгъында сыйлы болмаз.
Ёлмесенг да, къарт дамы болмазса?
Къозулугъунда тоймагъан, къойлугъунда тоймаз.
Чёбню кёлтюрсенг, тюбюнден сёз чыгъар.
Кийимни бир кюнню аясанг, минг кюннге джарар.
Дуния аламаты сен эсенг да, игиме деб айтма.
Асхат ашлыкъ сата, юйдегиси ачдан къата.
Аман къатын алгъан, арыр, иги къатын алгъан джарыр.
Насыблы элин сюер, насыбсыз кесин сюер.
Ёлген эшек бёрюден къоркъмайды.
Кёбден умут этиб, аздан къуру къалма.
Айтхан сёзюне табылгъан.
Экиндини кеч къылсанг, чабыб джетер ашхам.
Кийимни бичсенг, кенг бич, тар этген къыйын тюлдю.
Таукел къуру къалмаз.
Эл тойса, тоймагъан, эл къойса, къоймагъан.
Эли джокъну – кёлю джокъ.
Айтылгъан сёз ызына къайтмаз.
Ишин билген, аны сыйын чыгъарады.
Тау башында, тау болмаз, джангыз терек, бау болмаз.
Къуллукъчума, деб махтанма, къуллукъ – хаух джамчыды!
Кёбню кёрген – кёб билир.
Акъыл аздырмаз, билим тоздурмаз.
Тёзгеннге, джабылгъан эшик ачылыр.
Орну джокъну – сыйы джокъ.
Къартны бурнун сюрт да, оноугъа тут.
Шайтан алдады, тюзлюк къаргъады.
Ичимден чыкъды хата, къайры барайым сата?
Кюл тюбюндеги от кёрюнмейди.
Сагъыш – къартлыкъгъа сюйюмчю.
Зарда марда джокъ.
Хар зат кесини орнуна иги.
Насыб бютеу халкъны юлюшюдю.
Окъумагъан сокъурду, сокъур ташха абыныр!
Шекер бла туз – бир болмаз, ушамагъан – юй болмаз.
Байлыкъ келсе, акъыл кетер.

Логин:
Пароль:
	Запомнить меня на этом компьютере

Забыли свой пароль?
Регистрация