- Ач отунчуну ачыуу – бурнунда.
- Джаз бир кюнню джатсанг, къыш талай кюнню абынырса.
- Кюн кёрмеген, кюн кёрсе, кюндюз чыракъ джандырыр.
- Ишге юренсин къоллары, халкъ бла болсун джоллары.
- Аджашхан тёгерек айланыр.
- Чомарт къолда мал къалмаз.
- Суугъа – таянма, джаугъа – ийнанма.
- Тешик этген тынчды, аны джамагъан къыйынды.
- Аманнга да, игиге да оноусуз къатышма.
- Урама да – ёледи, сатама да – келеди.
- Агъач – джерни чырайы, кийим – эрни чырайы.
- Тау башында, тау болмаз, джангыз терек, бау болмаз.
- Айныгъанлы алты кюн, тогъайгъанлы тогъуз кюн.
- Ачылгъан эт джабылыр, кёрген кёз унутмаз.
- Джиби бир къат джетмей эди да, эки къат тарта эди.
- Малны кют, джерни тюрт.
- Тулпарлыкъ, билекден тюл – джюрекден.
- Эм уллу байлыкъ – джан саулукъ.
- Бермеген къол, алмайды.
- Тюзню ётмеги тюзде къалса да, тас болмаз.
- Адеб этмеген, адеб кёрмез.
- Биреу ашаб къутулур, биреу джалаб тутулур.
- Ишни аллы бла къууанма да, арты бла къууан.
- Окъуу – билимни ачхычы, окъуу – дунияны бачхычы.
- Кёз – сюйген джерде, къол – ауругъан джерде.
- Уллу суу бла уллу ауруудан башынгы сакъла.
- Дуния малгъа сатылма, кесингден телиге къатылма.
- Ким бла джюрюсенг, аны кёзю бла кёрюнюрсе.
- Тили узунну, намысы – къысха.
- Ауругъаннга – кийик саулукъ, джетген къызгъа – чилле джаулукъ.
- Адамны сыфатына къарама, сёзюне къара.
- Уясында не кёрсе, учханында аны этер.
- Ёзденликни джайгъан – джокълукъ.
- Сёз садакъдан кючлюдю.
- Уллу сёлешме да, уллу къаб.
- Аманны эки битли тону болур, бирин сеннге кийдирир, бирин кеси киер.
- Термилгенинги табмазса, кюлгенинге тюберсе.
- Тамбла алтындан бюгюн багъыр ашхы.
- Ёлюк кебинсиз къалмаз.
- Ачыкъ джюрекге джол – ачыкъ.
- Джюрек кёзден алгъа кёрюр.
- Чёбню кёлтюрсенг, тюбюнден сёз чыгъар.
- Кёб ант этген, кёб ётюрюк айтыр.
- Мухар, кеси тойса да, кёзю тоймаз.
- Ариу сёз джыланны орнундан чыгъарыр.
- Ышармагъан – кюлмез, кюлмеген – къууанчны билмез.
- Айтылгъан сёз ызына къайтмаз.
- Тай асырагъан, атха минер.
- Эки къатын алгъан – эки ташны ортасына башын салгъан.
- Къулакъдан эсе, кёзге ышан.
Профиль
|
Uzdenchik
 Эльбрусоид
Cообщений: 84
Баллов: 67
Регистрация: 29.12.2013
Последний визит: 27.06.2014 02:21:26
|
|
||||||
|
|
|
||||||