- Биреуню эскиси биреуге джангы болмайды.
- Чомарт джарлы болмаз.
- Къатыны харакетли болса, эри къымсыз болур.
- Джашынгы кесинг юретмесенг, джашау юретир.
- Дуния аламаты сен эсенг да, игиме деб айтма.
- Ургъан суудан башынгы сакъла.
- Ёнгкюч къууана барыр, джылай келир.
- Биреуге кёлтюрген таягъынг, кесинги башынга урур.
- Ишлемеген – тишлемез.
- Акъыллы – эл иеси, тели – эл баласы.
- Къарын къуру болса, джюрек уру болур.
- Этни да ашады, бетни да ашады.
- Къонакъ аз олтурур, кёб сынар.
- Таукел къуру къалмаз.
- Хар адамгъа кеси миннген тау кибик.
- Таула не мийик болсала да, аууш табылыр.
- Ариу джол аджал келтирмез.
- Байдан умут эте, джарлыдан ёгюз багъасы къорады.
- Къарт бла баш аша, джаш бла аякъ аша.
- Айран тёгюлсе, джугъусу къалыр.
- Кюл тюбюндеги от кёрюнмейди.
- Игиге айтсанг – билир, аманнга айтсанг – кюлюр.
- Ёмюрлюк шохлукъну джел элтмез.
- Ачны эсинде – аш.
- Эркишини аманы тиширыуну джылатыр.
- Ашарыкъда сайлагъаннга – чий гырджын.
- Джеринден айырылгъан – джети джылар, джуртундан айырылгъан – ёлгюнчю джылар.
- Биреуню къыйынлыгъы бла кесинге джол ишлеме.
- Мен да «сен», дейме, сен да «кесим», дейсе.
- Байлыкъ болгъан джерде, тынчлыкъ джокъду.
- Халкъны джырын джырласанг, халкъ санга эжиу этер.
- Джарлы тюеге минсе да, ит къабар.
- Аман эсирсе, юйюн ояр.
- Эшекге миннген – биринчи айыб, андан джыгъылгъан – экинчи айыб.
- Алим болгъандан эсе, адам болгъан къыйынды.
- Иги болса, тамадама – махтау, аман болса, меннге – айыб.
- Къарнынг къанлынга кийирир.
- Хоншуну тауугъу къаз кёрюнюр, келини къыз кёрюнюр.
- Айтхан сёзюне табылгъан.
- Сибиртки да сыйлы болду, кюрек да кюнлю болду.
- Эл ауузу – элия.
- Чомарт къонакъ юй иесин сыйлар.
- Минг тенг да азды, бир джау да кёбдю.
- Аман адамны тепсинге олтуртсанг, къызынгы тилер.
- Иги адам абынса да, джангылмаз.
- Ашхы сёз таш тешер.
- Къызгъанчдан ычхыныр, мухардан ычхынмаз.
- Бети къызарыучу адамны, джюреги харам болмаз.
- Чыкълы кюнде чыкъмагъан, чыкъса къуру кирмеген.
- Джашны джигитлиги сорулур, къызны джигерлиги сорулур.
Профиль
|
|
|
|||