- Джашынгы кесинг юретмесенг, джашау юретир.
- Ач отунчуну ачыуу – бурнунда.
- Ётюрюкню башын керти кесер.
- Ауругъан – джашаудан умутчу.
- Акъыллы башны – тили къысха.
- Мал кёб болса, джууукъ кёб болур.
- Чыбыкълыкъда бюгюлмеген, къазыкълыкъда бюгюлмей эди.
- Аманнга алтын чыдамаз.
- Кёзню ачылгъаны – иги, ауузну джабылгъаны – иги.
- Ёмюрлюк шохлукъну джел элтмез.
- Келинни – келгинчи, бёркню кийгинчи кёр.
- Джаным-тиним – окъуу, билим.
- Ёксюзню къалачы уллу кёрюнюр.
- Ачыкъ джюрекге джол – ачыкъ.
- Мухардан ач ычхынмаз.
- Айран тёгюлсе, джугъусу къалыр.
- Хоншуну тауугъу къаз кёрюнюр, келини къыз кёрюнюр.
- Аз айтсам, кёб ангылагъыз.
- Кирсизни – саны таза, халалны – къаны таза.
- Джаханимни кёрмей, джандетге кёл салмазса.
- Аш берме да, къаш бер.
- Тили узунну, намысы – къысха.
- Дженгил джетерикме деб, узун джолну къоюб, къысхасын барма.
- Мал тутхан – май джалар.
- Чомарт джарлы болмаз.
- Тели турса – той бузар.
- Айранны сюйген, ийнек тутар.
- Тамырсыз терекге таянма – джыгъылырса.
- Къарт бла баш аша, джаш бла аякъ аша.
- Окъуусуз билим – джокъ, билимсиз кюнюнг – джокъ.
- Чакъырылмагъан къонакъ къачан кетерин сормаз.
- Тамчы таш тешер.
- Билим – акъылны чырагъы.
- Къызын тута билмеген, тул этер, джашын тута билмеген, къул этер.
- Арбаз сайлама да, хоншу сайла.
- Адам туугъан джеринде, ит тойгъан джеринде.
- Ат да турмайды бир териде.
- Ётюрюк хапар аякъ тюбю бла джюрюйдю.
- Сютню башын джалагъан къутулур, тюбюн ичген тутулур.
- Билгенни къолу къарны джандырыр.
- Джарлы эскисин джамаса, къууаныр.
- Юйюнг бла джау болгъандан эсе, элинг бла джау бол.
- Джигер – джаннга къыйынлыкъ.
- Халкъны юйю – туугъан джери.
- Аманнга игилик этсенг, юйюнге сау бармазса.
- Ана – юйню кюн джарыгъы.
- Кёкдеги болмаса, джердегин кёрмейди.
- Тилчи бир сагъатха айлыкъ хата этер.
- Магъанасыз сёз – тауушсуз сыбызгъы.
- Кечеси – аяз, кюню – къыш, джарлы къаргъагъа бир аш тюш!
Профиль
|
|
|
|||