Эльбрусоид :: Форум

Эр абынмай, эл танымаз.
Ашхы атаны – джашы ашхы, ашхы ананы – къызы ашхы.
Сыфатында болмагъаны, суратында болмаз.
Адамны бетине къарама, адетине къара.
Къарын къуру болса, джюрек уру болур.
Акъыл неден да кючлюдю.
Ариу сёз – къылычдан джити.
Тамырсыз терекге таянма – джыгъылырса.
Кесинге джетмегенни, кёб сёлешме.
Ат да турмайды бир териде.
Мухар, кеси тойса да, кёзю тоймаз.
Кенгеш болса, уруш болмаз.
Аш иеси бла татлыды.
Къыйынлы джети элни къайгъысын этер.
Миллетни бойну – базыкъ, аны бла кюрешген – джазыкъ.
Ана къолу ачытмаз.
Ёлмесенг да, къарт дамы болмазса?
Айырылмаз джууугъунга, унутмаз сёзню айтма.
Алма терегинден кери кетмез.
Ата – билек, ана – джюрек!
Татлы сёз – балдан татлы.
Бозаны арты дауур болур.
Ётюрюкчюню шагъаты – къатында.
Дууулдаса – бал чибин, къонса – къара чибин.
Халкъны джырын джырласанг, халкъ санга эжиу этер.
Айран ичген – къутулду, джугъусун джалагъан – тутулду.
Джеринден айырылгъан – джети джылар, джуртундан айырылгъан – ёлгюнчю джылар.
Телиге акъыл салгъандан эсе, ёлгеннге джан салырса.
Шайтан алдады, тюзлюк къаргъады.
Тенги кёбню джау алмаз, акъылы кёбню дау алмаз.
Къар – келтирди, суу – элтди.
Ач уят къоймаз.
Арба аугъандан сора, джол кёргюзтюучю кёб болур.
Керек ташны ауурлугъу джокъ.
Урама да – ёледи, сатама да – келеди.
Абынмазлыкъ аякъ джокъ, джангылмазлыкъ джаякъ джокъ.
Таукел къуру къалмаз.
Бастасын ашагъан, хантусун да ичер.
Ашына кёре табагъы, балына кёре къалагъы.
Суугъа – чабакъ, къаягъа – ыргъакъ.
Къартны сыйын кёрмеген, къартлыгъында сыйлы болмаз.
Мал кёб болса, джууукъ кёб болур.
Ачлыкъда тары гырджын халыуадан татлы.
Аманнга алтын чыдамаз.
Аман къатын сабий табса, бий болур…
Ишленмеклик адамлыкъды.
Тёрдеги кюлсе, эшикдеги ышарыр.
Таула не мийик болсала да, аууш табылыр.
Бал – татлы, балдан да бала – татлы.
Тенгни тенглиги джашай барсанг билинир.

Логин:
Пароль:
	Запомнить меня на этом компьютере

Забыли свой пароль?
Регистрация