Эльбрусоид :: Форум

Мадар болса, къадар болур.
Эл ауузу – элек, анга ийнаннган – халек.
Чыбыкълыкъда бюгюлмеген, къазыкълыкъда бюгюлмей эди.
Тюз сёз баргъан сууну тыяр.
Аллахдан тилесенг, кёб тиле.
Суугъа – таянма, джаугъа – ийнанма.
Намысы болмагъанны, сыйы болмаз.
Кёлсюзден сёзсюз тууар.
Аджаллыгъа окъсуз шкок атылыр.
Адамны аманы адамны бети бла ойнар.
Къонакъ аз олтурур, кёб сынар.
Айран тёгюлсе, джугъусу къалыр.
Ачыкъ джюрекге джол – ачыкъ.
Ётюрюкден тюбю джокъ, кёлтюрюрге джиби джокъ.
Ариу сёз – джаннга азыкъ, аман сёз – башха къазыкъ.
Эл ауузу – элия.
Игилик игилик бла сингдирилиучю затды.
Кюн кёрмеген, кюн кёрсе, кюндюз чыракъ джандырыр.
Атлыны ашхысы, ат тизгининден билинир
Ачлыкъ отха секиртир.
Ариу сёз аурууунгу алыр.
Сагъыш – къартлыкъгъа сюйюмчю.
Дуния малгъа сатылма, кесингден телиге къатылма.
Адам бла мюлк юлешмеген эсенг, ол адамны билиб бошагъанма, деб кесинги алдама.
Къонагъы джокъну – шоху джокъ.
Тёрдеги кюлсе, эшикдеги ышарыр.
Башланнган иш битер, къымылдагъан тиш тюшер.
Къарнынг къанлынга кийирир.
Окъ къызбайны джокълайды.
Айыбны суу бла джууалмазса.
Онгсузну – джакъла, тенгликни – сакъла.
Нарт сёз къарт болмаз.
Окъуу – билимни ачхычы, окъуу – дунияны бачхычы.
Таула не мийик болсала да, аууш табылыр.
Тилсиз миллет джокъ болур.
Туз, гырджын аша, тюзлюк бла джаша.
Акъыллы эркиши атын махтар, акъылсыз эркиши къатынын махтар.
Чарсда алчыны эл кёреди.
Аманнга да, игиге да оноусуз къатышма.
Шапа кёб болса, аш татымсыз болур.
Ашатыргъа иш – ашхы, ишлетирге аш – ашхы.
Билими азны – ауузунда кирит.
Намысы джокъну – дуниясы джокъ.
Ата Джуртун танымагъан, атасын да танымаз.
Акъыл бла адеб эгизледиле.
Байны оноуу, джарлыгъа джарамаз.
Абынмазлыкъ аякъ джокъ, джангылмазлыкъ джаякъ джокъ.
Ашлыкъны арба юйге келтирир, чана базаргъа элтир.
Адам къыйынлыгъын кёлтюрюр, зауукълугъун кёлтюрмез.
Тели турса – той бузар.

Логин:
Пароль:
	Запомнить меня на этом компьютере

Забыли свой пароль?
Регистрация