Эльбрусоид :: Форум

Эл тойса, тоймагъан, эл къойса, къоймагъан.
Шайтан алдады, тюзлюк къаргъады.
Эки ойлашыб, бир сёлешген.
Ишлерге уял да, ашаргъа табма.
Аман адамны тепсинге олтуртсанг, къызынгы тилер.
Къызын тута билмеген, тул этер, джашын тута билмеген, къул этер.
Сабий кёргенин унутмаз.
Адам боллукъ, атламындан белгили болур.
Кёл ашады да, кеси ашады.
Джахил болса анасы, не билликди баласы?
Айтханы чапыракъдан ётмеген.
Зарда марда джокъ.
Байлыкъдан саулукъ ашхыды.
Игиге айтсанг – билир, аманнга айтсанг – кюлюр.
Юйюнгден чыкъдынг – кюнюнгден чыкъдынг.
Окъдан джара эртде-кеч болса да бителир, сёз джара, ёмюрге къалыр.
Эркишини аманы тиширыуну джылатыр.
Адамны джюреги нени кёрюрге сюйсе, кёзю да аны кёрюрге ёч болады.
Джюрек кёзден алгъа кёрюр.
Тилде сюек болмаса да, сюек сындырыр.
Тура эдим джата, къайдан чыкъды хата?
Эли джокъну – кёлю джокъ.
Чакъырылмагъан джерге барма, чакъырылгъан джерден къалма.
Ёлген аслан – сау чычхан.
Джылкъыдан – ат чыгъар, тукъумдан – джаш чыгъар.
Бал чибинни ургъаны – ачы, балы – татлы.
Кютгени беш эчки, сызгъыргъаны уа, джерни джарады.
Адам бла мюлк юлешмеген эсенг, ол адамны билиб бошагъанма, деб кесинги алдама.
Къозулугъунда тоймагъан, къойлугъунда тоймаз.
Туз, гырджын аша, тюзлюк бла джаша.
Хансыз джомакъ болмаз.
Ариу сёз джыланны орнундан чыгъарыр.
Ашда уялгъан – мухар, ишде уялгъан – хомух.
Кёзю сокъурдан – къоркъма, кёлю сокъурдан – къоркъ.
Насыблы элин сюер, насыбсыз кесин сюер.
Чомартха хар кюн да байрамды.
Борчунг бар эсе, хурджунунга ойлаб узал.
Сескекли кесин билдирир.
Намысы джокъну – дуниясы джокъ.
Ышармагъан – кюлмез, кюлмеген – къууанчны билмез.
Ётген ёмюр – акъгъан суу.
Джумушакъ терекни къурт ашар.
Сабийни джумушха джибер да, ызындан бар.
Ауурну тюбю бла, дженгилни башы бла джюрюген.
Бастасын ашагъан, хантусун да ичер.
Дуния мал дунияда къалады.
Джарлы джети элни сёзюн этер.
Урама да – ёледи, сатама да – келеди.
Сыфатында болмагъаны, суратында болмаз.
Ойнаб айтсанг да, эслеб айт.

Логин:
Пароль:
	Запомнить меня на этом компьютере

Забыли свой пароль?
Регистрация