- Къумурсхала джыйылсала, пилни да джыгъадыла.
- Эски джаугъа ышанма.
- Джылар джаш, атасыны сакъалы бла ойнар.
- Ышармагъан – кюлмез, кюлмеген – къууанчны билмез.
- Къонакъ хазыр болгъанлыкъгъа, къонакъбай хазыр тюлдю.
- Алма терегинден кери кетмез.
- Бир абыннган – минг сюрюнюр.
- Къонакъ болсанг, ийнакъ бол.
- Джарлыны эшигин махтагъан джабар.
- Игини сыйлагъан адетди.
- Адам къаллай бир ишленмесе, аллай бир кесин уллу кёреди.
- Бастасын ашагъан, хантусун да ичер.
- Айран тёгюлсе, джугъусу къалыр.
- Ариу сёзде ауруу джокъ.
- Кёзден кетген, кёлден да кетеди.
- Билмейме деген – бир сёз
- Чомарт бергенин айтмаз.
- Эрни эр этерик да, къара джер этерик да, тиширыуду.
- Джылыгъа джылан илешир.
- Тилчи тилден къаныкъмаз.
- Эллинг бла джау болсанг да, юйюнг бла джау болма.
- Билимли ёлмез, билимсиз кёрмез.
- Хар ишни да аллы къыйынды.
- Ишни ахырын ойламай, аллын башлама.
- Сангырау къулакъ эл бузар.
- Джерни букъусу кёкге къонмаз.
- Берекет берсин деген джерде, берекет болур.
- Хар сёзню орну барды.
- Агъач халкъгъа алтынды, иссиликге салкъынды.
- Сормай – алма, чакъырылмай – барма.
- Ётюрюк хапар аякъ тюбю бла джюрюйдю.
- Билмезни кёзю кёрмез, этмезни къулагъы эшитмез.
- Юй кюйдю да, кюйюз чыкъды, ортасындан тюйюш чыкъды.
- Аш кетер да бет къалыр.
- Къолу уллу – асыу, аягъы уллу – джарсыу.
- Ачны эсинде – аш.
- Халкъны юйю – туугъан джери.
- Къоркъакъны кёзю экили кёрюр.
- Айырылмаз джууугъунга, унутмаз сёзню айтма.
- Эки итни арасына сюек атма, эки адамны арасында сёз чыгъарма.
- Накъырда – кертини келечиси.
- Магъанасыз сёз – тауушсуз сыбызгъы.
- Джарашыу сюйген – джалынчакъ.
- Билмегенинги, билгеннге сор.
- Джыланны къуйругъундан басарынг келсе, аны башы болгъанын унутма.
- Ач къалгъандан, кеч къалгъан къолай.
- Тойгъандан сора, ашны сёкме.
- Ойнай билмеген, оюн бузар.
- Ёнгкюч къууана барыр, джылай келир.
- Джогъун бар этген, барын бал этген.
Профиль
|
|
|
|||