- Акъдан къара болмаз.
- Тау башында, тау болмаз, джангыз терек, бау болмаз.
- Джан саулукъ бермей, сан саулукъ бермезсе.
- Онгсузну – джакъла, тенгликни – сакъла.
- Къумурсхала джыйылсала, пилни да джыгъадыла.
- Аз сёлеш, кёб ишле.
- Адебни адебсизден юрен.
- Мадар болса, къадар болур.
- Аурууну келиую тынч, кетиую – къыйын.
- Кёзню ачылгъаны – иги, ауузну джабылгъаны – иги.
- Уллу атлама – абынырса, уллу къабма – къарылырса.
- Аман адамны тепсинге олтуртсанг, къызынгы тилер.
- Азыкъ аз болса, эртде орун сал.
- Мал ёлсе, сюек къалыр, адам ёлсе, иши къалыр.
- Ач – эснер, ат – кишнер.
- Ёлген аслан – сау чычхан.
- Къанны къан бла джуума, аманны аман бла къуума.
- Ата Джуртуму башы болмасам да, босагъасында ташы болайым.
- Къыйынлы джети элге оноу этер.
- Сагъыш – къартлыкъгъа сюйюмчю.
- Ач къарынны, токъ билмез
- Бетинги сатма, малынгы сат.
- Акъыллы – эл иеси, тели – эл баласы.
- Мухарны эси – ашарыкъда.
- Ётюрюк хапар аякъ тюбю бла джюрюйдю.
- Ана – юйню кюн джарыгъы.
- Кёлю джокъну – джолу джокъ.
- Орну джокъну – сыйы джокъ.
- Миллетни бойну – базыкъ, аны бла кюрешген – джазыкъ.
- Мухардан ач ычхынмаз.
- Тилчи бир сагъатха айлыкъ хата этер.
- Аман киши кеси юйюнде – къонакъ.
- Башы джабылгъан челекге, кир тюшмез.
- Кийиминг бла танылма, адамлыкъ бла таныл.
- Накъырда – кертини келечиси.
- Акъыллы эркиши атын махтар, акъылсыз эркиши къатынын махтар.
- Кюл тюбюндеги от кёрюнмейди.
- Оюмсуз атлагъан, аджалсыз ёлюр.
- Джырчы ёлсе, джыры къалыр.
- Чомартха хар кюн да байрамды.
- Чомартны къолу берекет.
- Мухар, кеси тойса да, кёзю тоймаз.
- Хар ишни да аллы къыйынды.
- Къайгъыны сюйген, къайгъы табар.
- Эшекге миннген – биринчи айыб, андан джыгъылгъан – экинчи айыб.
- Эринчекни аурууу – кёб.
- Ханнга да келеди хариблик.
- Ёзденликни джайгъан – джокълукъ.
- Сютден ауузу кюйген, суугъа юфгюре эди.
- Мал кёб болса, джууукъ кёб болур.
Профиль
|
|
|
|||