Эльбрусоид :: Форум

Кёпюр салгъан кеси ётер, уру къазгъан кеси кетер.
Къарт болгъан джерде, берекет болур, сабий болгъан джерде, оюн болур.
Ауругъанны сау билмез, ач къарынны токъ билмез.
Кесине оноу эте билмеген, халкъына да эте билмез.
Къартны сыйын кёрмеген, къартлыгъында сыйлы болмаз.
Ач да бол, токъ да бол – намысынга бек бол.
Аман къатын сабий табса, бий болур…
Сакъ юйюне сау барыр.
Байны оноуу, джарлыгъа джарамаз.
Эркишини аманы тиширыуну джылатыр.
Джумушакъ терекни къурт ашар.
Танг атмайма десе да, кюн къоярыкъ тюйюлдю.
Джахил болса анасы, не билликди баласы?
Бир онгсуз адам адет чыгъарды, деб эштирик тюлсе.
Экеулен сёлеше тура эселе, орталарына барыб кирме.
Иги джашны ышаны – аз сёлешиб, кёб тынгылар.
Хар ишни да аллы къыйынды.
Къозулугъунда тоймагъан, къойлугъунда тоймаз.
Ышармагъан – кюлмез, кюлмеген – къууанчны билмез.
Адамны адамлыгъы къыйынлыкъда айгъакъланады.
Рысхысына кёре, джаш ёсер, къышлыгъына кёре, мал ёсер.
Эм уллу байлыкъ – джан саулукъ.
Джети тилни билген джети кишиди.
Чакъырылмагъан джерге барма, чакъырылгъан джерден къалма.
Ашда – бёрю, ишде – ёлю.
Намысы джокъну – дуниясы джокъ.
Телиге акъыл салгъандан эсе, ёлгеннге джан салырса.
Борчунг бар эсе, хурджунунга ойлаб узал.
Босагъагъа джууукъ орун болса, ашыгъыб тёрге озма.
Ичимден чыкъды хата, къайры барайым сата?
Ашхы атаны – джашы ашхы, ашхы ананы – къызы ашхы.
Бичгенде ашыкъма, тикгенде ашыкъ.
Шапа кёб болса, аш татымсыз болур.
Билген билмегенни юретген адетди.
Ач уят къоймаз.
Тай асырагъан, атха минер.
Керилген да, ургъан кибикди.
Аманнга алтын чыдамаз.
Накъырда – кертини келечиси.
Ишлегенде эринме, ишде чолакъ кёрюнме.
Джарлыны тону джаз битер.
Иесиз малны бёрю ашар.
Башынга джетмегенни сорма.
Эки ойлашыб, бир сёлешген.
Къарыусузгъа кюлме, онгсузгъа тийме.
Аман адам этегингден тутса, кес да къач.
Къарнынг къанлынга кийирир.
Ёлюк кебинсиз къалмаз.
Ат басханны джер билед.
Арбаз сайлама да, хоншу сайла.

Логин:
Пароль:
	Запомнить меня на этом компьютере

Забыли свой пароль?
Регистрация