- Кёзден кетген, кёлден да кетеди.
- Тойгъан джерден туугъан джер игиди.
- Къартны сыйын кёрмеген, къартлыгъында сыйлы болмаз.
- Къарнынг ауруса, ауузунгу тый
- Кёл ашады да, кеси ашады.
- Къыз чыгъаргъан – къызыл къымжа.
- Джарлы тюеге минсе да, ит къабар.
- Ётюрюкню башын керти кесер.
- Ашхы атаны – джашы ашхы, ашхы ананы – къызы ашхы.
- Тин – байлыгъынг, терен саулугъунг.
- Туз, гырджын аша, тюзлюк бла джаша.
- Таукел адам тау тешер.
- Къарт айтханны этмеген, къартаймаз.
- Этек чакъмакълары баш джаргъан, сёлешген сёзлери таш джаргъан.
- Ышармагъан – кюлмез, кюлмеген – къууанчны билмез.
- Таукелге нюр джауар.
- Аз сёлеш, кёб ишле.
- Джолунга кёре – джюрюшюнг, джагъанга кёре – юлюшюнг.
- Айраннга суу къош, телиге джол бош.
- Агъач халкъгъа алтынды, иссиликге салкъынды.
- Эки къатын алгъан – эки ташны ортасына башын салгъан.
- Хазыр ашха – терен къашыкъ.
- Мал тутхан – май джалар.
- Эртде тургъан бла эртде юйленнген сокъуранмаз.
- Адам къаллай бир ишленмесе, аллай бир кесин уллу кёреди.
- Ауурну тюбю бла, дженгилни башы бла джюрюген.
- Эл элде бирер малынг болгъандан эсе, бирер тенгинг болсун.
- Ишлерге уял да, ашаргъа табма.
- Бир онгсуз адам адет чыгъарды, деб эштирик тюлсе.
- Артына баргъанны, къатына барма.
- Биреуге кёлтюрген таягъынг, кесинги башынга урур.
- Ким бла джюрюсенг, аны кёзю бла кёрюнюрсе.
- Башда акъыл болмаса, эки аякъгъа кюч джетер.
- Башынга джетмегенни сорма.
- Джашда акъыл джокъ, къартда къарыу джокъ.
- Орундукъ тюбюнде атылсам да, орта джиликме, де да айлан.
- Тёзгеннге, джабылгъан эшик ачылыр.
- Джеринден айырылгъан – джети джылар, джуртундан айырылгъан – ёлгюнчю джылар.
- Бек ашыкъгъан меннге джетсин, дегенди аракъы.
- Эл тойса, тоймагъан, эл къойса, къоймагъан.
- Эшекге миннген – биринчи айыб, андан джыгъылгъан – экинчи айыб.
- Джашынгы кесинг юретмесенг, джашау юретир.
- Къазанда болса, чолпугъа чыгъар.
- Тойчу джашха къарама, къойчу джашха къара.
- Къан бла кирген, джан бла чыгъар.
- Джарлы эскисин джамаса, къууаныр.
- Къыз келсе, джумуш эте келеди, къатын келсе, ушакъ эте келеди.
- Кёб ант этген, кёб ётюрюк айтыр.
- Сёлеш деб шай берген, тохта деб, сом берген.
- Ашха уста, юйюнде болсун
Профиль
|
HANTER
 Эльбрусоид
Cообщений: 2036
Баллов: 1628
Регистрация: 26.05.2014
Последний визит: 26.02.2016 11:27:22
|
 |
|||
|
|
|
|||