- Бети – къучакълар, джюреги – бычакълар.
- Адам сёзге тынгыла, акъыл сёзню ангыла.
- Ачыу алгъа келсе, акъыл артха къалады.
- Тилчи бир сагъатха айлыкъ хата этер.
- Ашхылыкъ джерде джатмайды, аманлыкъ суугъа батмайды.
- Акъыл къартда, джашда тюйюлдю – башдады.
- Адам сёзюнден белгили.
- Кёз – сюйген джерде, къол – ауругъан джерде.
- Насыб бютеу халкъны юлюшюдю.
- Бойнуму джети джерден кессенг да, мен ол ишни этеллик тюлме.
- Кийимни бир кюнню аясанг, минг кюннге джарар.
- Адамны артындан къара сабан сюрме.
- Терек ауса, отунчу – кёб.
- Билмезни кёзю кёрмез, этмезни къулагъы эшитмез.
- Ётген ёмюр – акъгъан суу.
- Эркиши – от, тиширыу – суу.
- Къуру гыбыт бек дыгъырдар.
- Суугъа – чабакъ, къаягъа – ыргъакъ.
- Тилчи тилден къаныкъмаз.
- Бетинги сатма, малынгы сат.
- Джетген къыз джерли эшекни танымаз.
- Тенги кёбню джау алмаз, акъылы кёбню дау алмаз.
- Айранын берсенг, челегин да къызгъанма.
- Байлыкъ адамны сокъур этер.
- Сангырау къулакъ эл бузар.
- Аманны эки битли тону болур, бирин сеннге кийдирир, бирин кеси киер.
- Иги болса, тамадама – махтау, аман болса, меннге – айыб.
- Эл элде бирер малынг болгъандан эсе, бирер тенгинг болсун.
- Уллу сёлешме да, уллу къаб.
- Къазанчы аман болса, къазаны къайнамаз.
- Ашхы – джыяр, аман – джояр.
- Шайтан алдады, тюзлюк къаргъады.
- Ариу сёз – джаннга азыкъ, аман сёз – башха къазыкъ.
- Аман къатын сабий табса, бий болур…
- Джарлыны эшигин махтагъан джабар.
- Бети къызарыучу адамны, джюреги харам болмаз.
- Айтылгъан буйрукъ, сёгюлмез
- Юйюнгден чыкъдынг – кюнюнгден чыкъдынг.
- Тура эдим джата, къайдан чыкъды хата?
- Кийим тукъум сордурур.
- Ач бёрюге мекям джокъ.
- Адам туугъан джеринде, ит тойгъан джеринде.
- Тойгъанлыкъ къойгъа джарашады.
- Джырына кёре эжиую.
- Игини сыйлагъан адетди.
- Хар адамгъа кеси миннген тау кибик.
- Къулакъдан эсе, кёзге ышан.
- Аз сёлешген, къайгъысыз турур.
- Чомартны къолу берекет.
- Чарсда алчыны эл кёреди.
Профиль
|
|
|
|||