- Игини сыйлагъан адетди.
- Малны кют, джерни тюрт.
- Тойгъан джерге джети къайт.
- Орну джокъну – сыйы джокъ.
- Ашыкъгъанны этеги бутуна чырмалыр.
- Алма терегинден кери кетмез.
- Уясында не кёрсе, учханында аны этер.
- Ёлмесенг да, къарт дамы болмазса?
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джюрекден джюрекге джол барды.
- Биреуге кёлтюрген таягъынг, кесинги башынга урур.
- Эринчекге кюн узун.
- Джаным-тиним – окъуу, билим.
- Айырылмаз джууугъунга, унутмаз сёзню айтма.
- Ёгюзню мюйюзюнден тутадыла, адамны сёзюнден тутадыла.
- Дуния аламаты сен эсенг да, игиме деб айтма.
- Къобан да къуру да къобханлай турмайды, адам да къуру да патчахлай турмайды.
- Ариу сёз – къылычдан джити.
- Махтаннган къыз, тойда джукълар.
- Эр сокъур болсун, къатын тилсиз болсун.
- Къулакъдан эсе, кёзге ышан.
- Иги – алгъыш этер, аман – къаргъыш этер.
- Кёбге таш атма.
- Азыгъы аз, алгъа къабар, аты аман, алгъа чабар.
- Ата – билек, ана – джюрек!
- Телиге акъыл салгъандан эсе, ёлгеннге джан салырса.
- Чомарт къонакъ юй иесин сыйлар.
- Джашда акъыл джокъ, къартда къарыу джокъ.
- Ашын ашагъанынгы, башын да сыйла.
- Ач келгенни – тойдур, кеч келгенни – къондур.
- Биреу къой излей, биреу той излей.
- Ушамагъан – джукъмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ишин билген, аны сыйын чыгъарады.
- Джырына кёре эжиую.
- Кийим тукъум сордурур.
- Тюкюрюк баш джармаз, налат кёз чыгъармаз!
- Ичимден чыкъды хата, къайры барайым сата?
- Ашхы адам – халкъ байлыгъы, ашхы джер – джашау байлыгъы.
- Чакъырылмагъан къонакъ къачан кетерин сормаз.
- Аджашхан тёгерек айланыр.
- Бал чибинни ургъаны – ачы, балы – татлы.
- Айтылгъан буйрукъ, сёгюлмез
- Тойгъан антын унутур.
- Джол бла сёзню къыйыры джокъ.
- Тенгинг джокъ эсе – изле, бар эсе – сакъла!
- Эки къатын алгъан – эки ташны ортасына башын салгъан.
- Акъыллы – эл иеси, тели – эл баласы.
- Уллу атлама – абынырса, уллу къабма – къарылырса.
- Джарлы эскисин джамаса, къууаныр.
Профиль
|
|
|
|||