- Кёбге таш атма.
- Аман эсирсе, юйюн ояр.
- Болджал ишни бёрю ашар.
- Джарлы джети элни сёзюн этер.
- Тулпарлыкъ, билекден тюл – джюрекден.
- Байлыкъ адамны сокъур этер.
- Аджал соруб келмез, келсе, къайтыб кетмез.
- Нафысынгы айтханын этме, намысынгы айтханын эт.
- Алим болгъандан эсе, адам болгъан къыйынды.
- Башланнган иш битер, къымылдагъан тиш тюшер.
- Атлыны кёрсе, джаяуну буту талыр.
- Хантына кёре тузу, юйюне кёре къызы.
- Акъыл аздырмаз, билим тоздурмаз.
- Кёлю джокъну – джолу джокъ.
- Юйлю уругъа ит чабмаз.
- Джолунга кёре – джюрюшюнг, джагъанга кёре – юлюшюнг.
- Къалгъан ишге къар джауар.
- Ёзденликни кёбю ётюрюк.
- Эр абынмай, эл танымаз.
- Къуру гыбыт бек дыгъырдар.
- Къатыны харакетли болса, эри къымсыз болур.
- Эринчекни эр алмаз, эр алса да, кёл салмаз, кёл салса да, кёб бармаз!
- Эски джаугъа ышанма.
- Байны оноуу, джарлыгъа джарамаз.
- Джахил болса анасы, не билликди баласы?
- Бозаны арты дауур болур.
- Ач – эснер, ат – кишнер.
- Аманны эки битли тону болур, бирин сеннге кийдирир, бирин кеси киер.
- Кесинге джетмегенни, кёб сёлешме.
- Чабар ат – джетген къыз.
- Ашына кёре табагъы, балына кёре къалагъы.
- Чыкълы кюнде чыкъмагъан, чыкъса къуру кирмеген.
- Хансыз джомакъ болмаз.
- Кёб джат да, бек чаб.
- Оюмсуз атлагъан, аджалсыз ёлюр.
- Уллу сёзде уят джокъ.
- Биреу къой излей, биреу той излей.
- Джашны джигитлиги сорулур, къызны джигерлиги сорулур.
- Джюрекден джюрекге джол барды.
- Сагъыш – къартлыкъгъа сюйюмчю.
- Рысхысына кёре, джаш ёсер, къышлыгъына кёре, мал ёсер.
- Душманны тышы – акъ, ичи – къара.
- Къызбайны юйюне дери сюрсенг, батыр болур.
- Эки къатын алгъанны къулагъы тынгнгаймаз.
- Адамны бетине къарама, адетине къара.
- Байлыкъдан саулукъ ашхыды.
- Кенгеш болса, уруш болмаз.
- Джарашыу сюйген – джалынчакъ.
- Эркишиге тары кебек танг кёрюнюр.
- Арпа, будай – ащды, алтын, кюмюш а – ташды.
Профиль
|
красивая я
 Эльбрусоид
Cообщений: 121
Баллов: 96
Регистрация: 24.03.2014
Последний визит: 08.12.2015 23:20:57
|
 |
|||
|
|
|
|||